शनी देवा साडेसाती दूर कर, खडसे आणि फडणवीस एकाच दिवशी शनीशिंगणापूरला

अहमदनगर : भाजपचे ज्येष्ठ नेते एकनाथ खडसे यांनी काल (11 जानेवारी) शनिशिंगणापूर येथे शनीचे दर्शन (Eknath khadse devendra fadnavis visit shani shingnapur)  घेतलं. यानंतर माजी मुख्यमंत्री देवेंद्र फडणवीस यांनीही काल शनिशिंगणापूर येथे शनीचे दर्शन घेतले. फडणवीस आणि खडसे यांनी एकाच दिवशी शनीचे दर्शन घेतल्यामुळे अनेक चर्चांना उधाण आले आहे.

देवेंद्र फडणवीस यांनी काल (11 जानेवारी) संध्याकाळच्या सुमारास शनिशिंगणापूर मंदिरात जाऊन शनीचे दर्शन घेतले. यावेळी त्यांनी शनीची पुजाही केली. इतंकच नव्हे तर शनी देवा साडेसाती दूर करं असे साकडंही फडणवीसांनी यावेळी घातलं.

तर दुसरीकडे एकनाथ खडसे यांनी काल (11 जानेवारी) दुपारच्या सुमारास शनिशिंगणापूर येथे शनीचे दर्शन घेतले. यावेळी त्यांनी आपल्या पत्नी आणि कुटुंबासह शनीचा अभिषेक केला. या दौऱ्याबाबत मात्र त्यांनी गुप्तता बाळगली होती. शनीचे दर्शन घेत साडेसाती दूर कर असे साकडंही शनी देवाच्या चरणी घातलं. यावेळी काही पत्रकारांशी संवाद साधताना फडणवीसांवर टीकाही केली.

“मी भाजपवर नाराज नाही. माझी नाराजी ही पक्षातीलच फडणवीसांच्या टीमवर आहे. मला संपविण्याचा झालेला प्रयत्न पक्षाची प्रतिमा मलीन करणारा आहे. अशी टीका खडसेंनी यावेळी केली. मी योग्य वेळ आल्यावर माझ्या मनातील रोष व्यक्त करणार,” असेही एकनाथ खडसेंनी यावेळी (Eknath khadse devendra fadnavis visit shani shingnapur) सांगितले.

“भाजप सेना युतीला जनतेने कौल दिला. पण सरकार स्थापन करताना दोन्ही पक्षाकडून चुका झाल्यामुळे सरकार स्थापन करता आले नाही. या सरकारला जनादेश नसून हे सरकार फार काळ टिकणार नाही.” असेही खडसे यावेळी म्हणाले.

दरम्यान गेल्या काही दिवसांपासून खडसे भाजपवर नाराज आहेत. अनेक कार्यक्रमांमध्ये त्यांनी जाहीररित्या आपली नाराजी व्यक्त केली आहे. मात्र एकाच दिवशी खडसे आणि फडणवीस शनी शिंगणापूरला गेल्याने तसेच साडेसातीची पुजा केल्याने राजकीय वर्तुळात चर्चांना उधाण आले (Eknath khadse devendra fadnavis visit shani shingnapur) आहे.