Eknath Shinde : आमदारांना अहमदाबादला नेणार, अमित शाह यांच्या भेटीची शक्यता, भाजपचं ऑपरेशन लोटस?

मुंबई : शिवसेनेच्या फुटलेल्या आमदारांना सूरतहून अहमदाबादला घेऊन जाणार असल्याची माहिती सूत्रांनी दिली आहे. शिवसेनेच्या फुटलेल्या आमदारांची अमित शाह यांच्याशी भेट होणार असल्याची सांगितलं जातंय. शिवसेनेचे एकनाथ शिंदे 13 आमदारांसह सूरतमधील एका हॉटेलात आहेत. ली मेरिडिअन हॉटेलात ते असून या भागात चोख पोलीस बंदोबस्त ठेवण्यात आलाय. अहमदाबादमध्ये यामुळे आता भाजपच्या ऑपरेशन लोटसची चर्चा राजकीय वर्तुळात रंगली आहे.

शिवसेना आमदार अहमदाबादला जाणार

शिवसेनेच्या फुटलेल्या आमदारांना सूरतहून अहमदाबादला घेऊन जाणार असल्याची माहिती सूत्रांनी दिली आहे. शिवसेनेच्या फुटलेल्या आमदारांची अमित शाह यांच्याशी भेट होणार असल्याची सांगितलं जातंय.

राज्याच्या राजकारणात खळबळ

शिवसेनेचे एकनाथ शिंदे 13 आमदारांसह सूरतमधील एका हॉटेलात आहेत. ली मेरिडिअन हॉटेलात ते असून या भागात चोख पोलीस बंदोबस्त ठेवण्यात आलाय. अहमदाबादमध्ये यामुळे आता भाजपच्या ऑपरेशन लोटसची चर्चा राजकीय वर्तुळात रंगली आहे.

नॉट रिचेबलच्या वृत्तानंतरही रिचेबल नाहीत

काल रात्रीपासून एकनाथ शिंदे हे गुजरातमध्ये आहे. सूरतच्या ली मेरिडिअन हॉटेलात ते थांबले आहेत. काल रात्री उशीरा ते हॉटेलमध्ये गेले असण्याची शक्यता आहे. सकाळपासून ते नॉट रिचेबल असल्याचं म्हटलं जातं आहे. सगळीकडे राजकीय चर्चांना उधान आलेलं असतानाही ते रिचेबल झालेले नाहीत.

सुरतच्या ग्रॅन्ड भगवती हॉटेलमध्ये असल्याची माहिती

काल सायंकाळपासून एकनाथ शिंदे यांनी आपला मोबाईल बंद केला आहे. त्यामुळे ते नाराज असल्याची चर्चा आहे. तसेच कालच्या बैठकीला देखील ते हजर नव्हते. पण ते गुजरातमध्ये असल्याची माहिती मिळाली आहे. त्यांच्यासोबत काही आमदार देखील आहेत. गुजरातमधील सुरतच्या ग्रॅन्ड भगवती हॉटेलमध्ये असल्याची माहिती मिळाली आहे. नाराज एकनाथ मोठा राजकीय निर्णय घेणार असल्याची माहिती सुत्रांकडून मिळाली आहे