AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Ajit Pawar : राष्ट्रवादीच्या कोणत्या कोणत्या आमदारांनी मंत्रीपदाची शपथ घेतली; नव्या मंत्र्यांची संपूर्ण यादी वाचा

जे आमदार गेले आहेत. त्यातील 80 टक्के आमदार संध्याकाळपर्यंत परत येतील, असा दावा राष्ट्रवादीने केला आहे. दरम्यान, राष्ट्रवादीचे प्रदेशाध्यक्ष जयंत पाटील यांच्या कार्यालयात राष्ट्रवादीचे कार्यकर्ते आणि आमदार जमू लागले आहेत.

Ajit Pawar : राष्ट्रवादीच्या कोणत्या कोणत्या आमदारांनी मंत्रीपदाची शपथ घेतली; नव्या मंत्र्यांची संपूर्ण यादी वाचा
ajit pawarImage Credit source: tv9 marathi
| Updated on: Jul 02, 2023 | 3:32 PM
Share

मुंबई : महाराष्ट्राच्या राजकारणात मोठा भूकंप झाला आहे. शिवसेनेनंतर राष्ट्रवादीत मोठी फूट पडली आहे. राष्ट्रवादीचे नेते अजित पवार हे शिंदे सरकारमध्ये सामील झाले आहेत. अजित पवार यांनी शिंदे सरकारमध्ये सामील होत उपमुख्यमंत्रीपदाची शपथही घेतली आहे. त्यांच्यासोबत 9 आमदारांनीही मंत्रीपदाची शपथ घेतली आहे. राजभवनात झालेल्या छोटेखानी कार्यक्रमात अजित पवार आणि त्यांच्या सहकाऱ्यांनी पद आणि गोपनीयतेची शपथ घेतली आहे.

अजित पवार हे आज सकाळपासूनच त्यांच्या बंगल्यावर होते. देवगिरी या बंगल्यावर राष्ट्रवादीचे काही आमदारही आले होते. राष्ट्रवादीचे नेते प्रफुल्ल पटेल आणि सुप्रिया सुळेही आल्या होत्या. यावेळी या नेत्यांची बैठक झाली. त्यानंतर अजित पवार बंगल्यातून निघाले. ते थेट राजभवनात पोहोचले. त्यांच्या पाठोपाठ मुख्यमंत्री एकनाथ शिंदे आणि उपमुख्यमंत्री देवेंद्र फडणवीसही राजभवनात आले. अजित पवार यांनी राज्यपालांना 30 आमदारांच्या सह्यांचं पत्र दिलं. त्यानंतर राज्यपाल रमेश बैस यांनी अजित पवार यांना पद आणि गोपनीयतेची शपथ दिली. त्यांच्यासोबत इतर नऊ आमदारांनीही पद आणि गोपनीयतेची शपथ घेतली.

नऊ जणांची शपथ

अजित पवार यांनी उपमुख्यमंत्रीपदाची शपथ घेतली. त्यांच्यानंतर छगन भुजबळ, दिलीप वळसे पाटील. हसन मुश्रीफ, धनंजय मुंडे, धर्मराव बाबा अत्राम, आदिती तटकरे, संजय बनसोडे आणि अनिल पाटील यांनीही पद आणि गोपनीयतेची शपथ घेतली.

शपथ घेणारे मंत्री

अजित पवार, उपमुख्यमंत्री

छगन भुजबळ, कॅबिनेट मंत्री

दिलीप वळसे पाटील

हसन मुश्रीफ

धनंजय मुंडे

धर्मराव बाबा अत्राम

आदिती तटकरे

संजय बनसोडे

अनिल पाटील

बंडाशी संबंध नाही

दरम्यान, अजित पवार यांच्या बंडाशी आपला काहीच संबंध नसल्याचं शरद पवार यांनी म्हटलं आहे. मी खंबीर आहे. लढायला मजबूत आहे, असं पवार यांनी म्हटलं आहे. तसेच जे आमदार गेले आहेत. त्यातील 80 टक्के आमदार संध्याकाळपर्यंत परत येतील, असा दावा राष्ट्रवादीने केला आहे. दरम्यान, राष्ट्रवादीचे प्रदेशाध्यक्ष जयंत पाटील यांच्या कार्यालयात राष्ट्रवादीचे कार्यकर्ते आणि आमदार जमू लागले आहेत. जयंत पाटील हे इतर आमदारांच्या संपर्कात आहेत. राजकीय घडामोडींवर लक्ष ठेवून आहेत. जयंत पाटील हे शरद पवार यांना भेटण्याची शक्यताही वर्तवली जात आहे.

Follow Us
अजित दादांनी राजकारणापलीकडे नातं जपण्याचं काम केलं; शिंदेंचं विधान
अजित दादांनी राजकारणापलीकडे नातं जपण्याचं काम केलं; एकनाथ शिंदे यांचं भावनिक विधान
पुण्यात अजितदादांच्या पुतळ्याचे अनावरण; सुनेत्रा पवार भावुक...
Sunetra Pawar : पुण्यात अजितदादांच्या पुतळ्याचे अनावरण; सुनेत्रा पवार भावुक
लातूर बँक निवडणुकीत धीरज देशमुखांचा दबदबा! 19 पैकी 19 जागांचा निकाल पह
लातूर बँक निवडणुकीत धीरज देशमुखांचा दबदबा! 19 पैकी 19 जागांचा निकाल पहा...
मुलगी नताशाच्या वक्तव्यावर जितेंद्र आव्हाड ठाम भूमिका; शरद पवारांचा...
मुलगी नताशाच्या वक्तव्यावर जितेंद्र आव्हाड ठाम भूमिका; शरद पवारांचा उल्लेख करत म्हणाले...
बिनविरोध निवडीचा मान कायम! जय शाह पुन्हा सांभाळणार आयसीसीची धुरा
Jay Shah : बिनविरोध निवडीचा मान कायम! जय शाह पुन्हा सांभाळणार आयसीसीची धुरा
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई गँगशी कनेक्शन उघड
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह...
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह अनेक नेत्यांची उपस्थिती!
जिल्हा बँक निवडणुकीच्या 15 पैकी 4 जागांचा निकाल जाहीर
Latur Bank Election : जिल्हा बँक निवडणुकीच्या 15 पैकी 4 जागांचा निकाल जाहीर
डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध
मोठी बातमी! डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध...
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ