Tukaram Mundhe: मला लाच देण्याचं धाडस कोणीच केलंच तर…महाराष्ट्राचा ‘सिंघम’ तुकाराम मुंढे यांची थेट वॉर्निंग

महाराष्ट्राचे अन्न व औषध प्रशासन आयुक्त, तुकाराम मुंढे जलद कारवाईमुळे सतत चर्चेत आहेत. त्यांच्या कारवाईचा परिणाम महाराष्ट्रातील प्रमुख रेस्टॉरंट्स, हॉटेल्स आणि सरकारी संस्थांच्या कॅन्टीनमध्ये स्पष्टपणे दिसून येतो. मे 2026 मध्ये एफडीए आयुक्त म्हणून पदभार स्वीकारल्यापासून, तुकाराम मुंढे यांनी महाराष्ट्रात भेसळीविरोधात एक मोठी मोहीम सुरू केली आहे, ज्यामुळे मोठा घोळ आता समोर आला आहे. सध्या तुकाराम मुंढे यांनी एका मुलाखतीत जे म्हणाले ते आता चर्चेचा विषय बनला आहे,

या संभाषणादरम्यान तुकाराम मुंढे म्हणाले, “जर प्रत्येकाने आपली भूमिका बजावली, तर आपण खऱ्या अर्थाने एक चांगला समाज बनू शकतो.” त्यांचे अनेक टीकाकार त्यांना अहंकारी म्हणतात. पण मी माझी भूमिका पार पाडण्याचा प्रयत्न करत आहे. मला लाच देण्याचे धाडस कोणीही करणार नाही. मला लाच देण्याचे धाडस कोणीही करू शकत नाही. जर कोणी असा विचारही करत असेल, तर त्यांनी असे करण्यापूर्वी शंभर वेळा विचार करावा.”

या मुलाखतीत त्यांनी स्पष्ट केले की, त्यांनी आपल्या संपूर्ण कारकिर्दीत प्रामाणिकपणा आणि नियमांचे काटेकोर पालन याला प्राधान्य दिले आहे, म्हणूनच भ्रष्टाचार करणारे लोक त्यांना घाबरतात. तुकाराम मुंडे हे देशातील सर्वात कडक आणि प्रामाणिक आयएएस अधिकाऱ्यांपैकी एक मानले जातात. आपल्या जवळपास 20 वर्षांच्या सेवेत तुकाराम मुंडे यांची 25 वेळा बदली झाली आहे. असे असूनही, ते कोणत्याही राजकीय किंवा बाह्य दबावाला बळी पडत नाहीत, असे त्यांनी स्पष्ट केले.

तुकाराम मुंढे यांनी आतापर्यंत अनेक कारावाया केल्या आहेत. त्यांच्या कामगिरीचे सर्वत्र कौतुक होत आहे. काही लोक तर त्यांना स्वत:हून आमंत्रित करतात की आमच्याकडे या आणि ज्या चुकीच्या गोष्टी घडतायेत त्यावर कारवाया करा. अनेक लोक सोशल मीडियावर व्हिडिओच्या माध्यमातून तुकाराम मुंढे यांच्याकडे विनंती करतात. यावरुन स्पष्ट होते की तुकाराम मुंढे यांचे काम सर्वांनाच प्रभावित करत आहे. अनेक सेलिब्रिटींनीही त्यांच्या कामाचे खूप कौतुक केले आहे.