Rohit Pawar: ‘रोहित पवारांचं ठरलं? मुख्यमंत्र्याशी बैठकही झाली..’, बड्या नेत्याच्या दाव्याने खळबळ

रोहित पवारांनी अजित दादांच्या अपघातासंदर्भात जे काही रिसर्च केले आहे. त्याचे आम्ही कौतुकच केले आहे. त्यांनी VSR कंपनीसंदर्भात खोलात जाऊन रिसर्च केले. असे सादरीकरण करण्यात आले की दादांच्या अपघातासंदर्भात मफलरमँनच खलनायक आहे, मात्र मुलाच्या लग्नाला जाणं हा काही गुन्हा होऊ शकत नाही," असं उमेश पाटील म्हणालेत.

Rohit Pawar: रोहित पवारांचं ठरलं? मुख्यमंत्र्याशी बैठकही झाली.., बड्या नेत्याच्या दाव्याने खळबळ
| Updated on: Nov 20, 2026 | 7:37 PM

सागर सुरवसे, प्रतिनिधी:  ‘आमदार रोहित पवार यांनी अजित दादांच्या अपघातासंदर्भात जे काही रिसर्च केले आहे. त्याचे आम्ही कौतुकच केले आहे. मात्र VSR कंपनी मालकाच्या मुलाच्या लग्नाला जाणं हा काही गुन्हा होऊ शकत नाही, असे म्हणत राष्ट्रवादी काँग्रेस अजित पवार गटाचे नेते उमेश पाटील यांनी रोहित पवारांच्या आरोपांवरुन टीका केली आहे. तसेच रोहित पवार हे काँग्रेसमध्ये जाणार आहेत, त्यांची कर्नाटकचे मुख्यमंत्री डीके शिवकुमार यांच्याशी बैठकही झाल्याची माहिती आहे,” असा मोठा दावाही त्यांनी केला आहे.

काय म्हणालेत उमेश पाटील? 

Loading...

“मला असं वाटतं नाही रोहित पवार वेगळे पडलेत. ते विद्या प्रतिष्ठानच्या संचालक मंडळावर नाहीत त्यामुळे ते आजच्या बैठकीला नसावेत. रोहित पवारांसदर्भात आम्ही काही बोलणे योग्य नाही. तो त्यांच्या पक्षांचा प्रश्न आहे. रोहित पवारांनी अजित दादांच्या अपघातासंदर्भात जे काही रिसर्च केले आहे. त्याचे आम्ही कौतुकच केले आहे. त्यांनी VSR कंपनीसंदर्भात खोलात जाऊन रिसर्च केले. असे सादरीकरण करण्यात आले की दादांच्या अपघातासंदर्भात मफलरमँनच खलनायक आहे, मात्र मुलाच्या लग्नाला जाणं हा काही गुन्हा होऊ शकत नाही,” असं उमेश पाटील म्हणालेत.

‘रोहित पवार काँग्रेसमध्ये जाणार…’

तसेच “आमच्या माहितीप्रमाणे रोहित पवार काँग्रेसमध्ये जाणार आहेत हे लोकं आम्हाला सांगत आहेत. रोहित पवार काँग्रेसमध्ये प्रवेश करणार असल्याची माहिती आहे. कर्नाटकचे मुख्यमंत्री डी के शिवकुमार यांच्याशी त्यांच्या बैठक झाल्याची माहिती आम्हाला मिळाली, तशा चर्चाही आहेत,” असा सर्वात मोठा दावाही यावेळी उमेश पाटील यांनी केला आहे.

‘मुख्यमंत्र्यांवरील टीका रुचली नाही…’

यावेळी बोलताना उमेश पाटील यांनी रोहित पवार यांनी अजित पवार यांच्या अपघातावरुन मुख्यमंत्री देवेंद्र फडणवीस यांच्यावर केलेल्या आरोपांवरुन महत्त्वाचे विधान केले.  “अजितदादादांच्या अपघाताबाबत त्यांनी जी भूमिका मांडली त्यांचे अनेकांनी स्वागत केले.  मात्र मुख्यमंत्र्यांबाबत त्यांनी जी भूमिका मांडली ती कोणालाही रुचली नाही, त्यांनी एखाद्या चित्रपटाच्या ट्रेलर किंवा टीझर प्रमाणे त्यांनी मफलरमॅन म्हणून सस्पेन्स निर्माण केला तो चुकीचा होता. अजितदादांच्या मृत्यूबाबत अशा पद्धतीने राजकीय भांडवल करणे चुकीचे आहे,” असं ते म्हणाले.

Loading...
Unable to load recommendations.
Follow Us