Raj Thackeray | टीशर्ट-गॉगल आणि दाढी, राज ठाकरे यांचा न्यू लूक

मुंबई : लॉकडाऊनच्या काळात अनेकांनी नवनवीन लूक आजमावून पाहिले. अगदी सर्वसामान्यांपासून कलाकारांपर्यंत बऱ्याच जणांनी घरच्या घरी हटके अंदाज केला. नेते मंडळीही याला अपवाद ठरलेले नाहीत. महाराष्ट्र नवनिर्माण सेनेचे अध्यक्ष राज ठाकरे यांचाही एक ‘कूल लूक’ समोर आला आहे. (MNS Chief Raj Thackeray New Look)

लॉकडाऊनमध्ये सलून बंद असताना कोणी वाढलेल्या केसांची अनोखी स्टाईल केली, तर कोणी घरच्या घरी केसांना कात्री लावली होती. कोणी दाढीला नवा आकार दिला. गॉगल आणि टीशर्ट घातला असतानाचा राज ठाकरे यांचा फोटो समोर आला आहे. राज ठाकरे यांच्या नव्या फोटोत त्यांची वाढलेली दाढी दिसत आहे.

राज ठाकरे यांचे स्टाईल स्टेटमेंट

अनेक राजकीय नेत्यांची स्वतःची अशी एक ओळख असते. त्यांचे स्वतःचे ‘स्टाईल स्टेटमेंट’ पाहायला मिळते. राज ठाकरेही बहुतेक वेळा कुर्ता पायजमा अशा वेशभूषेत दिसतात. पत्रकार परिषदेत त्यांचे पांढरेशुभ्र कुर्ते पाहायला मिळतात, तर एखाद्या विशेष कार्यक्रमात त्यांचा रंगीत कुर्ता पाहायला मिळतो.

हेही वाचा : “आत्मचरित्राची पानं वाढली”, ‘एमएसईबी’ कार्यालय फोडणाऱ्या मनसैनिकाला राज ठाकरेंचा फोन

जानेवारी महिन्यात मुंबईत मनसेचे महाअधिवेशन झाले होते. त्यावेळीही राज ठाकरे यांच्या लूककडे सर्वांचे लक्ष लागले होते. बांगलादेशी आणि पाकिस्तानी घुसखोरांविरोधात फेब्रुवारी महिन्यात मनसेने मोर्चाचे आयोजन केलं होतं. राज ठाकरे यांनी या मोर्चासाठी पांढऱ्या रंगाचा कुर्ता घातला होता. तर कपाळाला भगव्या रंगाचा टिळा लावला होता. मनसेचा नवा झेंडा असलेला बॅच उजव्या हाताला बांधला होता. राज ठाकरेंनी पांढऱ्या आणि करड्या रंगाचे शूज घातले होते. मात्र या शूजच्या लेसचा रंगही भगवा होता.