केंद्रीय मंत्रिमंडळाच्या विस्तारात ११ मंत्र्यांना वगळणार, कोणाला मिळणार संधी?

जितेंद्र झंवर, Tv9 मराठी

Updated on: Jan 24, 2023 | 11:22 AM

लोकसभेची २०२४ ची निवडणूक लक्षात घेऊन केंद्रीय मंत्रिमंडळाचा विस्तार केला जाणार आहे. या विस्तारात ११ मंत्र्यांना वगळण्यात येणार असल्याची माहिती सूत्रांनी दिला. त्यातील काही जणांना संघटनेची जबाबदारी दिली जाणार आहे.

केंद्रीय मंत्रिमंडळाच्या विस्तारात ११ मंत्र्यांना वगळणार, कोणाला मिळणार संधी?
PM Narendra Modi
Image Credit source: tv9 marathi

नवी दिल्ली : भाजपच्या राष्ट्रीय कार्यकारणीची (bjp meeting )बैठक १६ व १७ जानेवारी रोजी नवी दिल्लीत झाली. आता या बैठकीनंतर केंद्रीय मंत्रिमंडळाच्या विस्ताराची (Modi Cabinet Expansion)प्रक्रिया सुरु झाली आहे. लोकसभेची २०२४ ची (Lok Shaba election) निवडणूक लक्षात घेऊन केंद्रीय मंत्रिमंडळाचा (cabinet minister )विस्तार केला जाणार आहे. या विस्तारात ११ मंत्र्यांना वगळण्यात येणार असल्याची माहिती सूत्रांनी दिला. त्यातील काही जणांना संघटनेची जबाबदारी दिली जाणार आहे.

गेल्या अनेक दिवसांपासून केंद्रातील नरेंद्र मोदी मंत्रिमंडळाचा विस्तार केला जाणार असल्याचा बातम्या येत आहेत. हा विस्तार संसदेचे अर्थसंकल्पीय अधिवेशन सुरु होण्यापुर्वी होणार आहे. त्यामुळे विद्यामान मंत्र्यांमध्ये अस्वस्था निर्माण झाली आहे. या विस्तारात चांगली कामगिरी नसणाऱ्या ११ मंत्र्यांना डच्चू दिला जाणार आहे. मंत्रिमंडळ विस्ताराबरोबरच भारतीय जनता पक्षात संघटनात्मक फेरबदल होणार आहे. या फेरबदलात २०२४ ची लोकसभा निवडणूक लक्षात घेऊन काही मंत्र्यांना संघटनेत पाठवले जाणार आहे. वर्षभरात १० राज्यातील विधानसभेच्या निवडणुका आहेत. त्या निवडणुका लक्षात घेऊन विस्तारात काही जणांनी संधी मिळणार आहे. २०२४ च्या लोकसभा निवडणुकीपूर्वी मोदी सरकारमध्ये अंतिम फेरबदल होण्याची शक्यता वर्तवली जात आहे.

शिंदे गटातून कोण

मंत्रिमंडळात बदल करताना महाराष्ट्रातून शिंदे गटाला स्थान मिळणार आहे. राज्यात सत्ता स्थापन करण्यासाठी भाजपला मदत करणाऱ्या शिंदे गटाच्या काही चेहऱ्यांना केंद्रीय मंत्री मंडळ विस्तारात संधी मिळण्याची शक्यता वर्तवली जात आहे. त्यामुळे या मंत्रिमंडळ विस्तारात शिंदे गटाच्या कोणत्या चेहऱ्यांना संधी मिळणार याकडेही राज्यातील जनतेसह राजकीय नेत्यांचं लक्ष लागलं आहे.तसेच भाजपमधील एका बड्या नेत्याचा समावेश केला जाणार असल्याची चर्चा सुरु झालीय. राज्यातील एक किंवा दोन जणांना मंत्रिमंडळातून वगळण्यात येणार असल्याची चर्चा आहे. विरोधक यासंदर्भात माध्यमांना माहिती देत आहे.

हे सुद्धा वाचा

धक्कातंत्र असणार धक्कातंत्राची शक्यता पंतप्रधान नरेंद्र मोदी मंत्रिमंडळ विस्तारात कोणाला नारळ देणार व कोणाला मंत्री करणार, याची खबरबात कोणालाच नाही. परंतु २०२४च्या निवडणुका लक्षात घेऊन काही वरिष्ठ मंत्र्यांना सरकारमधून पक्षात पाठवले जाणार असल्याचे निश्चित झाले आहे. तथापि, हे मंत्री कोण असतील, हे विस्तारा दरम्यान धक्कातंत्राच्या माध्यमातूनच समजणार आहे.

Non Stop LIVE Update

Follow us on

Related Stories

Most Read Stories

Click on your DTH Provider to Add TV9 MARATHI