MPSC Exam : परीक्षा पुढे ढकलण्याच्या निर्णयानंतर जोरदार राजकारण, वडेट्टीवार आणि मेटे आमनेसामने

या विषयावर आता जोरदार राजकारण रंगल्याचं पाहायला मिळत आहे. शिवसंग्रामचे नेते विनायक मेटे आणि मंत्री विजय वडेट्टीवार हे या विषयावर आमनेसामने आल्याचं पाहायला मिळत आहे.

MPSC Exam : परीक्षा पुढे ढकलण्याच्या निर्णयानंतर जोरदार राजकारण, वडेट्टीवार आणि मेटे आमनेसामने
Follow us
| Updated on: Mar 11, 2021 | 4:59 PM

मुंबई : MPSC परीक्षा पुढे ढकलण्याचा निर्णय झाल्यानंतर पुणे, औरंगाबाद, नागपूर, कोल्हापूर, जळगावसह अनेक शहरात विद्यार्थी रस्त्यावर उतरल्याचं पाहायला मिळत आहे. परीक्षा दोन दिवसांवर आली असताना ती पुढे ढकलण्याचा निर्णय योग्य नाही. ठरलेल्या तारखेलाच परीक्षा झाली पाहिजे अशी भूमिका या विद्यार्थ्यांनी घेतली आहे. राज्य सरकारच्या विरोधात जोरदार घोषणाबाजीही करण्यात येत आहे. या विषयावर आता जोरदार राजकारण रंगल्याचं पाहायला मिळत आहे. शिवसंग्रामचे नेते विनायक मेटे आणि मंत्री विजय वडेट्टीवार हे या विषयावर आमनेसामने आल्याचं पाहायला मिळत आहे.(Allegations of Vinayak Mete and Vijay Vadettiwar after the decision to postpone the MPSC exam)

सरकारचा निर्णय योग्य- मेटे

शिवसंग्राम संघटनेचे नेते विनायक मेटे यांनी राज्य सरकारच्या निर्णयाचं स्वागत केलं आहे. टीव्ही 9 मराठीशी बोलताना त्यांनी सरकारचा हा निर्णय योग्य असल्याचं म्हटलं. आहे. “महाराष्ट्र सरकारनं सध्या राज्यात कोरोनाची स्थिती लक्षात घेऊन आणि सर्वोच्च न्यायालयात आरक्षणाचा जो विषय प्रलंबित आहे, त्याचा विचार करुन परीक्षा पुढे ढकलण्याचा निर्णय घेतला आहे. सरकारचा हा निर्णय योग्य आहे. काही लोकांना तो निर्णय पसंत नसेल, त्यांच्या काही प्रतिक्रिया आल्या असतील किंवा येत असतील, पण त्यांनी हे लक्षात घेतलं पाहिजे की परीक्षा फक्त पुढे ढकलल्या आहेत, रद्द केलेल्या नाहीत. कोरोनाच्या परिस्थितीत अशा पद्धतीनं गोंधळ घालणंही योग्य नाही. पुढे लाखो विद्यार्थी परीक्षा देणार आहेत. त्यांच्या जिवाला जर काही बरं वाईट झालं तर हे गोंधळ घालणारे जबाबदारी घेणार आहेत का? असा सवाल विनायक मेटे यांनी केलाय.

मेटेंकडून आगीत तेल ओतण्याचं काम – वडेट्टीवार

विनायक मेटे यांच्या या मताचा मंत्री विजय वडेट्टीवार यांनी चांगलाच समाचार घेतलाय. “विनायक मेटे हे आगीत तेल घालण्याचा प्रयत्न करत आहेत. गेल्या 2- 3 वर्षांपासून 80 टक्के विद्यार्थ्यांचं नुकसान झालं आहे. मी मुख्यमंत्र्यांना विनंती करणार आहे की, यावर मार्ग काढा, तोडगा काढा. आरक्षित जागा बाजूला ठेवून परीक्षा घेण्यास काहीच हरकत नाही”, असं वडेट्टीवार यांनी म्हटलं. त्याचबरोबर आपण मुख्यमंत्री उद्धव ठाकरे यांना विनंती करणार असल्याचंही वडेट्टीवार यांनी सांगितलं.

सरकारला घरचा आहेर

“एमपीएससीची परीक्षा अचनाकपणे पुढे ढकलण्याचा जो निर्णय आज झाला आहे. त्याचा मी जाहीर निषेध करतो. कोरोनाचे संकट कितीही मोठे असले तरीही अशा पद्धतीनं अचानकपणे परीक्षा पुढे ढकलून काय साध्य होणार आहे? ह्या निर्णयावर तातडीने फेरविचार झालाच पाहिजे”, अशा शब्दात सत्यजित तांबे यांनी आयोगाच्या निर्णयाला विरोध दर्शवला आहे.

रोहित पवारांचा पुनर्विचाराचा सल्ला

“यापुढं कोरोनामुळे कोणतीही गोष्ट न थांबवता कोरोना प्रतिबंधक नियम पाळून आपल्याला पुढं जावं लागेल. त्यासाठी लोकही सहकार्य करतील असा विश्वास आहे. त्यानुसारच MPSCची परीक्षा झाली पाहिजे. मुख्यमंत्री साहेब आणि अजितदादा आपण याकडं लक्ष द्यावं, ही विनंती!” असं ट्वीट राष्ट्रवादीचे आमदार रोहित पवार यांनी केलं आहे.

संबंधित बातम्या : 

अधिवेशन आणि लग्न होतात मग MPSC परीक्षा का नाही; पृथ्वीराज चव्हाणांचा सरकारला घरचा आहेर

परीक्षा झालीच पाहिजे, रोहित पवार आग्रही, सरकारच्या निर्णयाचा निषेध, सत्यजीत तांबे आक्रमक

Allegations of Vinayak Mete and Vijay Vadettiwar after the decision to postpone the MPSC exam

Non Stop LIVE Update
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा.
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक.
गैरव्यवहाराच्या आरोपात अजितदादांनंतर प्रफुल्ल पटेलांनाही दिलासा
गैरव्यवहाराच्या आरोपात अजितदादांनंतर प्रफुल्ल पटेलांनाही दिलासा.
महायुतीत जागा वाटपावरून तिढा कायम, कुठं अंतर्गत रस्सीखेच तर पेच कायम?
महायुतीत जागा वाटपावरून तिढा कायम, कुठं अंतर्गत रस्सीखेच तर पेच कायम?.
भाजपवरून शिंदे गटात अंतर्गत नाराजी,अनेक मतदारसंघ भाजपने स्वतःकडे खेचले
भाजपवरून शिंदे गटात अंतर्गत नाराजी,अनेक मतदारसंघ भाजपने स्वतःकडे खेचले.
शिवसेनेत गोविंदाची एन्ट्री अन् दादांचं 15 दिवसांपूर्वी वक्तव्य चर्चेत
शिवसेनेत गोविंदाची एन्ट्री अन् दादांचं 15 दिवसांपूर्वी वक्तव्य चर्चेत.
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.