माझ्या निष्ठेवर प्रश्न नको, ‘त्या’दिवशी मी दुपारी एकपर्यंत झोपलो होतो : धनंजय मुंडे

राष्ट्रवादीचे नेते आणि उपमुख्यमंत्री अजित पवार यांनी 23 नोव्हेंबर रोजी बंडखोरी करत भाजपला समर्थन देत उपमुख्यमंत्रिपदाची शपथ घेतली. यावेळी त्यांच्यासोबत राष्ट्रवादीचे 10 ते 12 आमदारहीसोबत होते.

माझ्या निष्ठेवर प्रश्न नको, 'त्या'दिवशी मी दुपारी एकपर्यंत झोपलो होतो : धनंजय मुंडे

मुंबई : राष्ट्रवादीचे नेते आणि उपमुख्यमंत्री अजित पवार यांनी 23 नोव्हेंबर रोजी बंडखोरी करत भाजपला समर्थन देत उपमुख्यमंत्रिपदाची शपथ घेतली. यावेळी त्यांच्यासोबत राष्ट्रवादीचे 10 ते 12 आमदारहीसोबत होते. तसेच राष्ट्रवादीचे नेते धनंजय मुंडेंचाही (Dhananjay munde clarification on ajit pawar) यामध्ये समावेश होता, अशी चर्चा सुरु झाली होती. मात्र यावर धनंजय मुंडेंनी स्पष्टीकरण दिले आहे. मी राष्ट्रवादीचा एकमेव निष्ठावंत कार्यकर्ता आहे, असं मुंडेंनी (Dhananjay munde clarification on ajit pawar) सांगितले.

“मी राष्ट्रवादीचा एकमेव निष्ठावंत कार्यकर्ता आहे. मी शरद पवार यांच्यासोबतच आहे. त्यादिवशी घटना घडली तेव्हा मी एक वाजेपर्यंत झोपलेला होतो. मला याबद्दल काही माहित नव्हते. त्यामुळे मला माध्यमांसमोर यायला वेळ लागला”, असं धनंजय मुंडे म्हणाले.

“निवडणूक सगळ्यांनी एकत्र लढवली. पण त्यानंतर अजित पवार यांनी वेगळा निर्णय घेतला तो त्यांचा वैयक्तिक प्रश्न आहे. माझे अजित पवार यांच्यावर प्रेम ही गोष्ट वेगळी आहे. पण त्यांनी घेतलेल्या निर्णय हा त्यांचा वैयक्तिक निर्णय आहे”, असंही मुंडेंनी सांगितले.

मुंडे म्हणाले, “माझ्या बंगल्यावर काय झाले हे मला माहित नाही, तो सार्वजनिक आहे. मला याबद्दल काही माहित नव्हते. माध्यमांनी लोकांमध्ये अनेक प्रश्न उपस्थित केले आहेत”

दरम्यान, ग्रँड हयातमध्ये आज शिवसेना, राष्ट्रवादी काँग्रेस आणि काँग्रेस पक्षाकडून शक्तीप्रदर्शन करण्यात आले. यावेळी तिन्ही पक्षाचे आमदार उपस्थित होते. आमदारांची फोडाफोड होऊ नये यासाठी तिन्ही पक्षांकडून आमदारांना हॉटेलमध्ये ठेवण्यात आले आहे.

Click on your DTH Provider to Add TV9 MARATHI