महापालिका निवडणुकांचं बिगुल वाजलं, पुण्याची प्रभागरचना 1 फेब्रुवारीला तर नागपूरचा निर्णय लवकरच
राज्यातील महानगरपालिकांच्या निवडणुकांचे (Municipal Corporation Election) बिगुल वाजलं आहे. पुणे (Pune) आणि नागपूर (Nagpur) महानगरपालिकेची प्रभाग रचना पुढच्या आठवड्यात जाहीर होण्याची शक्यता असल्याची माहिती आहे.
पुणे : राज्यातील महानगरपालिकांच्या निवडणुकांचे (Municipal Corporation Election) बिगुल वाजलं आहे. पुणे (Pune) आणि नागपूर (Nagpur) महानगरपालिकेची प्रभाग रचना पुढच्या आठवड्यात जाहीर होण्याची शक्यता असल्याची माहिती आहे. पुणे महानगरपालिकेची प्रभागरचना 1 फेब्रुवारी रोजी जाहीर होणार असून त्यावरील अंतिम निर्णय हा 2 मार्चला होणार आहे. तर, नागपूर महापालिकेचे प्रभाग रचना ही सोमवारपर्यंत निश्चित होण्याची शक्यता आहे. प्रभाग रचना अंतिम होत असल्याने राजकीय पक्षांचे लक्ष या सर्व प्रक्रियेकडे लागलेलं आहे. सर्व राजकीय पक्ष महापालिका निवडणुकांच्या तयारीला लागले आहेत. प्रभाग रचनेनंतर आरक्षणाची सोडत जाहीर होणार असल्याचं राज्य निवडणूक आयोगानं कळवलेलं आहे. त्यामुळे येत्या काही दिवसात जाहीर होणारी प्रभाग रचना राजकीय पक्षांची पुढची रणनीती ठरवण्यासाठी महत्त्वाची ठरणार आहे. यावेळी प्रभाग रचनेत बदल झाल्यामुळे पुणे आणि नागपूर महापालिकेत सत्तांतर होणार का हेदेखील पाहावे लागेल
पुण्याची प्रभाग रचना 1 फेब्रुवारीला जाहीर होणार
अखेर पुणे महापालिकेच्या निवडणुकीच्या प्रभाग रचनेचे बिगुल वाजले आहे. 1 फेब्रुवारीला पुण्यातील प्रभाग रचना जाहीर होणार आहे. 2 मार्चला प्रभाग रचनेवर अंतिम निर्णय होणार आहे. प्रभागरचनेकडे पुण्यातील सर्वपक्षीय इच्छुकांच्या नजरा लागल्या होत्या. महापालिकेने 20 जानेवारीला निवडणूक आयोगाला 24 बदलासह सुधारित आराखडा आयोगाला सादर केला होता.
नागपूरमध्ये नगरसेवक वाढणार
नागपूर महापालिकेची प्रभाग रचना सोमवार पर्यंत निश्चित होण्याची शक्यता आहे. निवडणूक जवळ येत असल्याने प्रत्येक पक्षाचं प्रभाग रचने कडे लक्ष लागलं आहे. प्रभाग रचनेत काय बदल होणार याविषयी उत्सुकता राजकीय पक्षांना लागली आहे. चार ऐवजी तीन सदस्यांचा प्रभाग झाल्याने प्रभागांची रचना बदलणार आहे. या वेळी वाढलेली लोकसंख्या बघता 151 ऐवजी 156 जागांवर निवडणूक होणार असल्याची माहिती आहे. नागपूरमध्ये 52 प्रभाग राहतील. महापालिका निवडणुकीच्यांदृष्टीने राजकीय आराखडा रंगणार आहे. नागपूरमध्ये भाजप सत्तेत आहे. तर, काँग्रेस विरोधी पक्षेत आहे.
इतर बातम्या:
Pune and Nagpur Municipal Corporation Election wards will declare in next week
