राऊत म्हणाले, ‘आगे बढो’, धनंजय मुंडे म्हणाले, ‘बहिणीला उदंड आयुष्य लाभो’ तर भाच्याकडून आत्याला खास शुभेच्छा

मुंबई :  महाराष्ट्राच्या धडाडीच्या महिला नेत्या, राष्ट्रवादी काँग्रेस पक्षाचा हुशार चेहरा, राजधानी दिल्लीत आपल्या कर्तृत्वाने संसदभवन गाजवणाऱ्या खासदार सुप्रिया सुळे (Supriya Sule) यांचा आज वाढदिवस आहे. त्यांच्या वाढदिवसानिमित्त राज्यातील नेते त्यांना शुभेच्छा देत आहे. त्यांच्या उदंड आयुष्यासाठी त्यांच्यावर शुभेच्छांचा वर्षाव करत आहेत. शिवसेना नेते खासदार संजय राऊत यांनी सुप्रिया सुळे यांना वाढदिवसाच्या खास त्यांच्या स्टाईलमध्ये शुभेच्छा दिल्या आहेत. तर धनंजय मुंडे आणि रोहित पवार यांनीही सुप्रिया सुळेंच्या वाढदिवसाला खास ट्विट करत त्यांचं अभिष्टचिंतन केलं आहे. (Sanjay Raut, Dhananjay Munde And Rohit Pawar Wish Supriya Sule Birthday)

ताकदीचा राजकीय वारसा असूनही सदैव विनम्र

संजय राऊत यांनी सुप्रिया सुळे यांच्यासोबतचा एक फोटो ट्विट केला आहे. हा फोटो महाविकास आघाडी सरकार स्थापन झाल्यानंतरचा आहे. हा फोटो शेअर करताना त्यांनी सुप्रिया सुळे यांच्याबद्दलच्या भावना व्यक्त केल्या आहेत. ताकदीचा राजकीय वारसा असुनही सदैव विनम्र असलेल्या मुलगी, आई, बहीण,पत्नी अशा यशस्वी भूमिका वठवून संसदपटू म्हणून तळपणाऱ्या सुप्रिया सुळे यांना वाढदिवसानिमित्त मनःपूर्वक शुभेच्छा! आगे बढो! जय महाराष्ट्र!, असं ट्विट संजय राऊत यांनी केलं आहे.

ताकदीचा राजकीय वारसा असुनही सदैव विनम्र असलेल्या ..मुलगी, आई,बहीण,पत्नी अशा यशस्वी भुमिका वठवून संसदपटू म्हणून तळपणारया @supriya_sule यांना वाढदिवसानिमित्त मनःपूर्वक शुभेच्छा! आगे बढो! जय महाराष्ट्र!! pic.twitter.com/8Y8Zynotf5

— Sanjay Raut (@rautsanjay61) June 30, 2021

मोठ्या बहिणीला उदंड आयुष्य लाभो

आमच्या जेष्ठ भगिनी, राष्ट्रवादीच्या नेत्या, बारामतीच्या लोकप्रिय खासदार, संसदरत्न आदरणीय सुप्रिया ताई, आपणास वाढदिवसाच्या मन:पूर्वक शुभेच्छा. जनसेवेसाठी आपणांस उदंड आयुष्य लाभो हीच आमच्या प्रभू वैद्यनाथाच्या चरणी प्रार्थना, असं ट्विट धनंजय मुंडे यांनी केलं आहे.

आमच्या जेष्ठ भगिनी, @NCPspeaks च्या नेत्या, बारामती लोकप्रिय खासदार, संसदरत्न आदरणीय @supriya_sule ताई, आपणास वाढदिवसाच्या मन:पूर्वक शुभेच्छा. जनसेवेसाठी आपणांस उदंड आयुष्य लाभो हीच आमच्या प्रभू वैद्यनाथाच्या चरणी प्रार्थना ! pic.twitter.com/GhvTDJHHdY

— Dhananjay Munde (@dhananjay_munde) June 30, 2021

भाच्याकडून आत्याला खास शुभेच्छा

संसदेत महाराष्ट्राशी संबंधित प्रत्येक विषयाची अभ्यासपूर्ण मांडणी करुन तो सोडवण्यासाठी प्रयत्न करणाऱ्या राष्ट्रवादी काँग्रेस पार्टीच्या ‘संसद महारत्न’ खासदार सुप्रिया सुळे ताई (आत्या) आपल्याला वाढदिवसाच्या मनःपूर्वक शुभेच्छा! आपल्याला उत्तम आणि निरोगी आयुष्य लाभो, ही प्रार्थना!, अशा शब्दात रोहित पवार यांनी आत्या सुप्रिया सुळे यांना वाढदिवसाच्या शुभेच्छा दिल्या आहेत.

संसदेत महाराष्ट्राशी संबंधित प्रत्येक विषयाची अभ्यासपूर्ण मांडणी करून तो सोडवण्यासाठी प्रयत्न करणाऱ्या राष्ट्रवादी काँग्रेस पार्टीच्या ‘संसद महारत्न’ खासदार @supriya_sule ताई (आत्या) आपल्याला वाढदिवसाच्या मनःपूर्वक शुभेच्छा! आपल्याला उत्तम आणि निरोगी आयुष्य लाभो, ही प्रार्थना! pic.twitter.com/DhbpMJxJ6u

— Rohit Pawar (@RRPSpeaks) June 30, 2021

(Sanjay Raut, Dhananjay Munde And Rohit Pawar Wish Supriya Sule Birthday)

हे ही वाचा :

थोरातांची कन्या म्हणाली, तुमच्या भाषेवरुन संस्काराची ओळख होते, आता पडळकरांचं प्रत्युत्तर

रात गेली हिशोबात, पोरगं नाही नशिबात, शरद पवारांच्या दिल्ली बैठकीवर पडळकरांची जहरी टीका