ही सरळ धमकी समजायची का? ‘जेल’ च्या वक्तव्यावरून संजय राऊत यांचा सवाल
संजय राऊत यांनी तोंड आवरावं. साडे तीन महिले आराम करून आल्यामुळे त्यांना बाहेरचं वातावरण सूट होत नाहीये, असं वक्तव्य शंभूराज देसाई यांनी केलं होतं.
मुंबईः महाराष्ट्राची बाजू लढणारे या सरकारचे शत्रू आहेत. सीमाप्रश्नावर (Maharashtra Karnataka Border issue) सत्य बोलणारे, प्रश्न विचारणाऱ्यांना पुन्हा तुरुंगात पाठवण्याची भाषा… ही सरळ सरळ धमकी समजायची का, असा सवाल संजय राऊत (Sanjay Raut) यांनी केला. ट्विटरच्या माध्यमातून राऊत यांनी शिंदे सरकारमधील मंत्र्यांवर निशाणा साधला आहे.
महाराष्ट्र-कर्नाटक सीमाप्रश्नावरून राजकीय वातवरण तापलं आहे. महाराष्ट्र सरकार सीमाप्रश्नावर मूग गिळून बसले आहे. ते षंढ, नामर्द आहे, अशी टीका संजय राऊत यांनी आज केली. त्यावर मंत्री शंभूराज देसाई आणि भाजप नेते चंद्रशेखर बावनकुळे यांनी जोरदार प्रत्युत्तर दिलं. त्यानंतर राऊत यांनी ट्विटरद्वारे हा सवाल केलाय.
शिवरायांचा अपमान सरकार सहन करत आहे. सीमा वादावर महाराष्ट्राला कर्नाटकआव्हान देत आहे.यावर प्रश्न विचारले की संजय राऊत यांना पुन्हा तुरुंगात पाठवण्याची भाषा. कायदा.न्यायालये.तपासयंत्रणा खिशात आहेत असेच शंभूराजे देसाई आणि चंद्रकांत बावनकुळे यांना म्हणायचे आहे का?मी तयार आहे.!!
— Sanjay Raut (@rautsanjay61) December 7, 2022
संजय राऊतांचं ट्विट काय?
संजय राऊत यांनी तोंड आवरावं. साडे तीन महिले आराम करून आल्यामुळे त्यांना बाहेरचं वातावरण सूट होत नाहीये, असं वक्तव्य शंभूराज देसाई यांनी केलं होतं. त्याला उत्तर देताना राऊत यांनी ट्विट केलंय. त्यांनी लिहिलंय, – मंत्री महोदय ही सरळ सरळ धमकी समजायची काय? महाराष्ट्राची बाजू लढणारे या सरकारचे शत्रू आहेत.सरकार अस्मितेच्या प्रश्नावर गप्प आहे. म्हणून जनता गप्प बसणार नाही. कायदा आणि न्यायालये दबावाखाली आहेत. हे पुन्हा सिद्ध झाले. सत्य बोलणारे तुरुंगात जातील..हाच अर्थ… असंही राऊत यांनी लिहिलंय.
चंद्रशेखर बावनकुळे काय म्हणाले?
वारंवार सरकारवर टीका करणाऱ्या राऊत यांनी जेलमध्येच ही भाषा शिकली. षंढ, मर्दानगी हे शब्द तिथूनच शिकून आल्याचं वक्तव्य भाजप प्रदेशाध्यक्ष चंद्रकांत बावनकुळे यांनी केलं. त्यांना संजय राऊत यांनी ट्विटरमधूनच उत्तर दिलं.
मी तयार आहे -संजय राऊत
संजय राऊत यांनी लिहिलंय- शिवरायांचा अपमान सरकार सहन करत आहे. सीमा वादावर महाराष्ट्राला कर्नाटकआव्हान देत आहे. यावर प्रश्न विचारले की संजय राऊत यांना पुन्हा तुरुंगात पाठवण्याची भाषा. कायदा.न्यायालये.तपासयंत्रणा खिशात आहेत असेच शंभूराजे देसाई आणि चंद्रकांत बावनकुळे यांना म्हणायचे आहे का? मी तयार आहे.!!
