मुख्यमंत्र्यांच्या सदिच्छा या महाराष्ट्राच्या प्रातिनिधिक भावना, शरद पवारांचे थेट रुग्णालयातून ट्वीट
आपल्या तब्येतीची विचारपूस करून शुभचिंतन करणाऱ्यांचे त्यांनी आभार मानले आहेत. (Sharad Pawar Thanks Uddhav Thackeray)
मुंबई : राष्ट्रवादीचे अध्यक्ष शरद पवार (Shard Pawar Symptomatic Gallstones) यांना पोटदुखीच्या त्रासामुळे मुंबईतील ब्रीच कँडी रुग्णालयात दाखल करण्यात आले आहे. त्यांना पित्ताशयाचा त्रास असल्याचं निदान करण्यात झालं आहे. त्यांच्यावर एण्डोस्कोपी (endoscopy) केली जाणार आहे. यानंतर सर्वपक्षीय नेत्यांकडून तब्येतीची विचारपूस करण्यात आली. यानंतर खुद्द शरद पवारांनी ट्वीटरवर सक्रीय होत शुभचिंतकांचे आभार मानले. (Sharad Pawar Thanks to CM Uddhav Thackeray who wished him well)
मुख्यमंत्री उद्धव ठाकरे, मनसे अध्यक्ष राज ठाकरे, गानसम्राज्ञी लता मंगेशकर, केंद्रीय मंत्री हर्षवर्धन यांच्यासह अनेकांनी शरद पवारांची विचारपूस केली. या सर्वांचे शरद पवारांनी आभार मानले. “महाराष्ट्राचे मुख्यमंत्री उद्धव ठाकरे यांनी माझ्या प्रकृतीसंदर्भात अत्यंत आस्थेने विचारपूस केली. त्यांच्या सदिच्छा या महाराष्ट्राच्या प्रातिनिधिक भावना आहेत. मनपूर्वक आभार!” असे ट्वीट पवारांनी केले आहे.
महाराष्ट्राचे मा. मुख्यमंत्री श्री. उद्धव ठाकरे यांनी माझ्या प्रकृतीसंदर्भात अत्यंत आस्थेने विचारपूस केली. त्यांच्या सदिच्छा या महाराष्ट्राच्या प्रातिनिधिक भावना आहेत. मनपूर्वक आभार! @OfficeofUT@CMOMaharashtra
— Sharad Pawar (@PawarSpeaks) March 29, 2021
त्यापाठोपाठ राज ठाकरेंचेही शरद पवारांनी आभार मानले. “महाराष्ट्र नवनिर्माण सेनेचे नेते श्री. राज ठाकरे यांनी माझ्या प्रकृती स्वास्थ्यासाठी सदिच्छा व्यक्त करत आस्थेने चौकशी केली. त्यांचे मनापासून आभार!” असे पवार म्हणाले.
महाराष्ट्र नवनिर्माण सेनेचे नेते श्री. राज ठाकरे यांनी माझ्या प्रकृती स्वास्थ्यासाठी सदिच्छा व्यक्त करत आस्थेने चौकशी केली. त्यांचे मनापासून आभार! @RajThackeray
— Sharad Pawar (@PawarSpeaks) March 29, 2021
“केंद्रीय मंत्री हर्षवर्धन यांनी फोन करुन तब्येतीची विचारपूस केली. माझ्या प्रकृतीची विचापूस केल्याबद्दल त्यांचे आभार,” असे शरद पवार म्हणाले. (Sharad Pawar Thanks to CM Uddhav Thackeray who wished him well)
Received a phone call from Shri @drharshvardhan ji to check about my health. Appreciate him checking on my health and well-being.
— Sharad Pawar (@PawarSpeaks) March 29, 2021
“माझ्या प्रकृती अस्वास्थ्याची बातमी कळताच आदरणीय लता मंगेशकर दिदींनी माझ्याशी दूरध्वनीद्वारे संपर्क साधून माझ्या प्रकृतीची आस्थेने विचारपूस केली. लता दिदींसारख्या सुहृदय व्यक्तींच्या सदिच्छा माझ्या सोबत आहेत. त्यांचा मी मनपूर्वक आभारी आहे,” असे ट्वीट शरद पवारांनी केले आहे.
माझ्या प्रकृती अस्वास्थ्याची बातमी कळताच आदरणीय लता मंगेशकर दिदींनी माझ्याशी दूरध्वनीद्वारे संपर्क साधून माझ्या प्रकृतीची आस्थेने विचारपूस केली. लता दिदींसारख्या सुहृदय व्यक्तींच्या सदिच्छा माझ्या सोबत आहेत. त्यांचा मी मनपूर्वक आभारी आहे.@mangeshkarlata
— Sharad Pawar (@PawarSpeaks) March 29, 2021
पवारांविषयी नवाब मलिक यांच्याकडून माहिती
राष्ट्रवादीचे प्रवक्ते नवाब मलिक यांनी ट्विट करून शरद पवार यांच्या प्रकृतीची माहिती दिली. शरद पवारांच्या पोटात दुखू लागल्याने त्यांना ब्रीच कँडी रुग्णालयात दाखल करण्यात आले. यावेळी डॉक्टरांनी त्यांची तपासणी केल्यानंतर त्यांना पित्ताशयाचा त्रास असल्याचं निदान झालं. त्यामुळे पवार यांना 31 मार्चला रुग्णालयात अॅडमिट करण्यात येणार आहे. शरद पवारांवर एण्डोस्कोपी आणि शस्त्रक्रिया केली जाईल, अशी माहिती नवाब मलिक यांनी दिली. शरद पवारांच्या प्रकृतीच्या कारणास्तव त्यांचे पुढील सर्व कार्यक्रम रद्द करण्यात आले आहेत. (Sharad Pawar Thanks to CM Uddhav Thackeray who wished him well)
संबंधित बातम्या :
Sharad Pawar health update: शरद पवार ब्रीच कँडी रुग्णालयात, 31 मार्चला शस्त्रक्रिया
पोटदुखी आणि पित्ताशयाचा त्रास, शरद पवारांना नेमकं काय झालंय?
एण्डोस्कोपी म्हणजे काय? ती वेदनादायी असते का? शरद पवारांवर नेमकी कोणती शस्त्रक्रिया?