WHO ला मी पत्र लिहिणार अन् संजय राऊतांच्या जिभेचं संशोधन करायला सांगणार- नितेश राणे

सिंधुदुर्ग : भाजपचे नेते नितेश राणे यांनी पत्रकार परिषद घेतली. यात त्यांनी शिवसेना ठाकरे गटाचे नेते, खासदार संजय राऊत यांच्यावर जोरदार टीका केली आहे. WHO ला मी एक पत्र पाठवणार आहे. त्यांनी संजय राऊतच्या जिभेचे संशोधन करावं, अशी त्यांना विनंती करणार आहे. एखादी व्यक्ती 24 तास कशी चाटुगिरी करू शकते याचा अभ्यास करावा, असं त्यांना सुचवणार आहे, असं नितेश राणे म्हणाले आहेत.

पंतप्रधान नरेंद्र मोदी यांच्यावर बोलण्यापेक्षा तुझ्या जिभेचं काहीतरी कर. तुझी जीभ म्युझियममध्ये ठेवण्याच्या लायकीची झाली आहे, असं नितेश राणे म्हणाले आहेत.

राहुल गांधी संजय तेंडुलकर आहेत. विराट कोहली आहेत, असं संजय राऊत आज बरळले. त्यांना सांगेन की, या दोन्ही क्रिकेटपटूंनी जगात भारताची मान उंचावली आहे. राहुल गांधी काही दिवसांपूर्वी अमेरिकेत जाऊन आमच्या देशाची, हिंदू धर्माची बदनामी करता आहेत. हे संजय राऊतला कळतंय का?, असा प्रश्न नितेश राणे यांनी विचारला आहे.

आपल्या राष्ट्रगीताबद्दल मोदीजी गेल्यानंतर एक वेगळा अभिमान ऐकायला मिळतो. काल राहुल गांधींच्या कार्यक्रमात आपलं राष्ट्रगीत सुरू असताना लोक उठून सुद्धा उभे राहिले नाहीत. राहुल गांधींच्या मोहोब्बतच्या दुकानात पाकिस्तान झिंदाबादच्या घोषणा दिल्या जातात. हिरवे झेंडे फडकवले जातात. यालाच राहुल गांधींची मोहोब्बत म्हणायची का?, असा प्रश्न नितेश राणे यांनी उपस्थित केला आहे.

राहुल गांधींना भारतात हिंदूंचे मतदान हवं असतं तेव्हा हिंदू मंदिरात जाऊन साष्टांग नमस्कार घालत असतात. भारताच्या बाहेर जाऊन हिंदू धर्माची, देशाची बदनामी करतात. त्याला संजय राऊत विराट कोहली आणि सचिन तेंडुलकर म्हणणार का? ज्या राहुल गांधींचे गोडवे गाताय, चाटुगिरी करताय. त्यांच्या सभेत किती आयएसआयचे लोक होते. याची माहिती संजय राऊतने घ्यावी, असंही नितेश राणे म्हणाले आहेत.

म्हणे 12 जूनला सगळे देशभक्त एकत्र येणार आहोत. सगळे राष्ट्रद्रोही, सगळे गद्दार,पाकिस्तान समर्थक 12 जूनला एकत्र येत असतील आणि त्यांना संजय राऊत आणि मालक राष्ट्रभक्त म्हणत असेल तर त्यांच्यासारखा गद्दार दुसरा नाही, असा घणाघातही नितेश राणे यांनी केला आहे.

40 आमदार आणि 13 खासदार सोबत असताना त्यांची काळजी घेतली असती तर…आता किर्तीकरांची आठवण येते,आता खडसेसाहेबांची आठवण येते? तुझा मालक मुख्यमंत्री असताना शिवसेना उभी करणाऱ्या शिवसैनिकांची आठवण केली होती का?, असंही ते म्हणालेत.