शिरुरमध्ये अमोल कोल्हेंचा दणदणीत विजय, शिवाजी आढळराव पराभूत

पुणे : शिरुर लोकसभा मतदारसंघात राष्ट्रवादीचे उमेदवार आणि अभिनेते अमोल कोल्हे विजयी झाले आहे. त्यांनी शिवसेनेचे उमेदवार शिवाजी आढळराव पाटील यांचा दारुण पराभव केला. या मतदारसंघात वंचित बहुजन आघाडीकडून राहुल ओव्हळ यांना उमेदवारी देण्यात आली होती. त्यांनाही अगदी अल्प मते मिळाली. या मतदारसंघात चौथ्या टप्प्यात 29 एप्रिलला मतदान झालं होतं. यावेळी शिरुरमध्ये 59.46 टक्के मतदानाची …

शिरुरमध्ये अमोल कोल्हेंचा दणदणीत विजय, शिवाजी आढळराव पराभूत

पुणे : शिरुर लोकसभा मतदारसंघात राष्ट्रवादीचे उमेदवार आणि अभिनेते अमोल कोल्हे विजयी झाले आहे. त्यांनी शिवसेनेचे उमेदवार शिवाजी आढळराव पाटील यांचा दारुण पराभव केला. या मतदारसंघात वंचित बहुजन आघाडीकडून राहुल ओव्हळ यांना उमेदवारी देण्यात आली होती. त्यांनाही अगदी अल्प मते मिळाली.

या मतदारसंघात चौथ्या टप्प्यात 29 एप्रिलला मतदान झालं होतं. यावेळी शिरुरमध्ये 59.46 टक्के मतदानाची नोंद झाली होती. या मतदारसंघात 2014 च्या तुलनेत मतदानाचा टक्का 1 टक्क्यांनी घटला. त्यामुळे या मतदारसंघात मतदानापासून निकालापर्यंत धाकधूक पाहायला मिळाली.

राज्यातील प्रमुख लढतीपैकी एक

महाराष्ट्रातील राजकीयदृष्या रंगतदार लढत म्हणून शिरुर लोकसभा मतदारसंघाकडे पाहिलं जाते. एकीकडे सलग 3 वेळा शिरुर लोकसभा मतदारसंघात निवडून आलेले शिवसेनेचे शिवाजी आढळराव पाटील होते. तर दुसरीकडे शिवसेनेतून नव्याने राष्ट्रवादी काँग्रेसमध्ये दाखल झालेले स्वराज्य रक्षक संभाजी या टेलिव्हिजनच्या माध्यमातून घराघरात पोहचलेले डॉ. अमोल कोल्हे होते. या दोघांमध्ये जनतेने अमोल कोल्हे यांना कौल दिला आहे.

महाराष्ट्रात छत्रपती शिवाजी महाराज आणि छत्रपती संभाजी महाराज यांच्या माध्यमातून घरघरात पोहोचलेले डॉ. अमोल कोल्हे यांना त्यांच्या मालिकेतील कसदार भूमिकेचा मोठा फायदा झालेला पाहायला मिळाला.

गेल्या 15 वर्षांपासून दिलेली आश्वासने पूर्ण न झाल्याने शिरुर लोकसभा मतदारसंघात मतदारांची नाराजी पहायला मिळाली. खासदार शिवाजी आढळराव पाटील यांचा दांडगा जनसंपर्क होता. त्यांना मतदारसंघाची इतंभूत माहिती तर होतीच. सोबत राजकारणाचा दीर्घ अनुभव आणि गेल्या 20 वर्षांपासून राजकारणातील सक्रियता याही त्यांच्या जमेच्या बाजून होत्या. मात्र, अमोल कोल्हे यांची छत्रपती शिवाजी महाराज आणि छत्रपती संभाजी महाराज यांच्या स्वरुपातील प्रतिमाच जनतेला अधिक आश्वासक वाटल्याचे निकालाने सिद्ध केले.

कोणाकोणाच्या सभा?

शिरुर लोकसभा मतदारसंघात प्रामुख्याने यावेळी शिवसेना भाजप महायुतीकडून राज्याचे मुख्यमंत्री देवेंद्र फडणवीस, केंद्रीय मंत्री नितीन गडकरी,शिवसेना पक्षप्रमुख उद्धव ठाकरे,राज्यमंत्री विजय शिवतारे,शिवसेना चित्रपट सेना उपाध्यक्ष सुबोध भावे तर राष्ट्रवादी काँग्रेस-काँग्रेस आघाडीकडून माजी कृषीमंत्री शरद पवार,माजी उपमुख्यमंत्रीअजित पवार,विरोधी पक्षनेते धनंजय मुंडे,छगन भुजबळ,राष्ट्रवादी प्रदेश अध्यक्ष जयंत पाटील, माजी विधानसभा अध्यक्ष दिलीप वळसेपाटील आदींच्या सभा शिरुर लोकसभा मतदारसंघात झाल्या.

प्रचाराचे मुद्दे

शिरुर लोकसभा क्षेत्रामधील पुणे-नाशिक महामार्गावरील वाहतूक कोंडी, पुणे-अहमदनगर, पुणे-सोलापूर या महामार्गावरील वाहतूक कोंडी, विमानतळ प्राधिकरण यांच्या आहावालाने खेड तालुक्यातील बहुचर्चित असे खेडचे विमानतळ गेल्याने, हा सुद्धा मुद्दा चांगलाच चर्चेत आला. सर्वात महत्वाचे म्हणजे पुणे जिल्ह्यातील शेतकरी बांधवांचा जिव्हाळ्याचा विषय असलेला बैलगडा शर्यत बंदी या आणि अशा अनेक मुद्द्यांनी यंदा प्रजार गाजला.
राष्ट्रवादी काँग्रेसचे उमेदवार डॉ अमोल कोल्हे यांनी शेतकऱ्याची आस्था असलेला बैलगाडा बंदी हा मुद्दा चांगलाच लावून धरला होता. तो मुद्दा मीच सोडवणार असे आश्वासन त्यांनी दिले आहे.
मतदानाची आकडेवारी लक्षात घेतली तर 2014 च्या तुलनेत शिरुर लोकसभा मतदारसंघात 1 टक्यांनी मतदानाची आकडेवारी घटली.

2014 विधानसभानिहाय मतदान आकडेवारी

जुन्नर-1,80,990
आंबेगाव-1,86,130
खेड-आळंदी 1,75,022
शिरुर-1,79,566
भोसरी-1,77,113
हडपसर-1,89,829

2019 विधानसभानिहाय मतदान आकडेवारी

जुन्नर-1,93,965
आंबेगाव-1,97,052
खेड-आळंदी-2,02,740
शिरुर-2,27,542
भोसरी-2,37,767
हडपसर-2,33,316

विधानसभा मतदारसंघ 2019 मधील मतदान%

शिरुर -52%
आंबेगाव-47%
जुन्नर-90%
खेड-आळंदी -76%
भोसरी-70%
हडपसर-84%
एकूण मतदार संख्या -21,73,448

2019 मधील शिरुर लोकसभा मतदारसंघात एकूण 21 लाख 20 हजार 988 मतदारांपैकी 12 लाख 92 हजार 381 मतदारांनी मतदानाचा हक्क बजावला. त्यामुळे 2014 च्या तुलनेत येथे मतदानात 1 ते दीड टक्यांनी घट झाली. भोसरी विधानसभा आणि हसपसर विधानसभा मतदारसंघात सर्वात कमी मतदान झाले.

कमेंट करा

कमेंट करा

Your email address will not be published. Required fields are marked *