लवकरच कलम 370 चा शालेय अभ्यासक्रमात समावेश होईल : जेपी नड्डा

कलम 370 (Article 370) हटवण्याच्या ऐतहासिक घटनेची तरुण पिढीला सविस्तर माहिती मिळावी यासाठी लवकरच शालेय अभ्यासक्रमात (Article 370 in syllabus) याचा समावेश करण्यात येईल

Article 370 in syllabus, लवकरच कलम 370 चा शालेय अभ्यासक्रमात समावेश होईल : जेपी नड्डा

पुणे : कलम 370 (Article 370) हटवण्याच्या ऐतिहासिक घटनेची तरुण पिढीला सविस्तर माहिती मिळावी यासाठी लवकरच शालेय अभ्यासक्रमात (Article 370 in syllabus) याचा समावेश करण्यात येईल, असं भाजपचे कार्यकारी अध्यक्ष जेपी नड्डा (JP Nadda) यांनी सांगितले. पुणे येथील जन जागरण सभेत ते बोलत होते. यावेळी मोठ्या प्रमाणात भाजप कार्यकर्ते उपस्थित होते.

कलम 370 (Article 370) हटवण्याच्या ऐतिहासिक घटनेची तरुण पिढीला सविस्तर माहिती मिळणं आवश्यक आहे. त्याचबरोबर हे जाणून घेण्याची त्यांची रुची वाढणे गरजेचे आहे. त्यामुळं लवकरच शालेय अभ्यासक्रमात कलम 370 चा (Article 370 in syllabus) समावेश करण्यात येईल, असं भाजपचे कार्याध्यक्ष जेपी नड्डा म्हणाले. त्याचबरोबर फुटीरतेला प्रोत्साहन देणाऱ्या बीजाचे समूळ उच्चाटन केल्याचं त्यांनी म्हटलंय.

सभागृहात हे बिल मंजूर करण्यात आमचा सहभाग होता हे आम्ही कधीच विसरु शकत नाही. तुम्ही मतदान केलेल्या खासदारांचाही सहभाग होता त्यामुळे हे आपलं भाग्य आहे. जम्मू काश्मीरमध्ये लोकशाही कायद्यानं सर्वकाही सुरळीत झाल्यावर नॅशनल रजिस्टर फॉर सिटीझन लागू करु शकतो, असंही नड्डा म्हणाले. पुण्यातील या सभेत नड्डा यांनी कलम 370 हटवल्याने काय काय फायदा होईल यावरही मार्गदर्शन केलं.

दरम्यान, कलम 370 हटवल्यामुळे काश्मीरचा विशेष दर्जा हटवण्यात आला आहे. देशातील इतर नागरिकांना ज्या सुविधा आणि लाभ मिळत होते, ते सर्व लाभही या नागरिकांना आता मिळतील. समानता वाढवण्यासाठी असलेल्या कायद्यांचा आता वापर होईल. शिक्षणाचा अधिकार मिळाल्यामुळे मुलांचं भविष्य आणखी उज्ज्वल होणार आहे. माहितीच्या अधिकारामुळे नागरिकांना सरकारच्या कामाबाबत माहिती मागण्याचा अधिकार मिळेल, असंही सरकारकडून मागे स्पष्ट करण्यात आले होते.

कमेंट करा

कमेंट करा

Your email address will not be published. Required fields are marked *