Dream Astrology: झोपेत पडत असतील असे स्वप्न तर होऊ शकते कुबेराची कृपा
स्वप्न आपल्याला भविष्यात घडणाऱ्या घटनांची जाणीव करून देतात. आपल्याला फक्त ते संकेत समजून घेणे आवश्यक आहे.
झोपेत असताना, एखादी व्यक्ती अशा जगात पोहोचते जिथे सर्वकाही वास्तविक दिसते परंतु प्रत्यक्षात ते स्वप्न जग असते. बहुतेक लोक झोपेत स्वप्न पाहतात. काही स्वप्ने आपल्या खऱ्या आयुष्यासारखीच असतात, तर काही स्वप्ने असतात ज्यांचा आपल्या खऱ्या आयुष्याशी काहीही संबंध नसतो. पण स्वप्नशास्त्रानुसार (Dream astrology) प्रत्येक प्रकारच्या स्वप्नाचा काही ना काही अर्थ नक्कीच असतो. जोतिषतज्ज्ञांचा (Astrology) असा विश्वास आहे की, स्वप्न आपल्याला भविष्यात घडणाऱ्या घटनांची जाणीव करून देतात. आपल्याला फक्त ते संकेत समजून घेणे आवश्यक आहे. आज आपण अशा स्वप्नांबद्दल जाणून घेणार आहोत जे आपल्याला कुबेर देवतेचा आशीर्वाद मिळण्याचे संकेत देतात.
अशा प्रकारची स्वप्न असतात शुभ
बँकेत पैसे जमा करताना किंवा कोणत्याही प्रकारे पैसे साठवताना पाहणे शुभ मानले जाते. हे स्वप्न सूचित करते की, तुम्हाला भविष्यात चांगले पैसे मिळतील. स्वप्नात कुठूनतरी पैसा येताना दिसणे देखील शुभ लक्षण मानले जाते. हे स्वप्न सूचित करते की, भविष्यात तुमची आर्थिक स्थिती मजबूत असेल.
स्वप्नात जमिनीत पुरून ठेवलेले पैसे पाहणे हे एक चांगले संकेत आहे. हे स्वप्न अचानक धनलाभ दर्शवते. स्वप्नात नाणी पाहणे अशुभ मानले जाते, तर पैशाच्या नोटा पाहणे शुभ मानले जाते.
मुलांना स्वप्नात हसताना आणि गाताना पाहणे शुभ मानले जाते. याचा अर्थ असा की लवकरच तुमच्या घरी लक्ष्मी येणार आहे. लाल रंगाची साडी नेसलेली स्त्री स्वप्नात पाहणे देखील शुभ मानले जाते. म्हणजे लक्ष्मीची कृपा तुमच्यावर राहते. स्वप्नात दात साफ होताना पाहणे देखील शुभ मानले जाते. स्वप्नात दुखापत किंवा शरीरातून रक्त येणे हे भविष्यात पैसे मिळण्याचे संकेत देते.
स्वप्नात एखाद्याकडून काहीतरी घेणे हे एक चांगले संकेत आहे. याचा अर्थ असा की, तुमच्याकडे भरपूर पैसे येऊ शकतो. स्वप्नात स्वतःला उंच चढताना पाहणे देखील एक चांगले चिन्ह आहे. हे स्वप्न प्रगती आणि संपत्तीत वाढ होण्याचे संकेत देते. मंदिर पाहणे किंवा स्वप्नात देव पाहणे हे देखील धनप्राप्तीचे लक्षण आहे. ही सर्व स्वप्ने कुबेर देवतेची विशेष कृपा दर्शवतात.
(वरील माहिती उपलबध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही,तसेच अंधश्रद्धेला दुजोरा देत नाही)
