तुमच्या जन्मकुंडलीत शनि देवाची स्थिती कमकुवत असेल तर करा ‘हे’ उपाय
जर एखाद्या व्यक्तीच्या कुंडलीत शनिदेव अशुभ स्थितीत असेल तर त्या व्यक्तीच्या जीवनात असंख्य समस्या निर्माण होऊ शकतात. तर आजच्या लेखात आपण कुंडलीत शनीची स्थिती कमकुवत असेल तर शनीदेवाला बलवान करण्याचे उपाय जाणून घेऊयात.
हिंदू धर्मग्रंथांमध्ये, शनिदेवाला न्यायाधीश आणि कर्माचे फळ देणारा मानले जाते. तसेच ज्योतिषशास्त्रात शनीला विशेष स्थान देण्यात आले आहेत. कोणत्याही जन्म कुंडलित जेव्हा शनि शुभ स्थितीत असतो तेव्हा त्या व्यक्तीला आयुष्यात अनेक चढ-उतारांना सामोरे जावे लागते. तसेच शनिदेव हे असे एकमेव देव आहेत जे तुम्हाला तुमच्या कर्मानुसार चांगले आणि वाईट फळ देतात, म्हणूनच शनिदेव हे नाव ऐकताच लोक घाबरतात, परंतु ज्योतिषशास्त्र सांगते की चांगले कर्म करणाऱ्याला शनिदेव नेहमीच चांगल्या कर्मांवर शुभ फळे देतात.
दुसरीकडे, शनि वाईट कृत्ये करणाऱ्यांना कधीही क्षमा करत नाही आणि त्यांना आयुष्यात वाईट फळ मिळतेच. जर एखाद्या व्यक्तीच्या कुंडलीत शनि अशुभ स्थितीत असेल तर त्या व्यक्तीच्या जीवनात समस्या निर्माण होऊ शकतात. तर आजच्या लेखात आपण जन्मकुंडलीतील जर शनी देवाची जागा कमकुवत असल्यास कोणती लक्षणे आपल्याला जाणवतात तसेच कुंडलीत शनि बलवान करण्याचे कोणते उपाय करावे हे जाणून घेऊयात.
कुंडलीत शनी देवाची स्थिती कमकुवत असल्यास ही लक्षणे जाणतात
ज्या व्यक्तींच्या कुंडलीत शनि ग्रह कमकुवत किंवा अशुभ असतो त्या व्यक्तीचे जीवन संकटांनी भरलेले असते. ती व्यक्ती अनेकदा वाईट संगतीत अडकते, दारू, सिगारेट आणि इतर वाईट सवयींचे व्यसन करतात. त्यांना वारंवार आर्थिक नुकसान सहन करावे लागते. तसेच कठोर परिश्रम करूनही अशा व्यक्तींना यश मिळत नाही. त्यांना त्यांच्या नोकरी आणि व्यवसायात असंख्य समस्यांना तोंड द्यावे लागते.
ज्यांच्या कुंडलीत शनि ग्रह कमकुवत आहे त्यांना अनेकदा त्यांच्या घरात आणि कुटुंबात अशांतता येते. अशा व्यक्तींना अनेकदा इतरांकडून विश्वासघात होतो आणि त्यांच्या कष्टाचे फळ त्यांना मिळत नाही.
कुंडलीत शनि बलवान करण्याचे उपाय
तुमच्या कुंडलीत शनि ग्रह बळकट करण्यासाठी, तुम्ही नेहमी कठोर आणि प्रामाणिकपणे काम केले पाहिजे. आळस आणि कपट टाळा. शनिला प्रसन्न करण्यासाठी, शनिवारी काळे तीळ आणि मोहरीचे तेल दान करा. पिंपळाच्या झाडाची पूजा करा आणि त्याखाली दिवा लावा. गरीब आणि गरजूंना नेहमी मदत करा. तुमच्या घराची पश्चिम बाजू नेहमी स्वच्छ ठेवा.
( डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
