अनिरुद्ध विनायक चतुर्थी 17 कि 18 तारखेला? जाणून घ्या योग्य तिथी, शुभ वेळ आणि पूजेची पद्धत

प्रत्येक महिन्याच्या कृष्ण पक्ष आणि शुक्ल पक्ष या दोन्ही चतुर्थी तिथी ही लाडक्या गणेशाला समर्पित केली जाते. कृष्ण पक्ष आणि शुक्ल पक्ष या दोन्ही दिवशी विहित विधीनुसार गणपतीची पूजा आणि व्रत करण्याची प्रथा आहे. कृष्ण पक्षात येणाऱ्या चतुर्थी तिथीला संकष्टी चतुर्थी म्हणतात. शुक्ल पक्षामध्ये येणारी चतुर्थीला विनायक चतुर्थी म्हणून ओळखली जाते.

अशी धार्मिक श्रद्धा आहे की या दोन्ही तारखांना गणपतीची पूजा केल्याने घरात सुख, समृद्धी आणि शांती येते. अनिरुद्ध विनायक चतुर्थीचा उपवास आषाढ महिन्याच्या शुक्ल पक्षाच्या चतुर्थी तिथीला केला जातो. या दिवशी अनिरुद्ध रूपातील गणपतीची पूजा केली जाते. यावर्षी अनिरुद्ध विनायक चतुर्थीच्या उपवासाच्या तारखेबद्दल काही संभ्रम आहे, परंतु हा व्रत उद्या 17 जुलै रोजी पाळला जाईल. चला अनिरुद्ध विनायक चतुर्थीची पूजा करण्याची शुभ वेळ आणि पद्धत जाणून घेऊया.

अनिरुद्ध विनायक चतुर्थी तिथी

• द्रिक पंचांगानुसार आषाढ शुक्ल चतुर्थी तिथी 17 जुलै रोजी सकाळी 6 वाजून 27 मिनिटांनी सुरू होत आहे.
• चतुर्थी तिथी 18 जुलै 2026 रोजी पहाटे 4 वाजून 42 मिनिटांनी संपेल.
• अशा परिस्थितीत उद्या आषाढ महिन्यातील अनिरुद्ध विनायक चतुर्थीचे व्रत पाळले जाईल. अनिरुद्ध विनायक चतुर्थीच्या दिवशी चंद्रदर्शनास मनाई असलेली वेळ सकाळी 8 वाजून 3‍8 मिनिटं ते रात्री 9 वाजून 33 मिनिटांपर्यंत असेल.

भगवान गणेशाच्या पूजेचा शुभ काळ

द्रिक पंचांगानुसार 17 जुलै रोजी सकाळी 11 वाजून 05 मिनिटांनी गणपती पूजेचा दुपारचा शुभ मुहूर्त सुरू होईल, जो दुपारी 1 वाजून 50 मिनिटांपर्यंत चालेल. यामुळे तुम्हाला उद्या गणपती पूजेसाठी 2 तास 45 मिनिटे मिळतील.

अनिरुद्ध विनायक चतुर्थी पूजा विधी

• अनिरुद्ध विनायक चतुर्थीच्या दिवशी सकाळी लवकर उठा, स्नान करा आणि स्वच्छ कपडे परिधान करा.
• यानंतर घरातील देव्हारा पूर्णपणे स्वच्छ करून तेथे गणपतीची मूर्ती किंवा फोटो स्थापित करा.
• गणेशाला दुर्वा, लाल फुले, सिंदूर, अक्षत, चंदन आणि मोदक किंवा लाडू अर्पण करा.
• यानंतर उदबत्ती व दिवा लावा आणि ‘ॐ गण गणपतये नमः’ या मंत्राचा जप करा.
• शक्य असल्यास गणपती स्तोत्र पठण करा.
• पूजेच्या शेवटी गणपतीची आरती करा.
• कुटुंबातील सुख, समृद्धी, यश आणि अडथळ्यांपासून मुक्तीसाठी प्रार्थना करा.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)