AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

पुष्कराज, पाचू की नीलम… धन-संपत्ती मिळवण्यासाठी कोणते रत्न मानले जाते सर्वात शुभ?

Gemstone for Money: धन-संपत्ती आणि आर्थिक प्रगतीसाठी ज्योतिषशास्त्रात अनेक रत्ने शुभ मानली जातात. प्रत्येक रत्नाचे स्वतःचे वेगळे महत्त्व आहे. चला तर मग जाणून घेऊया, धन प्राप्तीसाठी कोणते रत्न धारण करणे सर्वात शुभ मानले जाते.

पुष्कराज, पाचू की नीलम… धन-संपत्ती मिळवण्यासाठी कोणते रत्न मानले जाते सर्वात शुभ?
धन-संपत्ती मिळवण्यासाठी कोणते रत्न शुभ?Image Credit source: टीव्ही 9 मराठी
| Edited By: | Updated on: Nov 18, 2026 | 9:44 AM
Share

ज्योतिषशास्त्रात रत्नांना विशेष महत्त्व आहे. प्रत्येक रत्नाचा संबंध एका विशिष्ट ग्रहाशी असल्याचे मानले जाते. योग्य रत्न धारण केल्याने संबंधित ग्रहाचे शुभ प्रभाव वाढतात आणि जीवनात सुख-समृद्धी, यश व सौभाग्य येते, अशी मान्यता आहे. त्यामुळे कुंडलीतील ग्रहांची स्थिती पाहून रत्न धारण करण्याचा सल्ला दिला जातो. करिअरमधील प्रगती, विवाह, आरोग्य आणि सुख-समृद्धीसाठी वेगवेगळी रत्ने धारण केली जातात. आर्थिक अडचणी दूर व्हाव्यात, धन-संपत्ती वाढावी आणि व्यवसायात प्रगती व्हावी, यासाठी कोणते रत्न शुभ मानले जाते? जाणून घेऊया.

पुष्कराज

पुष्कराज किंवा पुखराज या रत्नाचा संबंध देवगुरू बृहस्पतीशी असल्याचे मानले जाते. ज्योतिषशास्त्रात गुरू ग्रहाला धन, ज्ञान, सौभाग्य आणि समृद्धीचा कारक मानले जाते. मान्यतेनुसार, पुष्कराज धारण केल्याने आर्थिक स्थिती मजबूत होण्यास आणि जीवनात सुख-समृद्धी येण्यास मदत होते. विशेषतः धनु आणि मीन राशीसाठी हे रत्न शुभ मानले जाते.

पाचू

पाचू किंवा पन्ना हे बुध ग्रहाचे रत्न मानले जाते. बुध ग्रहाचा संबंध बुद्धिमत्ता, वाणी आणि व्यवसायाशी आहे. रत्नशास्त्रानुसार, पाचू धारण केल्याने व्यवसायात प्रगती, नोकरीत यश आणि आर्थिक लाभाच्या संधी मिळू शकतात. त्यामुळे अनेक व्यावसायिक हे रत्न धारण करतात. सामान्यतः ते करंगळीत घालण्याची मान्यता आहे.

सिट्रीन

सिट्रीन हे पिवळ्या किंवा सोनेरी रंगाचे रत्न असून त्याला ‘मर्चंट स्टोन’ म्हणजेच व्यापाऱ्यांचे रत्न म्हणतात. मान्यतेनुसार, हे रत्न धन आणि समृद्धी आकर्षित करण्यासोबतच व्यवसायात नवीन संधी मिळवून देते. आर्थिक अडचणी दूर व्हाव्यात आणि उत्पन्नाचे नवे मार्ग खुले व्हावेत, यासाठी ते धारण केले जाते.

हिरा

हिऱ्याचा संबंध शुक्र ग्रहाशी असल्याचे मानले जाते. शुक्र हा भौतिक सुख-सुविधा, ऐश्वर्य आणि विलासितेचा कारक ग्रह आहे. कुंडलीत शुक्राची स्थिती अनुकूल असल्यास हिरा किंवा ओपल धारण केल्याने जीवनातील सुख-सुविधा आणि समृद्धी वाढू शकते, अशी मान्यता आहे.

पायराइट

पायराइट हे समृद्धी आणि आर्थिक संपन्नतेचे प्रतीक मानले जाते. सोन्यासारखा चमकदार रंग असल्याने याला ‘फूल्स गोल्ड’ असेही म्हणतात. मान्यतेनुसार, हे रत्न जवळ ठेवल्याने धनप्राप्तीच्या नवीन संधी निर्माण होतात आणि अचानक आर्थिक लाभ होण्याची शक्यता वाढते.

ग्रीन जेड

ग्रीन जेड हे रत्न आर्थिक स्थैर्य आणि भरभराटीशी संबंधित मानले जाते. आर्थिक अडथळे दूर करून स्थिती सुधारण्यास हे रत्न मदत करते, अशी मान्यता आहे. पैशांचा ओघ कायम राहावा आणि व्यवसायात प्रगती व्हावी, या इच्छेने ते धारण केले जाते.

रत्न धारण करण्यापूर्वी ही काळजी घ्या

ज्योतिषशास्त्रीय मान्यतेनुसार, प्रत्येक रत्न प्रत्येकासाठी शुभ असेलच असे नाही. त्यामुळे पुष्कराज, पाचू किंवा हिरा यांसारखे रत्न धारण करण्यापूर्वी कुंडलीतील संबंधित ग्रहांची स्थिती तपासून योग्य ज्योतिषाचा सल्ला घ्यावा.

(डिस्क्लेमर: सदर लेखातील माहिती केवळ ज्योतिषशास्त्रीय गृहीतके आणि उपलब्ध माहितीवर आधारित आहे. आम्ही यातील तथ्यांची किंवा दाव्यांची पुष्टी करत नाही. अंधश्रद्धेला प्रोत्साहन देणे हा आमचा हेतू नाही.)

Follow Us
गोकुळ दूध महागणार! ग्राहकांना प्रति लिटर 4 रुपये अधिक मोजावे लागणार?
गोकुळ दूध महागणार! ग्राहकांना प्रति लिटर 4 रुपये अधिक मोजावे लागणार? शेतकऱ्यांनाही...
दाऊद इब्राहिमच्या मुंबईतील वडिलोपार्जित घरावर आज बुलडोझर; BMC कडून...
दाऊद इब्राहिमच्या मुंबईतील वडिलोपार्जित घरावर आज बुलडोझर; BMC कडून मोठी कारवाई!
मोठी बातमी! राज्यातील आणखी 4 तालुक्यांत दुष्काळ जाहीर; पहा यादी...
मोठी बातमी! राज्यातील आणखी 4 तालुक्यांत दुष्काळ जाहीर; पहा यादी...
लातूरमध्ये फायनान्स कंपनीच्या रिकव्हरी एजंटची मुजोरी! शेतकऱ्याच्या...
लातूरमध्ये फायनान्स कंपनीच्या रिकव्हरी एजंटची मुजोरी! शेतकऱ्याच्या कुटुंबाला शिवीगाळ, ऑडिओ क्लिप व्हायरल
शिवा संघटनेचे अध्यक्ष राजाभाऊ भिंगे यांना गोळ्या घालून संपवलं, घटने...
Rajabhau Bhinge : शिवा संघटनेचे अध्यक्ष राजाभाऊ भिंगे यांना गोळ्या घालून संपवलं, घटनेमागचं नेमकं कारण समोर?
बाळासाहेबांच्या स्मृतिस्थळी दीपक केसरकरांनाच विरोध; त्या घोषणाबाजीमुळे
बाळासाहेबांच्या स्मृतिस्थळी दीपक केसरकरांनाच विरोध; त्या घोषणाबाजीमुळे वातावरण तापलं!
हप्त्याचे पैसे ठरले जीवघेणे, आयफोनच्या EMI वरून वाद; मित्रानेच केली...
Panvel : हप्त्याचे पैसे ठरले जीवघेणे, आयफोनच्या EMI वरून वाद; मित्रानेच केली मित्राची हत्या
चकाट्या पिटणारा गृहमंत्री, उद्धव ठाकरे भडकले नेमकं काय म्हणाले?
Tv9 Marathi Special Report : चकाट्या पिटणारा गृहमंत्री, उद्धव ठाकरे भडकले नेमकं काय म्हणाले?
खजूर, दालचिनीपासून सुपारी अन् पेढ्यांपर्यंत, FDAची कारवाई
FDA : खजूर, दालचिनीपासून सुपारी अन् पेढ्यांपर्यंत, FDAची कारवाई; राज्यभरातून 1 कोटी 97 लाखांचा साठा जप्त
जळगाव जिल्हा बँकेत महायुतीची बाजी; 21 पैकी 12 जागांवर उमेदवार बिनविरोध
Jalgaon District Bank Election : जळगाव जिल्हा बँकेत महायुतीची बाजी; 21 पैकी 12 जागांवर उमेदवार बिनविरोध