उद्या दिवसाच होणार अंधार, सर्वात मोठे सूर्यग्रहण, सर्वत्र काळवंडणार, भारतात दिसणार ग्रहण? जाणून घ्या..

12 ऑगस्ट 2026 चा दिवस खगोलीय घटनांसाठी अत्यंत महत्वाचा आहे. दिवस आणि रात्री दोन्ही वेळी आकाशात खास गोष्टी घडणार आहेत. उद्या सूर्यग्रहण आहे. हे एक पूर्ण ग्रहण आहे. रात्री आकाशात एक दुर्मिळ घटना बघायला मिळेल. बुध, मंगळ, गुरू, शनि युरेनस आणि नेपच्यून एकाच लाईनमध्ये बघायला मिळतील. 64 वर्षानंतर पहिल्यांदा हे ग्रहण दिसणार आहे. या सुर्यग्रहणाबद्दल लोकांच्या मनात असंख्य प्रश्न आहेत. हे ग्रहण नक्की कधी कुठे दिसणार आहे. भारतात हे ग्रहण दिसणार की नाही याबद्दल जाणून घेऊयात. हे सूर्यग्रहण 12 आणि 13 च्या रात्रीला होणार आहे. भारतीय वेळेनुसार हे ग्रहण रात्री 9 वाजून 4 मिनिटाला दिसेल. 13 ऑगस्टच्या रात्री उशिरापर्यंत 1 वाजून 27 मिनिटापर्यंत हे ग्रहण दिसेल. भारतात हे ग्रहण दिसणार नाही.

ज्यावेळी हे ग्रहण सुरू होईल, त्यावेळी भारतात रात्र असेल. हे ग्रहण मुख्य ग्रीनलँड आणि आइसलँड यासोबतच स्पेनमध्ये दिसेल. ग्रहणावेळी चंद्र सूर्याला 95 ते 100 टक्के झाकून टाकेल. ज्यामुळे दिवसा रात्रीसारखा अंधार होईल. यावेळी तापमान अत्यंत खाली जाईल. हे सूर्यग्रहण भारतात दिसणार नाही. दिवसा पूर्ण अंधार होईल. रात्री जसा अंधार असतो, तसा अंधार बाहेर असेल.

सूर्य, चंद्र आणि पृथ्वी एका विशिष्ट रेषेत आले की, सूर्यग्रहण घडते. चंद्राची सावली पृथ्वीवर पडते आणि काही भागात सूर्याचा प्रकाश पूर्णपणे नाहीसा होता आणि अंधार पडतो. 12 ऑगस्टच्या ग्रहणात ही सावली ज्या भागावर पडेल, तिथे काही काळ सूर्य पूर्णपणे लपलेला दिसेल. हा काही मिनिटांकरिता अनुभव असणार आहे. मात्र, अत्यंत खास असेल.

दिवसा काही वेळासाठी काळवंडणार आहे. यादरम्यान आजूबाजुला अचानक पूर्ण अंधार दिसेल. उद्याचे हे ग्रहण मध्य आणि पश्चिम युरोपसाठी महत्वाचे ठरणार आहे. हे ग्रहण भारताच्या कोणत्याही भागात दिसणार नाही.भारतात जरी हे ग्रहण दिसणार नसले तरीही भारतीय लोक या ग्रहण सोशल मीडियाच्या माध्यमातून बघू शकतात. काही दिवसांपूर्वीच एक सूर्यग्रहण झाले पण ते देखील भारतात दिसले नव्हते. भारतात हे ग्रहण दिसणार नसल्याने सूतक पाळले जाणार नाही.