Tilak Remedies | टिळा लावल्याने सौंदर्यच नाही तर सौभाग्यही वाढते, जाणून घ्या टिळा लावण्याचे नियम आणि फायदे
हिंदु धर्मात कपाळावर लावलेला टिळा याला खूप महत्त्व आहे. टिळाचे बरेच प्रकार आहेत. जसे की लांब टिळा, गोल टिळा, तीन आडव्या रेषांचा टिळा इत्यादी. भगवान शिवचे भक्त त्रिपुण्ड टिळा लावतात. तर शक्तीची साधना करणारे गोलाकार ठिपक्यासारखा टिळा लावतात. असे म्हणतात की कोणतीही पूजा कपाळावर टिळा न लावता अपूर्ण मानली जाते.
मुंबई : हिंदु धर्मात कपाळावर लावलेला टिळा याला खूप महत्त्व आहे. टिळाचे बरेच प्रकार आहेत. जसे की लांब टिळा, गोल टिळा, तीन आडव्या रेषांचा टिळा इत्यादी. भगवान शिवचे भक्त त्रिपुण्ड टिळा लावतात. तर शक्तीची साधना करणारे गोलाकार ठिपक्यासारखा टिळा लावतात. असे म्हणतात की कोणतीही पूजा कपाळावर टिळा न लावता अपूर्ण मानली जाते. म्हणूनच आपल्याकडे कोणत्याही शुभ कार्यावर टिळा लावण्याची परंपरा आहे. टिळाचे महत्त्व काय आहे, जाणून घ्या (Tilak Remedies Know The Benefits And Rules Of Applying Tilak) –
टिळांचे प्रकार
टिळा हे मुळात तीन प्रकारचे असतात. एक रेखाकृती टिळा, दोन-रेखा कृती टिळा आणि त्रिरेखाकृती टिळा. या तीन प्रकारच्या टिळांसाठी चंदन, केशर, गोरोचन आणि कस्तुरी यांचा वापर केला जातो. त्यापैकी कस्तुरीचा टिळा सर्वात महत्वाचा आहे.
राखेचा टिळा
शैव परंपरेशी संबंधित साधू आणि संत बहुतेक वेळा त्यांच्या अंगावर राख लावताना दिसतात. हवनानंतरही हवनची राख टिळा म्हणून लावण्याची परंपरा आपल्याकडे आहे. याने भगवान भैरव प्रसन्न होतात आणि आपली कृपा दर्शवतात.
चंदनाचा टिळा
कपाळावर चंदनचा टिळा लावल्याने आपल्या मनाला शीतलता प्राप्त होते. त्याचा उपयोग केल्याने एकाग्रता वाढते. चंदनाचे बरेच प्रकार आहेत. त्यात लाल चंदनाचा टिळा व्यक्तीमध्ये ऊर्जा संक्रमित करतो. तर पिवळ्या चंदनाचा टिळा किंवा हळदीचा टिळा लावल्याने देवगुरु बृहस्पतींचा आशीर्वाद मिळतो.
कुंकवाचा टिळा
पूजेमध्ये फक्त कुंकवाचा टिळा लावला जातो. हळद पावडरमध्ये लिंबाचा रस मिसळून कुंकू बनविले जाते. विवाहित स्त्रिया पतीच्या दीर्घ आयुष्य आणि सौभाग्यसाठी कपाळावर कुंकू लावतात.
सिंदूर टिळा
सिंदूरचा टिळा अनेक देवी-देवतांना लावला जातो. सिंदूरच्या टिळा सर्व प्रकारच्या अडथळ्यांना दूर करते असे म्हणतात. हनुमंत आणि गणपतीच्या पूजेत याचा विशेष उपयोग केला जातो. जसे मंगळवार आणि शनिवारी श्री हनुमान यांना टिळा लावून प्रसाद म्हणून हनुमानजींच्या खांद्यावरील सिंदूर टिळा म्हणून लावल्यास जीवनाशी संबंधित सर्व समस्या दूर होतात.
तुळस किंवा रुद्राक्ष माळ घालण्यापूर्वी हे नियम जाणून घ्याhttps://t.co/Resmljl6So#Tulsi #rudraksha #mala #spiritual
— TV9 Marathi (@TV9Marathi) July 14, 2021
Tilak Remedies Know The Benefits And Rules Of Applying Tilak
टीप – या लेखात देण्यात आलेली माहिती, सूचना आणि मान्यता ही उपलब्ध सामान्य माहितीवर आधारित आहे. कुठलाही उपाय करण्यापूर्वी ज्योतिष विषयातील जाणकारांशी संपर्क करा…
संबंधित बातम्या :
