Vastu Shastra : घरात मोराचे पंख ठेवण्याचे 3 महत्त्वाचे फायदे, दुसरा फायदा ऐकताच तुम्हीही घरी आणाल मोरपीस
घरातील वास्तुदोष दूर करण्यासाठी वास्तुशास्त्रामध्ये वेगवेगळे उपाय सांगण्यात आले आहेत, त्यातीलच एक मोरांच्या पंखांशी संबंधित उपायाबद्दल आज आपण माहिती जाणून घेणार आहोत. वास्तुशास्त्रानुसार मोराच्या पंखांना सकारात्मक शक्तीचं प्रतिक मानलं जातं.
वास्तुशास्त्र हे एक असं शास्त्र आहे, ज्यामध्ये घरात वास्तुदोष निर्माण झाला तर तो दूर करण्यासाठी अनेक उपाय सांगण्यात आले आहेत. वास्तुशास्त्रानुसार जेव्हा तुमच्या घरात वास्तुदोष निर्माण होतो, तेव्हा तुम्ही कितीही कष्ट केले तरी तुमच्या हातात पैसा टिकत नाही, तुम्ही कायम आर्थिक संकटात राहता, एवढंच नाही तर घरात गृहकलह वाढून घर अशांत बनतं. त्यामुळे वेळीच वास्तुदोष दूर करणं गरजेचं असतं. त्यासाठी वास्तुशास्त्रात अनेक उपाय सांगण्यात आले आहेत. आज आपण मोरांच्या पंखांशी संबंधित एका सोप्या उपायाबद्दल माहिती जाणून घेणार आहोत. हिंदू धर्मशास्त्रात मोराच्या पंखांना अत्यंत शुभ मानलं गेलं आहे. भगवान श्रीकृष्ण यांना मोराचे पंख हे अत्यंत प्रिय होते. ज्या घरात मोराचे पंख असतात, अशा घराचं सर्व प्रकारच्या नकारात्मक शक्तीपासून संरक्षण होतं, असं वास्तुशास्त्रात म्हटलं आहे. आज आपण मोराचे पंख घरात ठेवण्याचे तीन प्रमुख फायदे जाणून घेणार आहोत.
देवघर – जर तुम्ही मोराचे पंख हे देवघरात ठेवले तर त्यामुळे घरातील वातावरण हे अधिक सकारात्मक बनते, घरातील सकारात्मक ऊर्जेचा प्रवाह वाढतो, नकारात्मक ऊर्जा नष्ट होते. ज्ञान वाढतं, अध्यात्मामध्ये मन लागतं. घरातील वातावरण आनंदी आणि शांत राहतं, घरातील सर्व सदस्यांचं आरोग्य उत्तम राहतं, असं वास्तुशास्त्रामध्ये म्हटलं आहे.
तिजोरीमध्ये – मोरांच्या पंखांना आर्थिक समृद्धीचं देखील प्रतिक मानण्यात आलं आहे. ज्या घरात मोराचे पंख असतात त्या घरात कधीही धनाची कमी राहत नाही, असं मानलं जातं. त्यामुळे मोराचे पंख हे तिजोरी ठेवावेत असा सल्ला वास्तुशास्त्रामध्ये देण्यात आला आहे, त्यामुळे तुमच्या घरातील तिजोरी ही नेहमी पैशांची भरलेली राहाते.
घराच्या प्रवेशद्वारावर – वास्तुशास्त्रानुसार तुम्ही जर तुमच्या घरावर मोराचा पीस लावला तर सर्व प्रकारच्या वाईट गोष्टींपासून तुमचं संरक्षण होतं. तसेच तुमच्या घरात कोणत्याही प्रकारची नकारात्मक ऊर्जा प्रवेश करत नाही, सदैव घरात सकारात्मक ऊर्जा राहते.
(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
