दिवा विझल्यानंतर उरलेल्या वातीचं काय करता? चुकूनही अशा ठिकाणी ठेवू नका अन्यथा…

हिंदू धर्मात प्रत्येक गोष्टीला एक वेगळ महत्त्व आहे. प्रत्येक गोष्टीमागे एक धार्मिक महत्त्व लपलेलं आहे. अशात सर्वात महत्त्वाची गोष्ट म्हणजे देव पूजा करताना लावण्यात येणारा दिवा… घरातील देवघरात दररोज सकाळी आणि संध्याकाळी दिवा लावणं आवश्यक मानलं जातं. असं देखील म्हटलं जातं की, दिवा लावल्याने घरात सकारात्मकता येते आणि दिवा हा प्रकाशाचं, देवाच्या अस्तित्वाचे प्रतीक मानला जातो. पण, दिवा विझल्यानंतर किंवा पूर्णपणे जळून गेल्यानंतर उरलेल्या वातीबद्दल लोकांमध्ये अनेकदा संभ्रम असतो. बरेच लोक वातींना सामान्य कचरा समजून कचराकुंडीत टाकतात. जर तुम्हीही असं करत असाल, तर असं करु नका. शास्त्रांमध्ये पूजेशी संबंधित लहान वस्तूंच्या विल्हेवाटीसाठी विशेष नियम दिले आहेत. उरलेल्या वाती थेट कचऱ्यात टाकणं हे केवळ धार्मिकदृष्ट्या अयोग्य मानले जात नाही, तर त्यामुळे घरात नकारात्मकताही येऊ शकते. अशा परिस्थितीत, शास्त्रानुसार उरलेल्या वातींचे काय करावं, हे जाणून घेऊया.

शास्त्रानुसार, जेव्हा आपण तूप किंवा तेलात वात भिजवून मंत्रोच्चार आणि शुद्ध भावनेने ती पेटवतो, तेव्हा तिच्यामध्ये सकारात्मक ऊर्जा संक्रमित होते. ती वात देवाला समर्पित केलेली असते. अशी पवित्र वस्तू तुडवली जाईल अशा ठिकाणी किंवा घाणीत टाकल्याने देव आणि पूर्वजांचा दोष निर्माण होऊ शकतो. यामुळे घरातील वातावरण बिघडू शकतं आणि मानसिक ताण वाढू शकतो. जर तुमच्या घरात रोज दिवा लावल्यानंतर वात शिल्लक राहत असेल, तर ती फेकून देण्याऐवजी काही विशेष पद्धतींचा अवलंब करा.

तुळशीच्या किंवा कुंडीतील मातीत टाका : उरलेली वात गोळा करा आणि घरातील तुळशीसारख्या पवित्र रोपाच्या मातीत टाका. कालांतराने, ती मातीत मिसळून जाईल. फक्त काळजी घ्या की त्या जागेवर कोणाचाही पाय पडणार नाही.

पवित्र नदीत विसर्जन: जर तुमच्या घराशेजारी एखादी पवित्र नदी, तलाव किंवा जलाशय असेल, तर आठवड्याचे किंवा महिन्याचे जमा झालेले पाणी तिथे विसर्जित करा.

अग्निदेवाला अर्पण: जर तुम्ही घरी नियमितपणे हवन किंवा कापूर आरती करत असाल, तर या उरलेल्या वाती त्या हवनाच्या अग्नीत टाका. या वाती आधीच पूजेचा भाग असल्याने, त्यांना अग्नीत जाळणे सर्वात पवित्र मानलं जातं.

रोजच्या पूजेत उरलेल्या वातींव्यतिरिक्त, अखंड दिव्याच्या वातीसाठीही काही नियम आहेत. जर तुम्ही नवरात्री, दिवाळी किंवा कोणत्याही विशेष समारंभात अखंड दिवा लावला असेल, तर त्याची उरलेली वात अत्यंत सुरक्षित ठेवली पाहिजे. ही वात घरात कुठेही पडून ठेवू नका. समारंभ संपल्यानंतर, ही वात वाहत्या पवित्र नदीत विसर्जित करणे सर्वोत्तम मानलं जात .

(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)