Vinod Kambli : विनोद कांबळीला ब्रेनस्ट्रोकचा भयंकर धोका, धक्कादायक माहिती मिळताच सचिनसह सर्वच मित्र मदतीसाठी धावले
Vinod Kambli Friends WhatsApp Group : आपल्या मित्राला गंभीर आजाराचा धोका असल्याचं समजताच अनेक माजी क्रिकेटपटू विनोद कांबळी याला मदत करण्यासाठी सरसावले आहेत. कांबळीच्या मित्रांनी मदतीसाठी व्हॉट्सअप ग्रुप तयार केला आहे.
सर रमाकांत आचरेकर यांच्या अनेक शिष्यांपैकी एक असलेल्या क्रिकेटर विनोद कांबळी याच्या तब्येतीबाबत चिंता वाढवणारी बातमी समोर आली आहे. कांबळीची तब्येत बिघडली असून त्याला ब्रेन स्ट्रोक या गंभीर आजाराचा धोका असल्याची माहिती क्रिकेटरच्या मित्राने दिली आहे. आपल्या मित्राला या संकटाच्या काळात आर्थिक आणि मानसिक पाठबळ देण्यासाठी अनेक क्रिकेटपटू सरसावले आहेत. आवश्यक आणि योग्य ती जमवाजमव करता यावी यासाठी कांबळीच्या मित्रांचा एक व्हॉट्सअप ग्रुप तयार करण्यात आला आहे. या ग्रुपमधील सदस्यांना मदतीसाठी आवश्यक ती माहिती दिली जात आहे. त्यामुळे मदत मिळवणं सोपं होतं आहे. या ग्रुपमध्ये माजी क्रिकेटपटू आणि कांबळीचा मित्र सचिन तेंडुलकर हा देखील असल्याची माहिती आहे.
हिंदुस्तान टाईम्सच्या वृत्तानुसार, माजी क्रिकेटपटू विनोद कांबळी याने दारु पिणं सोडलं. मात्र कांबळीची स्मरणशक्ती कमी झाली आहे. त्यामुळे कांबळीला आपल्याला सिगरेट ओढायची नाही, याचा विसर पडतो. त्यामुळे आता कांबळीला ब्रेन स्टोक्स या गंभीर आजराचा धोका वाढला आहे.
विनोद कांबळी याच्यावर काही महिन्याआधी ठाण्यातील एका खासगी रुग्णालयात उपचार करण्यात आले होते. त्यानंतर कांबळीच्या तब्येतीत सुधार झाला होता. मात्र आता पुन्हा एकदा आता कांबळीच्या तब्येतीने पुन्हा चिंता वाढवली आहे. कांबळीला स्वत:च्या पायावर उभं राहून चालताही येत नाहीय.
कांबळीचा मित्र मार्कस कुटो यांनी क्रिकेटरच्या तब्येतीबाबत माहिती दिली. “कांबळीची स्मरणशक्ती कमी झालीय आहे. कांबळीला भूतकाळातील गोष्टी आठवणं अवघड झालंय. डॉक्टरांनी मेंदूतील नसांबाबत समस्या उद्भवू शकते असा इशारा दिलाय ज्यामुळे ब्रेन स्ट्रोकाचा धोका वाढलाय”, अशी माहिती कुटो यांनी हिंदुस्तान टाइम्ससोबत बोलताना दिली.
मार्कस कुटो यांनी काय सांगितलं?
मी कांबळीच्या मित्रांचा एक WhatsApp Group बनला आहे. या ग्रुपमध्ये बहुतांश क्रिकेटपटू आहेत. हे खेळाडू आपली ओळख न सांगता कांबळीसाठी आर्थिक मदत करत आहेत”, असं कुटो यांनी सांगितलं.
“विनोदची स्मरणशक्ती फार चांगली नाही. मात्र गेल्या 6 महिन्यांत स्मरणशक्ती कमी झालेली नाही. विनोदला फार काही आठवत नाही. मात्र एखादी गोष्ट त्याला अचानक आठवते. मात्र इतर वेळेस त्याला काही गोष्टी आठवणं फार आव्हानात्मक ठरतं”, असंही कुटो यांनी नमूद केलं.
