India vs Scotland Toss result: नाणेफेकीचा दुष्काळ सरला, भारताने टॉस जिंकत निवडली गोलंदाजी
टी20 विश्वचषकातील पहिले दोन्ही सामने गमावल्यानंतर तिसरा सामना जिंकून भारताने स्पर्धेतील आव्हान जीवंत ठेवले आहे. पण आजचा सामनाही भारतासाठी करो या मरो असाच आहे.
T20 World Cup 2021 : टी20 विश्वचषकातील भारताचा चौथा सामना काही मिनिटांत सुरु होत आहे. भारत आणि स्कॉटलंड या सामन्याला दुबईच्या आंतरराष्ट्रीय मैदानावर सुरुवात होत आहे. सामन्यापूर्वी भारतासाठी एक आनंदाची गोष्ट घडली आहे. ती म्हणजे विश्वचषकाच्या एकाही सामन्यात भारताला नाणेफेक जिंकता आली नव्हती, पण आज विराटला नशिबाने साथ दिल्यामुळे नाणेफेक भारताने जिंकली आहे. इतर संघाप्रमाणे धावांचा पाठलाग करण्यासाठी भारताने प्रथम गोलंदाजी निवडली आहे.
सुरुवातीच्या दोन्ही सामन्यात भारताला दारुण पराभव स्वीकारावा लागल्याने पुढील फेरीच्या भारताच्या आशा जवळपास मावळल्या आहेत. पण अजूनही आशा शिल्लक असल्याने भारतीय संघ विजयासाठी सर्व प्रयत्न करत आहे. त्यान्वयेच आजच्या सामन्यात स्कॉटलंडला मोठ्या फरकाने नमवल्यास भारताला गुणतालिकेत फायदा होऊ शकतो. तर भारत पराभूत झाल्यास स्पर्धेतील आव्हान संपुष्टात येऊ शकते, त्यामुळे आजचा सामना भारतासाठी अत्यंत महत्त्वाचा असणार आहे.
आजच्या सामन्यासाठी दोन्ही संघ
भारतीय संघ: विराट कोहली (कर्णधार), रोहित शर्मा, केएल राहुल, सूर्यकुमार यादव, ऋषभ पंत, हार्दिक पंड्या, रवींद्र जाडेजा, रविचंद्रन अश्विन, जसप्रीत बुमराह, वरुण चक्रवर्ती, मोहम्मद शमी.
स्कॉटलंड संघ: जियॉर्ज मुन्से, कायल कोटजेर, मॅथ्यू क्रॉस, रिची बरीग्टंन, कॅलम मॅकलियॉड, मायकल लिस्क, ख्रिस ग्रेव्ह्स, मार्क वॅट, सॅफयन शरीफ, अलासदीर इवान्स, ब्रॅडली व्हिल.
इतर बातम्या
T20 World Cup 2021: इंग्लंडला सेमीफायनलमध्ये तर एन्ट्री मिळाली, पण महत्त्वाचा गोलंदाज स्पर्धेबाहेर
(India vs Scotland Toss result: In india vs Scotland match India won the toss and elected to field first)
