MI vs LSG IPL 2022: जिंकण्यासाठी Mumbai Indians चा प्लेइंग 11 मध्ये बदल, वेस्ट इंडिजच्या ऑलराऊंडरला दिली संधी

मुंबई: ब्रेबॉर्न स्टेडियमवर मुंबई इंडियन्स आणि लखनौ सुपर जायंट्समध्ये (MI vs LSG) सामना सुरु आहे. सलग पाच पराभवांचा सामना करणाऱ्या मुंबई इंडियन्सने आज संघात एक बदल केला आहे. वेस्ट इंडिजचा स्टार ऑलराऊंडर फॅबियन एलनला (fabian allen) आज मुंबई इंडियन्सने संधी दिली आहे. मुंबई इंडियन्सचा (Mumbai Indians) दिग्गज खेळाडू कायरन पोलार्डने एलनल डेब्यू कॅप दिली. मुंबईकडून पदार्पण करणाऱ्या फॅबियन एलनने मुंबईला पहिलं यशही मिळवून दिलय. धुवाधार फलंदाजी करणारा सलामीवीर क्विंटन डि कॉकला त्याने 24 धावांवर पायचीत पकडलं. फॅबियन एलनचं भारताशी खास कनेक्शन आहे. भारताविरुद्धच्या सामन्यातूनच त्याने वनेड आणि टी 20 मध्ये डेब्यू केला आहे. भारतातच हे दोन्ही सामने झाले. पुण्यात ऑक्टोबर 2018 मध्ये एलनने भारताविरुद्ध वनडेत डेब्यू केला. वेस्ट इंडिजने तो सामना 43 धावांनी जिंकला होता. एलन त्या सामन्यात फक्त पाच धावा करु शकला. त्याला एकही विकेट मिळाली नाही.

टी 20 मध्ये कधी डेब्यू केला?

कोलकात्यात चार नोव्हेंबर 2018 रोजी त्याने भारताविरुद्ध टी 20 मध्ये डेब्यू केला. भारताने तो सामना पाच विकेटने जिंकला होता. वेस्ट इंडिजचा संघ आठ विकेट गमावून 109 धावा केल्या. एलनने त्या सामन्यात 20 चेंडूत चार चौकारांच्या मदतीने 27 धावा केल्या होत्या. त्याला या सामन्यात एकही विकेट काढता आली नव्हती.

A much-needed breakthrough, courtesy ??? ?

After 8 overs, LSG are 74/1.#OneFamily #DilKholKe #MumbaiIndians #MIvLSG @FabianAllen338 pic.twitter.com/axZhGM8q5I

— Mumbai Indians (@mipaltan) April 16, 2022

टी 20 मध्ये किती धावा केल्या?

26 वर्षाय फॅबियन एलन आतापर्यंत आपल्या करीयरमध्ये 20 वनडे आणि 34 टी 20 आंतरराष्ट्रीय सामने खेळला आहे. वनडे मध्ये सात आणि टी 20 मध्ये 24 विकेट त्याच्या खात्यावर आहेत. त्याशिवाय वनडेमध्ये एका अर्धशतकासह 200 धावा त्याने केल्या आहेत. टी 20 मध्ये त्याने 267 रन्स केल्या आहेत.