MI vs GT : पलटण कोणाचंच उधार ठेवत नाही, गुजरात टायटन्सवर मिळवला विजय

मुंबई : मुंबई इंडिअन्स आणि गुजरात टायटन्स यांच्यातील सामन्यात मुंबईने 27 धावांनी विजय मिळवला आहे. प्रथम फलंदाजी करताना सूर्याच्या नाबाद 103 धावांच्या शतकी खेळीच्या जोरावर मुंबईने 218 धावांचां डोंगर उभा केला होता. या लक्ष्याचा पाठलाग करताना गुजरात संघाला 20 षटकात 191-8 धावाच करता आल्या. गुजरातच्या सलग पाच विजयांना मुंबईने ब्रेक लावला आहे. राशिद खानेने शेवटला आक्रमक 79 धावांची खेळी करताना 10 सिक्सर मारत पूर्ण प्रयत्न केला मात्र तो विजय मिळवून देऊ शकला नाही. या विजयासह मुंबईने पॉइंट टेबलमध्ये तिसऱ्या स्थानी झेप घेतली आहे.

मुंबईने दिलेल्या लक्ष्याचा पाठलाग करताना एकदम  खराब सुरूवात झाली. रिद्धिमान साहा 2 धावा, हार्दिक पांड्या 6 धावा, शुबमन गिल 4 धावा, विजय शंकर 29 धावा, अभिनव मनोहर 2 धावा आणि राहुल तेवतिया 14 धावा हे महत्त्वाचे खेळाडू अपयशी ठरले. डेव्हिड मिलर 44 धावा आणि राशीद खानची 79 धावांची खतरनाक खेळीच्या जोरावर गुजरातला 200 धावांच्या जवळपास जात आलं. राशिद खान याने एकट्याने 10 सिक्सर मारले. अखेर मुंबईने 27 धावांनी विजय मिळवला असून तिसऱ्या स्थानी विराजमान होत प्ले ऑफच्या दिशेने एक पाऊल टाकलं आहे.

गुजरात टायटन्स (प्लेइंग इलेव्हन): रिद्धिमान साहा, विजय शंकर, हार्दिक पांड्या (C), डेव्हिड मिलर, राहुल तेवतिया, अभिनव मनोहर, मोहित शर्मा, राशिद खान, मोहम्मद शमी, अल्झारी जोसेफ, नूर अहमद

मुंबई इंडियन्स (प्लेइंग इलेव्हन): इशान किशन (W), रोहित शर्मा (C), कॅमेरॉन ग्रीन, सूर्यकुमार यादव, नेहल वढेरा, टिम डेव्हिड, ख्रिस जॉर्डन, विष्णू विनोद, पीयूष चावला, जेसन बेहरेनडॉर्फ, कुमार कार्तिकेय