RCB vs CSK : आरसीबीच्या विजयानंतर विराट कोहली भावूक, अनुष्काचा आनंद गगनात मावेना, व्हीडिओ व्हायरल

विराट कोहली, आरसीबीचा माजी कर्णधार आणि आयपीएलच्या सुरुवातीपासून ते आतापर्यंत एकाच संघासाठी खेळणारा निष्ठावान खेळाडू. आरसीबीला गेल्या 16 वर्षांमध्ये एकदाही आयपीएल चॅम्पियन होता आलं नाही. मात्र आरसीबीने यंदा 17 व्या हंगामात अखेरच्या क्षणी कारनामा केला आहे. सलग 6 सामने गमावणाऱ्या आरसीबीने विजयी षटकार ठोकत प्लेऑफमध्ये धडक मारली आहे. आरसीबीने घरच्या मैदानात चेन्नई सुपर किंग्सचा 27 धावांनी पराभव करत 22 मार्चच्या पराभवाचा वचपा घेतला. तसेच आरसीबी प्लेऑफमध्ये  पोहचणारी चौथी टीम ठरली. आरसीबीच्या या विजयासह विराट कोहली हा भावूक झालेला दिसून आला. तर दुसऱ्या बाजूला विराटची पत्नी अभिनेत्री अनुष्का शर्मा हीलाही आनंद गगनात मावेनासा झाला.

आरसीबी आणि चेन्नई या दोन्ही संघांचा हा या हंगामातील अखेरचा आणि करो या मरो असा सामना होता. चेन्नईला प्लेऑफमध्ये पोहचण्यासाठी हा सामना केवळ जिंकायचा होता. मात्र आरसीबीला प्लेऑफच्या तिकीटासाठी हा सामना 18 धावांच्या फरकाने जिंकायचा होता. आरसीबीने चेन्नईसमोर 219 धावांचं आव्हान ठेवलं होतं. चेन्नईने या धावांचा पाठलाग करत आशा कायम ठेवल्या होत्या. आरसीबीला नेट रनरेटनुसार क्वालिफाय करण्यासाठी शेवटच्या 3 ओव्हरमध्ये विजयासाठी 50 आणि अखेरच्या षटकात 17 धावांचा बचाव करायचा होता. तर चेन्नईकडून रवींद्र जडेजा आणि महेंद्रसिंह धोनी ही घातक जोडी मैदानात होती.

कॅप्टन फाफ डु प्लेसीस याने यश दयाल याला अखेरची ओव्हर दिली. महेंद्रसिंह धोनीने यश दयालच्या पहिल्याच बॉलवर सिक्स ठोकला. मात्र आशा सोडतील ते आरसीबी फॅन्स कुठले? यश दयालने दुसऱ्याच बॉलवर धोनीला कॅच आऊट केलं आणि आरसीबीचा विजय निश्चित केला. यशने पुढील 4 बॉलमध्ये फक्त 1 धाव दिली. यशने यशस्वीपणे अखेरच्या ओव्हरमध्ये 17 धावांचा बचाव करताना फक्त 7 धावा दिल्या. आरसीबीने यासह इतिहास रचला आणि प्लेऑफचं तिकीट 14 गुणांसह मात्र नेट रनरेटच्या जोरावर मिळवलं.

विराटला आनंदाश्रू, अनुष्काही भावूक

Aaarrr Ceeee Beeee ❤️👏

6️⃣ in a row for Royal Challengers Bengaluru ❤️

They make a thumping entry into the #TATAIPL 2024 Playoffs 👊

Scorecard ▶️ https://t.co/7RQR7B2jpC#RCBvCSK | @RCBTweets pic.twitter.com/otq5KjUMXy

— IndianPremierLeague (@IPL) May 18, 2024

विराटने या विजयानंतर मैदानात आनंदाने उड्या मारल्या. कॅप्टन फाफ डु प्लेसीस आणि अन्य सहकाऱ्यांना कडाडून मीठी मारली. पत्नी अनुष्कालाही आरीसीबीच्या विजयाचा आनंद झाला.

रॉयल चॅलेंजर्स बेंगळुरू प्लेइंग ईलेव्हन : फाफ डू प्लेसिस (कॅप्टन), विराट कोहली, ग्लेन मॅक्सवेल, रजत पाटीदार, कॅमेरॉन ग्रीन, महिपाल लोमरोर, दिनेश कार्तिक (विकेटकीपर), कर्ण शर्मा, यश दयाल, लॉकी फर्ग्युसन आणि मोहम्मद सिराज.

चेन्नई सुपर किंग्ज प्लेइंग ईलेव्हन : ऋतुराज गायकवाड (कॅप्टन), रचिन रवींद्र, डॅरिल मिशेल, अजिंक्य रहाणे, रवींद्र जडेजा, महेंद्रसिंह धोनी (विकेटकीपर), मिचेल सँटनर, शार्दूल ठाकुर, तुषार देशपांडे, सिमरजीत सिंग आणि महेश तीक्षना.