Isham Kishan : इशान किशन याचा फ्लाइटमधील ‘तो’ फोटो व्हायरल, नेमकी कोणाच्या खांद्यावर घेतोय साखरझोप?

मुंबई : आयपीएलमधील मुंबई इंडिअन्स संघ आता हंगामाच्या अर्ध्यानंतर मुसंडी मारताना दिसत आहे. गेल्या सामन्यामध्ये मुंबई इंडिअन्स संघाने पंजाब किंग्स संघावर विजय मिळवत पॉइंट टेबलमध्ये मुसंडी मारली. या सामन्यामध्ये मुंबईचा ओपनर ईशान किशन याने आक्रमक अर्धशतक करत संघाच्या विजयात महत्त्वाची भूमिका बजावली. अशातच सोशल मीडियावर एक फोटो व्हायरल होत आहे त्यामध्ये ईशान किशन फ्लाइटमध्ये झापलेला असून कोणाच्या तरी खांद्यावर डोकं ठेवलेलं आहे. ईशानचा हा फोटो सोशल मीडियावर जोरदार व्हायरल झालेला पाहायला मिळत आहे.

पाच वेळचा चॅम्पियन असलेला संघ मुंबई इंडियन्सने बुधवारी आयपीएल-2023 सामन्यात पंजाब किंग्जचा त्यांच्या घरच्या मैदानावर पराभव केला. मोहालीच्या आयएस बिंद्रा स्टेडियमवर झालेल्या सामन्यात मुंबई इंडियन्सच्या दणदणीत विजयात युवा यष्टीरक्षक ईशान किशनने 41 चेंडूत 7 चौकार आणि 4 षटकारांसह 75 धावा केल्या होत्या.

फोटोमध्ये नेमकं कोण?

ईशान किशन फ्लाइटमध्ये सीटवर झोपलेला दिसत आहे. तिलक वर्माच्या खांद्यावर त्याने डोके ठेवलेलं आहे. मुंबई इंडिअन्सने ट्विटरवर हा फोटो शेअर केला आहे. या फोटोसोबत कॅप्शनमध्ये, चंदीगड ते चेन्नई, लांब प्रवास, सर्वोत्तम कंपनी, असं म्हटलं आहे.

दरम्यान, रोहित शर्माच्या नेतृत्वाखाली मुंबई इंडियन्सने आयपीएल (IPL-2023) च्या चालू हंगामात बुधवारी आपला पाच वा विजय नोंदवला. या विक्रमी पाच वेळा चॅम्पियन संघाने मोहाली येथे खेळल्या गेलेल्या सामन्यात पंजाब किंग्जचा 6 गडी राखून पराभव केला. पंजाबने 20 षटकांत 3 गडी गमावून 214 धावा केल्या, त्यानंतर मुंबईने 18.5 षटकांत 4 गडी गमावून लक्ष्य गाठले. ईशानशिवाय सूर्यकुमार यादवनेही अर्धशतक झळकावलं.