सोनम वांगचुक यांनी अभिजीत दीपकेंना सुनावलं, थेट व्हिडीओ शेअर करत… आपसातच जुंपली?

जंतरमंतरवर तिरंगा फडकवल्यामुळे कॉकरोच जनता पार्टीच्या नेत्यांना अटक करण्यात आली होती. सीजेपीचे सौरव दास, आशुतोष रांका आणि अभिजीत दीपके यांना 50 हजार रुपयांच्या वैयक्तिक जात मुचलका आणि पीस बाँडवर सही केल्यानंतर सोडून देण्यात आले होते. मात्र, पीस बॉन्डच्या मुद्द्यावरून पर्यावरणप्रेमी कार्यकर्ते सोनम वांगचुक यांनी आपला एक जुना व्हिडिओ शेअर केला आहे. या व्हिडीओवर त्यांनी एक कॅप्शन दिलं आहे. सर्वांना एकदा तुरुंगात गेलं पाहिजे. गुन्ह्यासाठी नव्हे तर लोकांच्या भल्यासाठी तरी तुरुंगात गेलं पाहिजे, असा टोला सोनम वांगचुक यांनी लगावला आहे.

चार वर्षापूर्वी मलाही पीस बॉन्ड भरण्याची वेळ आली होती. मला नजरकैदेत ठेवलं होतं. दीर्घकाळ तुरुंगात डांबण्याची धमकी मला देण्यात आली होती. त्यावेळी मी एक व्हिडीओ तयार केला होता. तोच व्हिडीओ मी शेअर करत आहे, असं सोनम वांगचुक यांनी म्हटलं आहे. वांगचुक यांनी हा व्हिडीओ शेअर करून दीपके यांच्यासह कॉकरोचच्या नेत्यांची कानउघाडणी केल्याचं सांगितलं जात आहे.

काय घातली बंधनं?

27 जानेवारी 2023चा हा व्हिडीओ आहे. वांगचुक यांनी हा व्हिडीओ शेअर केला आहे. त्यात ते म्हणतात, आज जेव्हा मी बेकायदेशीर नजरकैद आणि एलजी साहेबांच्या मनमानी विरोधात बोलायला सुरुवात केली. तेव्हा एका अधिकाऱ्याने माझ्यासमोर एक कागद धरला. मला म्हणाले, हा पीस बाँड आहे. सार्वजनिक सभांमध्ये सामील होणार नाही आणि भाषण देणार नाही, असं यात म्हटलं आहे. सध्याच्या परिस्थितीशी निगडीत कोणत्याही कार्यक्रमात, आंदोलनात भाग घेणार नाही. जर मी असं केलं तर…

EACH ONE MUST GO TO JAIL ONCE IN LIFE, NOT FOR A CRIME BUT FOR A CAUSE… ‘ Sir what’s your opinion on signing peace bond ? Will you sign one if you were forced to!? ‘ This is what several journalists asked me during my recent trip to Delhi & Mumbai. Well I’ve been through this station four years ago when I started protesting against the government backtracking on their electoral promises… to grant 6th Schedule safeguards to Ladakh. I was put under an undeclared house arrest and was threatened with a longer jail term… Here’s what I said in a video message to then Leutenant Governor through my podcast. The officer carrying the bond paper never returned… My advice to all young people… Hence my advice… EACH ONE MUST GO TO JAIL ONCE IN LIFE, NOT FOR A CRIME BUT FOR A CAUSE

— Sonam Wangchuk (@Wangchuk66) October 30, 2026

टायमिंगवरून चर्चा

मला माझ्या हातूनच आर्टिकल 19 च्या अंतर्गत येणारे अधिकार त्यांना द्यायचे होते. 50 हजार रुपये भरायचे होते. पैसे नाही भरले तर काय होईल? असं मी विचारलं. मी म्हटलं, जो व्यक्ती मरायला घाबरत नाही. तो डिटेन्शनला कसा घाबरेल? तुम्ही मला नजरकैदेत ठेवलं आहे. अनेक पोलीस अधिकाऱ्यांना तैनात केलं आहे. अनेक पोलीस मायनस 10 डिग्री सेल्सिअसमध्ये चकरा मारत आहेत. त्यांना ना तंबू ना टेंट दिलाय, असं वांगचूक यांनी या व्हिडिओतून म्हटलं आहे. वांगचुक यांनी आताच हा व्हिडीओ शेअर केल्याने त्यावर तर्कवितर्क लढवले जात आहेत. वांगचुक यांच्या टायमिंगवरून अनेक चर्चा रंगल्या आहेत. अभिजीत दीपके आणि त्यांच्या टीमला वांगचुक यांनी सुनावल्याचं सांगितलं जात आहे.