KKR : Rinku Singh बद्दल ‘ते’ शब्द ऐकताच भडकला शाहरुख खान, म्हणाला, ‘रिंकू बच्चा नाही, तो….’

मुंबई : बॉलिवूडचा किंग शाहरुख खान मागच्या काही काळापासून टि्वटरवर आपल्या चित्रपटांच प्रमोशन करतोय. पठानच्या रिलीजच्यावेळी सुद्धा त्याने अस केलं होतं. आता ‘जवान’ चित्रपटाच्या रिलीजआधी शाहरुख खान प्रमोशनमध्ये व्यस्त आहे. या संदर्भात किंग खानने टि्वटरवर Ask SRK नावाच सेशन चालवलं. याच दरम्यान त्याने कोलकाता नाइट रायडर्सचा खेळाडू रिंकू सिंह बद्दल एक दमदार टि्वट केलं.

Ask SRK दरम्यान श्रेयस आर्यन नावाच्या एका युजरने शाहरुख खानला प्रश्न विचारला. ‘एक शब्द केकेआरचा बच्चा रिंकू सिंहबद्दल’, त्यावर शाहरुख खानने सर्वांनाच चकीत करणार उत्तर दिलं. ‘रिंकू बाप आहे, बच्चा नाही’ असं शाहरुखने लिहिलं.

ट्विटला जबरदस्त रिस्पॉन्स

शाहरुख खानच्या या टि्वटवर फॅन्सकडून खूप रिएक्शन आल्या. या दमदार टि्वटवर दोन हजारपेक्षा जास्त रिटि्विट झाले. 10 लाख इम्प्रेशन आले. 600 पेक्षा जास्त लोकांनी यावर कमेंट केलं. 17 हजारपेक्षा जास्त लाइक्स आले.

Rinku is Baaapppp!! Not bacha a!! https://t.co/kyyKr4dJhy

— Shah Rukh Khan (@iamsrk) June 25, 2023

रिंकूची लक्षात राहणारी इनिंग

रिंकू सिंह शाहरुख खानची टीम केकेआरचा महत्वाचा सदस्य आहे. मागच्या अनेक वर्षांपासून रिंकू कोलकाता नाइट रायडर्स टीमकडून खेळतोय. या सीजनमध्ये गुजरात टायटन्स विरुद्धच्या सामन्यात त्याने शेवटच्या 5 चेंडूंवर 5 सिक्स मारुन विजय मिळवून दिला. रिंकून या इनिंगने सर्वांचच मन जिंकलं. त्याशिवाय रिंकू अनेक शानदार इनिंग खेळला. शाहरुखचा पुढचा चित्रपट कधी प्रदर्शित होणार?

शाहरुख खानच्या चित्रपटाबद्दल बोलायच झाल्यास, तो शेवटचा पठान चित्रपटात दिसला होता. हा चित्रपट ब्लॉकबस्टर ठरला होता. शाहरुख खान लवकरच जवान चित्रपटामध्ये दिसणार आहे. दक्षिणेचे प्रसिद्ध दिग्दर्शक एटली यांनी या चित्रपटाच दिग्दर्शन केलय. शाहरुख सोबत साऊथची प्रसिद्ध अभिनेत्री नयनतारा या चित्रपटात दिसणार आहे. शाहरुखचा हा चित्रपट यावर्षी सप्टेंबर महिन्यात चित्रपटगृहात प्रदर्शित होईल.