MI vs RR Score Updates and Highlights, IPL 2026 : राजस्थानला प्लेऑफचं तिकीट, मुंबईवर 30 धावांनी मात

राजस्थान रॉयल्सने प्लेऑफमध्ये धडक दिली आहे. राजस्थानने मुंबईसमोर 206 धावांचं आव्हान ठेवलं होतं. मात्र मुंबईला 20 ओव्हरमध्ये 9 विकेट्स गमावून 175 धावांपर्यंतच पोहचता आलं. राजस्थान अशाप्रकारे प्लेऑफमध्ये पोहचणारी चौथी आणि शेवटची टीम ठरली आहे.

नांद्रे बर्गर याने आपल्या बॉलिंगवर सूर्यकुमार यादव याला कॅच आऊट केलं आहे. राजस्थानने यासह मुंबईला आठवा झटका दिला आहे. सूर्याने मुंबईसाठी सर्वाधिक 60 रन्स केल्या.

राजस्थान रॉयल्सने मुंबई इंडियन्सला सातवा झटका दिला आहे. यश राज पुंजाने आपल्या बॉलिंगवर कॉर्बिन बॉश याला डोनोवन फेरेरा याच्या हाती कॅच आऊट केलं. कॉर्बिनने 2 रन्स केल्या.

राजस्थान रॉयल्सने मुंबई इंडियन्सला सहावा झटका दिला आहे. जोफ्रा आर्चर याने आपल्या बॉलिंगवर मुंबईचा कॅप्टन हार्दिक पंड्या याला नांद्रे बर्गर याच्या हाती कॅच आऊट केलं. हार्दिकने 15 बॉलमध्ये  34 रन्स केल्या.

लोकल बॉय आणि मुंबई इंडियन्सचा प्रमुख फलंदाज सूर्यकुमार यादव याने राजस्थान रॉयल्स विरुद्ध अर्धशतक झळकावलं आहे. सूर्याने 32 बॉलमध्ये अर्धशतक पूर्ण केलं आहे. सूर्याने या खेळीत 4 सिक्स आणि 2 फोर लगावले. त्यामुळे सामना रंगतदार स्थितीत पोहचला आहे.

यश राज पुंजा याने सूर्यकुमार यादव आणि विल जॅक्स ही सेट जोडी फोडून राजस्थानला पाचवी विकेट मिळवून दिली आहे.  यशने विल जॅक्स याला विकेटकीपर ध्रुव जुरेल याच्या हाती कॅच आऊट केलं. विलने 18 बॉलमध्ये 33 रन्स केल्या.

सूर्यकुमार यादव याने 10 व्या ओव्हरमधील दुसऱ्या बॉलवर सिक्स ठोकला. यासह सूर्यकुमार यादव आणि विल जॅक्स या जोडीने पाचव्या विकेटसाठी अर्धशतकी भागीदारी केली. सूर्या-विलने 26 बॉलमध्ये 50 रन्स जोडल्या. त्यामुळे मुंबईचा स्कोअर 9.2 ओव्हरमध्ये 4 आऊट 88 असा झाला आहे.

नाशिकच्या मालेगावात वादळी वाऱ्यासह मुसळधार पावसामुळे मोठी दुर्घटना घडली आहे.
पवारवाडी शिवारात तरुणाचा दुर्दैवी मृत्यू झाला आहे. पावसापासून बचावासाठी शेडच्या आडोशाला हा तरुण उभा राहिला होता. फैज मोहम्मद अनिस अहमद (वय ३२) असे मृत तरुणाचे नाव आहे. वादळी वाऱ्यामुळे विजेचा कमकुवत खांब आणि पत्रे अंगावर पडल्याने त्याचा मृत्यू झाल आहे.

राजस्थान रॉयल्सने मुंबई इंडियन्सला चौथा झटका दिला आहे. ब्रिजेश शर्मा याने तिलक वर्मा याला क्लिन बोल्ड केलं. तिलकने 7 बॉलमध्ये 3 धावा केल्या.

राजस्थान रॉयल्सने मुंबई इंडियन्सला पावर प्लेमध्ये तिसरा आणि मोठा झटका दिला आहे. नांद्रे बर्गर याने वैभव सूर्यवंशी याच्या हाती रायन रिकेल्टन याला कॅच आऊट केलं. रायनने 7 बॉलमध्ये 12 रन्स केल्या.

जोफ्रा आर्चर याने रोहित शर्मा याच्यानंतर नमन धीर याची शिकार करुन मुंबई इंडियन्सला दुसरा झटका दिला आहे. नमन धीर याने 5 बॉलमध्ये 6 रन्स केल्या. त्यामुळे मुंबईचा स्कोअर  2.3 ओव्हरमध्ये 2 आऊट 18 असा स्कोअर झाला आहे.

जोफ्रा आर्चर याने राजस्थान रॉयल्सला जबरदस्त सुुरवात करुन दिली आहे. जोफ्राने डावातील पहिल्याच ओव्हरमध्ये रोहित शर्मा याला झिरोवर आऊट केलं आहे. जोफ्राने रोहितला आऊट करण्याची ही चौथी वेळ ठरली.

मुंबई इंडियन्सच्या बॅटिंगला सुरुवात झाली आहे. मुंबईकडून रोहित शर्मा आणि रायन रिकेल्टन सलामी जोडी मैदानात आली आहे. राजस्थानने मुंबईसमोर 206 धावांचं आव्हान ठेवलं आहे.

राजस्थान रॉयल्सने निर्णायक सामन्यात मुंबईतील वानखेडे स्टेडियममध्ये द्विशतक झळकावलं आहे. राजस्थानने मुंबईसमोर 206 धावांचं आव्हान ठेवलं आहे. राजस्थानने 20 ओव्हरमध्ये 8 विकेट्स गमावून 205 धावा केल्या. त्यामुळे आता मुंबई 206 धावा करुन मोहिमेचा शेवट करणार का? हे पाहणं महत्त्वाचं ठरणार आहे.

शार्दूल ठाकुर याने आपल्या बॉलिंगवर जोफ्रा आर्चर याच्या स्फोटक खेळीचा शेवट करुन धावांना ब्रेक लावला आहे.  शार्दुलने जोफ्राला नमन धीर याच्या हाती कॅच आऊट केलं. शार्दूलने अशाप्रकारे एकाच ओव्हरमध्ये राजस्थानला 2 झटके दिले. शार्दुलने जोफ्राआधी शुभम दुबे याला आऊट केलं.

नमन धीर याने शार्दुल ठाकुर याच्या बॉलिंगवर शुभम दुबे याला कॅच आऊट केलं आहे. राजस्थानने यासह सातवी विकेट गमावली. शुभमने 6 बॉलमध्ये 5 रन्स केल्या.

दीपक चाहर याने डोनोवन फरेरा याला आऊट केलं आहे. कॉर्बिन बॉश याने डोनोवन फरेरा याचा कॅच घेतला. डोनोवन याने 15 बॉलमध्ये 18 रन्स केल्या. राजस्थानाने अशाप्रकारे सहावी विकेट गमावली.

मुंबई इंडियन्सच्या गोलंदाजांनी चिवट बॉलिंग करत राजस्थानच्या फलंदाजांना नियंत्रणात ठेवलं आहे. मुंबईच्या गोलंदाजांसमोर राजस्थानला 15 ओव्हरमध्ये 5 विकेट्स गमावून 132 धावांपर्यंत पोहचता आलं आहे. जोफ्रा आर्चर 3 आणि डोनोवन फरेरा 12 धावांवर नाबाद खेळत आहेत.

कॉर्बिन बॉश याने ध्रुव जुरेल याला कडक यॉर्करवर क्लिन बोल्ड केलं आहे. यासह मुंबईने राजस्थानला पाचवा झटका दिला आहे. ध्रुवने 26 बॉलमध्ये 38 रन्स केल्या.

मुंबईने 11 ओव्हरमध्ये राजस्थान रॉयल्सला चौथा झटका दिला आहे. ध्रुव जुरेल याच्या चुकीच्या कॉलमुळे दासुन शनाका नॉन स्ट्राईक एंडवर रनआऊट झाला. दासुनने 15 बॉलमध्ये 29 रन्स केल्या.

मुंबईने राजस्थानला ठराविक अंतराने 3 झटके देत बॅकफुटवर ढकललं. त्यामुळे आता ध्रुव जुरेल आणि दासुन शनाका या जोडीवर राजस्थानला मोठी भागीदारी मिळवून देण्याची जबाबदारी असणार आहे.  या दोघांनी राजस्थानला 9 ओव्हरमध्ये 3 आऊट 84 रन्सपर्यंत पोहचवलं आहे. ध्रुव जुरेल 14 आणि दासुन शनाका 20 रन्सवर नॉट आऊट खेळत आहेत.

तिलक वर्मा याने बाउंड्री लाईनवर राजस्थानचा कॅप्टन रियान पराग याचा जबरदस्त कॅच घेतला आहे. अशाप्रकारे रियानच्या खेळीचा शेवट झाला आहे. रियानने 8 बॉलमध्ये 14 रन्स केल्या. अल्लाह गझनफर याने तिलकला मैदानाबाहेरचा रस्ता दाखवला.

दीपक चाहर याने मुंबईला सर्वात मोठी विकेट मिळवून दिली आहे. दीपकने ओपनर वैभव सूर्यवंशी याला नमन धीर याच्या हाती कॅच आऊट केंलं. वैभवने 6 बॉलमध्ये 4 रन्स केल्या. त्यामुळे राजस्थानचा स्कोअर 4.1 ओव्हरमध्ये 2 आऊट 33 असा झाला आहे.

मुंबई इंडियन्से राजस्थान रॉयल्सला पहिला झटका दिला आहे. विल जॅक्स याने लोकल बॉय यशस्वी जैस्वाल याला कॉर्बिन बॉश याच्या हाती कॅच आऊट केलं. यशस्वीने 17 बॉलमध्ये 27 रन्स केल्या.

वैभव सूर्यवंशी आणि यशस्वी जैस्वाल या सलामी जोडीने राजस्थान रॉयल्सला मुंबई इंडियन्स विरुद्ध संयमी सुरुवात मिळवून दिली आहे. दोघांनी पहिल्या 3 ओव्हरमध्ये बिनबाद 25 धावा जोडल्या आहेत. यशस्वी 21 आणि वैभव 3 धावांवर नॉट आऊट खेळत आहेत.

मुंबई इंडियन्स विरुद्ध राजस्थान रॉयल्स सामन्याला सुरुवात झाली आहे. मुंबईने राजस्थानला बॅटिंगसाठी भाग पाडलं आहे. राजस्थानकडून वानखेडे स्टेडियममध्ये वैभव सूर्यवंशी आणि यशस्वी जैस्वाल ही सलामी जोडी मैदानात आली आहे. तर दीपक चाहर पहिली ओव्हर टाकत आहे.

मुंबई इंडियन्स प्लेइंग ईलेव्हन: रायन रिकेल्टन (विकेटकीपर), नमन धीर, सूर्यकुमार यादव, तिलक वर्मा, हार्दिक पांड्या (कॅप्टन), विल जॅक्स, कॉर्बिन बॉश, दीपक चहर, शार्दूल ठाकुर, अल्लाह गझनफर आणि रघु शर्मा.

राजस्थान रॉयल्स प्लेइंग ईलेव्हन : यशस्वी जैस्वाल, वैभव सूर्यवंशी, ध्रुव जुरेल, रियान पराग (कर्णधार), डोनोवन फरेरा, शुभम दुबे, दासून शनाका, जोफ्रा आर्चर, नांद्रे बर्गर, यशराज पुंजा आणि ब्रिजेश शर्मा.

मुंबई इंडियन्सने आपल्या शेवटच्या सामन्यात टॉस जिंकला आहे. कर्णधार हार्दिक पंड्या याने राजस्थान रॉयल्स विरुद्ध फिल्डिंगचा निर्णय घेतला आहे. त्यामुळे आता राजस्थान किती धावा करणार? हे पाहणं महत्त्वाचं ठरणार आहे.

राजस्थान रॉयल्स टीममध्ये नियमित कर्णधार रियान पराग आणि रवींद्र जडेजा या दोघांचं कमबॅक होणार असल्याचं निश्चित आहे. रियानच्या अनुपस्थितीत गेल्या सामन्यात यशस्वी जैस्वाल याने नेतृत्व केलं होतं. तर रवींद जडेजा याला दुखापतीमुळे काही सामन्यांना मुकावं लागलं होतं.

रायन रिकेल्टन (विकेटकीपर), हार्दिक पांड्या (कर्णधार) रोहित शर्मा, नमन धीर, सूर्यकुमार यादव, तिलक वर्मा, विल जॅक्स, कॉर्बिन बॉश, दीपक चहर, जसप्रीत बुमराह, रघु शर्मा, अल्लाह गझनफर,
शार्दुल ठाकूर, मयंक रावत, रॉबिन मिन्झ, क्रिश भगत, ट्रेंट बोल्ट, केशव महाराज, शेर्फेन रदरफोर्ड, मोहम्मद सलाहुद्दीन इझार, दानिश मलेवार, मयंक मार्कंडे आणि अश्वनी कुमार.

यशस्वी जैस्वाल (कॅप्टन), ध्रुव जुरेल (विकेटकीपर) वैभव सूर्यवंशी, लुआन-ड्रे प्रिटोरियस, डोनोव्हन फरेरा, शुभम दुबे, दासुन शनाका, जोफ्रा आर्चर, सुशांत मिश्रा, संदीप शर्मा, ब्रिजेश शर्मा,
यशराज पुंजा, युधवीर सिंग चरक, अमन राव पराला, रवी बिश्नोई, रियान पराग, रवींद्र जडेजा, ॲडम मिल्ने, शिमरॉन हेटमायर, नांद्रे बर्गर, क्वेना मफाका, तुषार देशपांडे, कुलदीप सेन, विघ्नेश पुथूर आणि रवी सिंग.

आयपीएल 2026 स्पर्धेत 24 मे रोजी शेवटच्या डबल हेडरचं आयोजन करण्यात आलं आहे. या डबल हेडरमधील पहिल्या सामन्यात मुंबई इंडियन्स विरुद्ध राजस्थान रॉयल्स आमनेसामने आहेत. सामन्याला दुपारी 3 वाजून 30 मिनिटांनी मुंबईतील वानखेडे स्टेडियममध्ये सुरुवात होणार आहे. राजस्थानला प्लेऑफमध्ये पोहचायचं असेल तर कोणत्याही स्थितीत हा सामना जिंकावा लागणार आहे. त्यामुळे मुंबई हा सामना जिंकून राजस्थानचं गेम ओव्हर करणार का? हे पाहणं महत्त्वाचं ठरणार आहे.