IPL 2024, MI vs RCB Highlight: मुंबई इंडियन्सने आरसीबीचा वानखेडेवर उडवला धुव्वा, 7 गडी राखून ढकललं पराभवाच्या दरीत

मुंबई इंडियन्सने आरसीबीचा 7 गडी राखून पराभव केला आहे. तसेच आरसीबीने विजयासाठी दिलेल्या 197 धावांचं आव्हान 15.3 षटकात पूर्ण केलं. तसेच 27 चेंडू राखून हा विजय मिळवला. त्यामुळे मुंबई इंडियन्सला नेट रनरेटमध्ये जबर फायदा झाला आहे. मुंबई इंडियन्सने गुणतालिकेत पंजाब किंग्सला मागे टाकत सातवं स्थान गाठलं आहे.

सूर्यकुमार यादवने 18 चेंडूत आपलं अर्धशतक पूर्ण केलं.  5 चौकार आणि 4 षटकार मारले. त्यानंतर विजयकुमार विशकच्या गोलंदाजीवर बाद झाला.  तिथपर्यंत मुंबई इंडियन्स विजयाच्या वेशीवर पोहोचला होता.

रोहित शर्माने 24 चेंडूत 38 धावांची खेळी केली. यात 3 चौकार आणि 3 षटकार मारले.

मुंबई इंडियन्सला इशान किशनच्या रुपाने पहिला धक्का बसला आहे. इशान किशन 34 चेंडूत 69 धावा करून तंबूत परतला आहे. त्याने 7 चौकार आणि 5 षटकार मारले आहेत.

पॉवर प्लेमध्ये मुंबई इंडियन्सने आरसीबीच्या गोलंदाजांची धुलाई केली. 6 षटकात एकही गडी न गमवता 72 धावा केल्या आहे. इशान किशनने 25 चेंडूत 6 चौकार आणि 4 षटकारांच्या मदतीने 55 धावा केल्या. तर रोहित शर्मा 15 धावांवर खेळत आहे.

रोहित शर्मा आणि इशान किशनने पहिल्या गड्यासाठी अर्धशतकी भागीदारी केली. इशान किशनने यावेळी वादळी खेळी केली.

आरसीबीकडून दिनेश कार्तिकने शेवटी येत जबरदस्त फलंदाजी केली. दिनेश कार्तिकने 22 चेंडूत आक्रमक खेळी करत 50 धावा केल्या. आरसीबीचा डाव 196 धावांवर आटोपला. मुंबई इंडियन्ससमोर विजयासाठी 197 धावांचं आव्हान मिळालं आहे.

जसप्रीत बुमराहने आरसीबीला जबरदस्त पंच दिला आहे. पाच गडी बाद करून टीमला बॅकफूटवर ढकललं आहे.

जसप्रीत बुमराहने एकापाठोपाठ एक दोन गडी बाद केले. फाफ डू प्लेसिसनंतर महिपाल लोमरोरला तंबूचा रस्ता दाखवला.

फाफ डू प्लेसिस 41 चेंडूत 61 धावा करून बाद झाला. जसप्रीत बुमराहच्या गोलंदाजीवर डाव संपुष्टात आला आहे.

आरसीबीचा कर्णधार फाफ डू प्लेसिसने 32 चेंडूत अर्धशतकी खेळी केली. आयपीएलमधलं 34 वं अर्धशतक फाफने झळकावलं.

ग्लेन मॅक्सवेलच्या रुपाने आरसीबीला चौथा धक्का बसला आहे. ग्लेन मॅक्सवेलला आपलं खातंही खोलता आलं नाही. श्रेयस गोपाळने त्याला तंबूचा रस्ता दाखवला.

आरसीबीचा संघ संकटात असताना रजत पाटिदारने डाव सावरला. 25 चेंडूत 50 धावा केल्या. पण पुढच्या चेंडूवर पुन्हा एकदा षटकार मारण्याच्या नादात बाद झाला. पण दुसऱ्या चेंडूवर कोएत्झीने त्याला तंबूचा रस्ता दाखवला.

रॉयल चॅलेंजर्स बंगळुरुकडून रजत पाटिदार आणि फाफ डू प्लेसिस यांनी 50 धावांची भागीदारी केली आहे. त्यामुळे संकटात सापडलेल्या बंगळुरुला बाहेर काढण्यात मदत झाली आहे.

पॉवर प्लेवर पूर्णपणे मुंबई इंडियन्सचं वर्चस्व दिसून आलं. विराट कोहली आणि विल जॅक्स स्वस्तात बाद झाले. तर रॉयल चॅलेंजर्स बंगळुरुने 2 बाद 44 धावा केल्या.

विराट कोहलीनंतर आरसीबीला विल जॅक्सच्या रुपाने दुसरा धक्का बसला आहे. विल जॅक्स 8 धावा करून तंबूत परतला आहे. आकाश मढवालला यश मिळालं. 4 षटकात 28 धावा झाल्या आहेत.

विराट कोहली अवघ्या 3 धावा करून तंबूत परतला आहे. जसप्रीत बुमराहच्या गोलंदाजीवर इशान किशनने त्याचा झेल घेतला.

विराट कोहली आणि फाफ डू प्लेसिसने सावध सुरुवात केली आहे. 2 षटकात 14 धावा झाल्या आहेत.

रॉयल चॅलेंजर्स बेंगळुरू (प्लेइंग इलेव्हन): विराट कोहली, फाफ डू प्लेसिस (कर्णधार), विल जॅक्स, रजत पाटीदार, ग्लेन मॅक्सवेल, दिनेश कार्तिक (विकेटकीपर), महिपाल लोमरोर, रीस टोपले, विजयकुमार विषक, मोहम्मद सिराज, आकाश दीप.

मुंबई इंडियन्स (प्लेइंग इलेव्हन): रोहित शर्मा, इशान किशन (विकेटकीपर), तिलक वर्मा, हार्दिक पांड्या (कर्णधार), टिम डेव्हिड, रोमॅरियो शेफर्ड, मोहम्मद नबी, श्रेयस गोपाल, जसप्रीत बुमराह, जेराल्ड कोएत्झी, आकाश मढवाल.

हार्दिक पांड्याने नाणेफेकीचा कौल जिंकला आणि प्रथम गोलंदाजी करण्याचा निर्णय घेतला आहे.

वानखेडेची खेळपट्टी फलंदाजीसाठी चांगली आहे. नवीन चेंडूवर थोडा स्विंग होऊ शकतो, तरी फलंदाजीसाठी पूरक अशी खेळपट्टी आहे. तसेच मैदानाचं परीघ लहान असल्याने मोठी धावसंख्या उभी राहू शकते.

फाफ डु प्लेसिस (कर्णधार), विराट कोहली, रजत पाटीदार, विल जॅक्स, कॅमरून ग्रीन, सुयश प्रभुदेसाई, दिनेश कार्तिक (विकेटकीपर), रीस टॉपले, मयंक डागर, यश दयाल आणि मोहम्मद सिराज.

मुंबई इंडियन्सचे संभाव्य प्लेइंग इलेव्हन: रोहित शर्मा , इशान किशन (विकेटकीपर), सूर्यकुमार यादव, तिलक वर्मा, हार्दिक पांड्या (क), टीम डेव्हिड, मोहम्मद नबी , रोमॅरियो शेफर्ड, पियुष चावला, जेराल्ड कोएत्झी, जसप्रीत बुमराह.