ICC WTC Final : फायनलला दोन दिवस उरले, न्यूझीलंडचा संघ पार्टीत मश्गुल, पार्टीचा Video
भारत आणि न्यूझीलंड हे दोन्ही संघ वर्ल्ड टेस्ट चॅम्पियनशिपच्या अंतिम सामन्यासाठी तयार झाले आहेत. दोन्ही संघ सध्या इंग्लंडमध्ये आहेत. न्यूझीलंड संघाचा पार्टी करतानाचा एक व्हिडीओ समोर आला आहे.
साऊदम्प्टन : मागील दोन वर्षांपासून सुरु असलेल्या वर्ल्ड टेस्ट चॅम्पियनशिपचा अंतिम सामना (ICC World Test Championship Final) दोन दिवसांवर येऊन ठेपला आहे. 18 जूनपासून भारत (India) आणि न्यूझीलंड (NewZeland) यांच्यात इंग्लंडच्या साऊदम्प्टन मैदानात सामन्याला सुरुवात होईल. भारतीय प्रमाणवेळेनुसार दुपारी 3 वाजता नाणेफेक होणार आहे. ही स्पर्धा म्हणजे कसोटी क्रिकेटचा विश्वचषकच असल्याने संपूर्ण क्रिकेट जगताचे लक्ष सामन्याकडे लागले आहे. त्यामळे दोन्ही संघाच्या खेळाडूंवरही तणाव असून याच तणावातून मुक्त होण्यासाठी न्यूझीलंडचा संघ पार्टी करत आहे. (New Zealand Team Doing Party Before Playing ICC WTC Final vs India in Southampton ground)
न्यूझीलंडच्या संघाने नुकतेच इंग्लंडला सराव कसोटी मालिकेच 1-0 ने पराभूत केले. गोलंदाजी आणि फलंदाजी अशा दोन्ही विभागातील अप्रतिम प्रदर्शनामुळे न्यूझीलंडने इंग्लंडला त्यांच्याच होम ग्राऊंडवर पराभूत केले. पहिला सामना ड्रॉ झाल्यानंतर दुसऱ्या सामन्यात मात्र न्यूझीलंडने 8 विकेट्सने जिंकला. त्यामुळे संघाचा आत्मविश्वास वाढला असल्याने ते पार्टीच्या मूडमध्ये दिसत आहेत.
The perfect way to wrap the team’s first full day back in Southampton and farewell the players and support staff returning to New Zealand before the @ICC World Test Championship Final? A BBQ prepared by Head Chef @NeilWagner13 #WTC21 pic.twitter.com/RI17aKw8CW
— BLACKCAPS (@BLACKCAPS) June 15, 2021
नील वॅगनर बनला वाढपी
व्हिडीओमध्ये आपण पाहू शकतो सर्व न्यूझीलंडचे खेळाडू मजा करताना दिसत आहेत. कोरोना नियमांच पालन करुन सर्व खेळाडू पार्टी करत आहेत. नाच गाण्यासह सुरु असलेल्या पार्टीत सर्वच खेळाडू जोमात दिसत आहेत. पार्टीत मासांहारी खाण्यासह शाकाहारी जेवणही असल्याचं दिसून येत आहे. दरम्यान न्यूझीलंडचा वेगवान गोलंदाज नील वॅगनर स्वत: आपल्या सहखेळाडूंना प्रेमाने जेवन वाढताना दिसत आहे.
पार्टीच कारण काय?
WTC Final या महत्त्वाच्या सामन्यासाठी न्यूझीलंडने 15 खेळाडूंना निवडले आहे. तर इंग्लंडच्या दौऱ्यासाठी 20 खेळाडू पोहोचले होते. त्यामुळे अंतिम सामन्यासाठी संघात नसणारे 5 खेळाडू मायदेशी परतणार असल्याने त्याला फेअर-वेल म्हणून ही पार्टी आयोजित केली गेली आहे.
हे ही वाचा :
WTC Final: विराटसह करोडो भारतीयांच्या स्वप्नांचा चक्काचूर होऊ शकतो, कारण…
WTC Final : विजयी संघ होणार मालामाल, ICC च्या मानाच्या गदेसह मिळणार कोट्यावधी रुपये
WTC Final : जाणून घ्या कशी असेल अंतिम सामन्याची खेळपट्टी, भारतीय गोलंदाजाना फायदा होणार की तोटा?
(New Zealand Team Doing Party Before Playing ICC WTC Final vs India in Southampton ground)
