Ranji Trophy: 32 वर्षाच्या गोलंदाजाची कमाल, एकट्याने काढले 8 विकेट, 49 रन्सवर टीम ऑलआऊट
Ranji Trophy: काही दिवसांपूर्वी याच टीमने हरियाणाला 46 रन्सवर ऑलआऊट केलं होतं, ती टीम आज 50 धावाही करु शकली नाही.
नवी दिल्ली: देशांतर्गत खेळल्या जाणाऱ्या रणजी ट्रॉफी स्पर्धेत कमालीच प्रदर्शन पहायला मिळतय. 14 दिवसांपूर्वी एका टीमने हरियाणाला 46 रन्सवर ऑलआऊट केलं होतं. तीच टीम आता स्वत: 50 धावा करु शकली नाही. 49 रन्सवर ही टीम ऑलआऊट झाली. ऋषी धवनच्या नेतृत्वाखाली खेळणाऱ्या हिमाचल प्रदेशच्या टीमने खराब प्रदर्शन केलं. उत्तराखंड विरुद्धच्या रणजी सामन्यात हिमाचलची टीम 49 रन्सवर ऑलआऊट झाली.
टीमला सरेंडर करायला भाग पाडलं
उत्तराखंडच्या फक्त एका गोलंदाजामुळे हिमाचलची ही अवस्था झाली. दीपक धपोला नावाच्या गोलंदाजाने करिअरमधील सर्वोत्तम प्रदर्शन केलं. त्याने हिमाचलच्या फलंदाजांना विकेटवर टिकूच दिलं नाही. त्याने हिमाचलच्या टीमला सरेंडर करायला भाग पाडलं.
अशी वाट लावली
32 वर्षाच्या दीपक धपोलाने करिअरमधल सर्वोत्तम प्रदर्शन केलं. त्याने हिमाचल विरुद्ध पहिल्या इनिंगमध्ये 35 धावा देऊन 8 विकेट काढल्या. इतकी भेदक गोलंदाजी केली की, हिमाचलचे 5 फलंदाज खातही उघडू शकले नाहीत. त्याशिवाय अन्य फलंदाज दुहेरी आकडाही गाठू शकले नाहीत. फक्त एका बॅट्समनने 26 धावा केल्या. त्यामुळे टीमची धावसंख्या 49 पर्यंत पोहोचली. अन्यथा एवढ्या धावाही धावफलकावर लागल्या नसत्या.
डेब्युमध्ये बिहारची वाट लावली
दीपक धपोलाने पहिल्यांदा अशी कामगिरी केलेली नाहीय. फर्स्ट क्लासमध्ये त्याने बिहार विरुद्ध डेब्यु केला होता. त्या पहिल्या सामन्यात त्याने 9 विकेट काढल्या होत्या. पहिल्या इनिंगमध्ये 6 आणि दुसऱ्या इनिंगमध्ये 3 विकेट काढलेल्या. आतापर्यंत खेळलेल्या 14 सामन्यात त्याने 61 विकेट काढल्यात. यात 5 वेळा 5 प्लस विकेट आणि 2 वेळा 10 पेक्षा जास्त विकेट काढल्यात.
