RCB vs PBKS IPL 2022: 4,6,6,4 जॉनी बेयरस्टो पेटला, हेझलवुडसह सगळ्यांनाच धुतलं, Must Watch इनिंग
RCB vs PBKS IPL 2022: जॉनी बेयरस्टोने आज पहिल्या ओव्हरपासून आक्रमक पवित्रा घेतला. आरसीबीकडून ग्लेन मॅक्सवेलने आज गोलंदाजीची सुरुवात केली.
मुंबई: ब्रेबॉर्न स्टेडियमवर रॉयल चॅलेंजर्स बँगलोर आणि पंजाब किंग्समध्ये (RCB vs PBKS) सामना सुरु आहे. आयपीएल 2022 मधला हा 60 वा सामना आहे. प्लेऑफमध्ये दाखल होण्यासाठी पंजाब आणि बँगलोर दोन्ही संघांसाठी हा सामना महत्त्वाचा आहे. प्लेऑफमधील (Playoff) आव्हान टिकवून ठेवण्यासाठी पंजाबला आज जिंकावचं लागेल. आरसीबीने हा सामना जिंकला, तर त्यांचा प्लेऑफचा मार्ग थोडा सुकर होईल. पॉइंटस टेबलमध्ये (Points Table) 7 विजयासह आरसीबीचा संघ चौथ्या स्थानावर आहे, तर पंजाब किंग्सचा संघ 5 विजयासह 8 व्या स्थानावर आहे. दोन्ही संघांसाठी आजचा सामना जिंकणं आवश्यक आहे. रॉयल चॅलेंजर्स बँगलोरचा कॅप्टन फाफ डू प्लेसिसने टॉस जिंकून पहिली गोलंदाजी करण्याचा निर्णय घेतला. पंजाब किंग्सकडून शिखर धवन आणि जॉनी बेयरस्टोची जोडी मैदानात उतरली होती.
जॉनी बेयरस्टोने जोश हेझलवुडला कसं धुतलं, ते एकदा इथे क्लिक करुन बघा
नुसता फोर, सिक्सचा पाऊस
जॉनी बेयरस्टोने आज पहिल्या ओव्हरपासून आक्रमक पवित्रा घेतला. आरसीबीकडून ग्लेन मॅक्सवेलने आज गोलंदाजीची सुरुवात केली. बेयरस्टोने मॅक्सवेलच्या पाचव्या चेंडूवर सहज षटकार मारला. त्यानंतर या स्पर्धेत किफायती गोलंदाजी करणाऱ्या जोश हेझलवूडला बेयरस्टोने टार्गेट केलं. बेयरस्टोने हेझलवूडच्या ओव्हरमध्ये दोन चौकार, दोन षटकारांसह 22 धावा लुटल्या. पंजाब किंग्सने सामन्याचं महत्त्व लक्षात घेऊन दमदार फलंदाजी केली.
आज पंजाबला जिंकावच लागेल
पावरप्लेच्या पहिल्या सहा षटकात पंजाब किंग्सने 1 बाद 83 धावा केल्या. बेयरस्टोने 21 चेंडूत अर्धशतक झळकावलं. यात 3 चौकार आणि सात षटकार आहेत. शिखर धवनही दुसऱ्याबाजूने त्याला चांगली साथ देत होता. तो 21 धावांवर मॅक्सवेलच्या गोलंदाजीवर बोल्ड झाला. जॉनी बेयरस्टो 29 चेंडूत 66 धावांवर बाद झाला. शाहबाज अहमदच्या गोलंदाजीवर त्याने मोहम्मद सिराजकडे झेल दिला. दोन्ही संघांमध्ये पहिला सामना हायस्कोरिंग झाला होता. त्यावेळी पंजाबने बँगलोरवर विजय मिळवला होता. बँगलोरने प्रथम फलंदाजी करताना 200 पेक्षा जास्त धावा केल्या होत्या. आजच्या सामन्यात जॉनी बेयरस्टोचं तुफान आलं आहे. त्याला रोखायचं कसं? हाच आरसीबीच्या गोलंदाजांसमोर प्रश्न आहे. त्याने चौकार-षटकारांचा पाऊस पाडला. पंजाबला प्लेऑफमधील आव्हान जिवंत ठेवण्यासाठी आज आपल्या खेळाचा स्तर उंचावावा लागेल. कारण प्लेऑफची शर्यत खूपच रंगतदार आहे. काल एका पराभवाने चेन्नईच स्पर्धेतील आव्हान संपुष्टात आलं.