‘या’ दोन भारतीय गोलंदाजांविरोधात खेळताना घाम फुटायचा, पाकिस्तानच्या दिग्गज खेळाडूची कबुली

माजी भारतीय क्रिकेट संघ

कराची : क्रिकेट म्हटलंकी चुरस, स्पर्धा हे सारकाही आलच. त्यातही क्रिकेट जगतातील सर्वांत कट्टर प्रतिस्पर्धी म्हटलं तर भारत आणि पाकिस्तान (India and Pakistan). या दोन्ही संघातील सामन्यांना अधिक चुरशीचे बनवायचे ते दोन्ही संघाचे एकसे बढकर एक खेळाडू. दोन्ही संघाकडे तगडी फलंदाजी आणि गोलंदाजी होती. भारताचा वीरेंद्र सेहवाग (Virendra Sehwag) जसा पाकिस्तानच्या गोलंदाजाना सळो की पळो करायचा, तसेच दोन भारतीय गोलंदाजाना पाहून पाकिस्तानच्या फलंदाजाना घाम सुटायचा. ही गोष्ट स्वत: पाकिस्तानचा माजी कर्णधार शोएब मलिक (Shoaib Malik) याने मान्य केली आहे. हे दोन गोलंदाज म्हणजे भारतीय वेगवान गोलंदाजीचे माजी दिग्गज झहीर खान (Zaheer Khan) आणि आशिष नेहरा (Ashish Nehra). (Shoaib Malik Tells How Ashish Nehra and Zaheer khan troubled Pakistan Batsmans)

शोएबने क्रिकविकला (Cricwick) दिलेल्या मुलाखतीत सांगितले की, “इरफानने जरी कसोटी सामन्यांत पाकिस्तानविरुद्ध हॅट्रीक घेतली होती. तरी त्याला खेळण आम्हाला तितकं अवघड
नव्हतं. खरी अडचण तर झहीर खान आणि आशिष नेहरा यांच्यामुळे होत. ते दोघेही बॅटच्या किनाऱ्यांना टार्गेट करते ज्यामुळे फलंदाज पटकन बाद होत.”

वेगवान गोलंदाजाची फौज

पूर्वी भारतीय संघ म्हटलं की जास्त मदार ही फलंदाजावरच असायची. त्यात भारतीय गोलंदाजी म्हटलं की फिरकीपटूना अधिक महत्त्व दिल जात. मात्र जवागल श्रीनाथ (Jawahal Shrinath), कपिल देव (Kapil Dev) यांनी रचलेला वेगवान गोलंदाजीचा पाया झहीर, नेहरा यांनी मजबूत केला. सध्याच्या काळात भारताकडे युवा वेगवान गोलंदाजाची फौज आहे. ज्यात जसप्रीत बुमराह (Jasprit Bumrah), मोहम्मद सिराज(Mohammad Siraj), नवदीप सैनी (Navdeep Saini), टी नटराजन (T natrajan) अशा एकापेक्षा एक गोलंदाजाचा समावेश होतो.

हे ही वाचा :

ओव्हरमधला एक बॉल खेळून दाखव, एक बाईक गिफ्ट, शोएब अख्तरचं चॅलेंज, 6 बाईक देण्याची पैज!

भारतीय फलंदाजी ‘या’ खेळाडूमुळे बदलली, सर रिचर्डशीही तुलना, पाकिस्तानच्या माजी खेळाडूकडून कौतुक

ICC Meeting : क्रिकेट इतिहासातील ‘ती’ मोठी स्पर्धा पुन्हा खेळवली जाणार, भारताला पाकिस्तानकडून बदला घेण्याची सुवर्णसंधी

(Shoaib Malik Tells How Ashish Nehra and Zaheer khan troubled Pakistan Batsmans)