SRH vs CSK Live Streaming : हैदराबाद-चेन्नईमध्ये कडवी झुंज, कोण जिंकणार तिसरा सामना?
Sunrisers Hyderabad vs Chennai Super Kings IPL 2026 Live Scorecard : सनरायजर्स हैदराबाद आपल्या घरच्या मैदानात यलो आर्मी अर्थात चेन्नई सुपर किंग्स विरुद्ध 2 हात करणार आहे. दोन्ही संघांमध्ये तिसरा विजय मिळवण्यासाठी रस्सीखेच पाहायला मिळणार आहे.
आयपीएल स्पर्धेच्या 19 व्या मोसमात (IPL 2026) शनिवारी 18 एप्रिलला डबल हेडरमधील दुसऱ्या आणि एकूण 27 व्या सामन्यात सनरायजर्स हैदराबाद विरुद्ध चेन्नई सुपर किंग्स आमनेसामने असणार आहेत. दोन्ही संघांचा हा या 19 व्या पर्वातील सहावा सामना असणार आहे. दोन्ही संघांनी आतापर्यंत 5 पैकी प्रत्येकी 3 सामने गमावले आहेत. तर 2 सामन्यांमध्ये विजय मिळवला आहे. त्यामुळे मोहिमेतील सहाव्या सामन्यात तिसरा सामना जिंकण्यासाठी चेन्नई आणि हैदराबादमध्ये जोरदार चुरस पाहायला मिळणार आहे. इशान किशन याच्याकडे हैदराबादच्या नेतृत्वाची जबाबदारी आहे. तर ऋतुराज गायकवाड सीएसकेचं नेतृत्व करणार आहे. त्यामुळे दोघांपैकी कोणता कॅप्टन आपल्या संघाला विजयी करण्यात यशस्वी ठरतो हे पाहणं महत्त्वाचं ठरणार आहे. या निमित्ताने उभयसंघातील सामन्याची वेळ आणि ठिकाण जाणून घेऊयात.
सनरायजर्स हैदराबाद विरुद्ध चेन्नई सुपर किंग्स सामना कधी?
सनरायजर्स हैदराबाद विरुद्ध चेन्नई सुपर किंग्स सामना शनिवारी 18 एप्रिलला होणार आहे.
सनरायजर्स हैदराबाद विरुद्ध चेन्नई सुपर किंग्स सामना कुठे?
सनरायजर्स हैदराबाद विरुद्ध चेन्नई सुपर किंग्स सामना राजीव गांधी स्टेडियम, हैदराबाद इथे होणार आहे.
सनरायजर्स हैदराबाद विरुद्ध चेन्नई सुपर किंग्स सामन्याला किती वाजता सुरुवात होणार?
सनरायजर्स हैदराबाद विरुद्ध चेन्नई सुपर किंग्स सामन्याला संध्याकाळी 7 वाजून 30 मिनिटांनी सुरुवात होईल. तर 7 वाजता टॉस होईल.
सनरायजर्स हैदराबाद सरस की चेन्नई सुपर किंग्स भारी?
हैदराबाद आणि चेन्नई या दोघांनी एकमेकांविरुद्ध खेळण्याची 23 वी वेळ ठरणार आहे. याआधी उभयसंघात एकूण 22 वेळा आमनासामना झाला आहे. चेन्नई हैदराबाद विरुद्ध सरस असल्याचं आकड्यांवरुन स्पष्ट होतं. चेन्नईने 22 पैकी 15 वेळा हैदराबादचा धुव्वा उडवला आहे. तर हैदराबादला चेन्नई विरुद्ध 7 सामन्यांत विजयी होता आलंय.
पॉइंट्स टेबलमध्ये कोण कुठे?
दरम्यान हैदराबाद आणि चेन्नई दोन्ही संघांनी प्रत्येकी 2 सामने जिंकले असल्याने त्यांच्या खात्यात 4-4 गुण आहेत. मात्र नेट रनरेटच्या फरकामुळे हैदराबाद चेन्नईच्या तुलनेत पॉइंट्स टेबलमध्ये पुढे आहे. हैदराबाद पॉइंट्स टेबलमध्ये पाचव्या स्थानी आहे. हैदराबादचा नेट रनरेट हा +0.576 असा आहे. तर चेन्नई शेवटून तिसऱ्या अर्थात आठव्या क्रमांकावर आहे. चेन्नईचा नेट रनरेट हा 0.846 इतका आहे.
