Rohit Sharma Century : रोहित शर्माचा शतकी तडाखा, पहिल्याच सामन्यात हिटमॅनचा जलवा, गोलंदाजांना झोडला
Mumbai vs Sikkim Rohit Sharma VHT : टीम इंडियाचा माजी कर्णधार रोहित शर्मा याने विजय हजारे ट्रॉफी स्पर्धेत 7 वर्षांनी दणक्यात कमबॅक केलंय. रोहितने सिक्कीम विरुद्ध तडाखेदार शतक झळकावलं आहे.
टीम इंडियाचा अनुभवी फलंदाज आणि माजी कर्णधार रोहित शर्मा (Rohit Sharma) याने अनेक वर्षांनंतर विजय हजारे ट्रॉफी स्पर्धेत (Vijay Hazare Trophy 2025-2026) दणक्यात कमबॅक केलंय. रोहितने सिक्कीम विरुद्ध झंझावाती शतक झळकावलं आहे. मुंबई विरुद्ध सिक्कीम (Mumbai vs Sikkim) यांच्यातील सामना हा जयपूरमधील सवाई मानसिंह स्टेडियममध्ये खेळवण्यात येत आहे. रोहितने या स्टेडियममध्ये विजयी धावांचा पाठलाग करताना ही खेळी साकारली आहे. रोहितने फटकेबाजीनेच सुरुवात करत प्रत्येक गोलंदाजाचा पद्धतशीर समाचार घेतला आणि धावा केल्या. रोहितची बॅटिंग पाहण्यासाठी चाहत्यांनी स्टेडियममध्ये एकच गर्दी केलीय. मात्र सामना लाईव्ह दाखवण्यात येत नसल्याने चाहत्यांनी निराशा झालीय.
सलामी जोडीचा धमाका, मुंबईची स्फोटक सुरुवात
सिक्कीमने मुंबईसमोर 237 धावांचं आव्हान ठेवलं. मुंबईकडून या धावांचा पाठलाग करताना रोहित आणि अंगक्रिष रघुवंशी ही सलामी जोडी मैदानात आली. रोहितने सुरुवातीपासूनच आक्रमक पवित्रा घेतला. रोहित सिक्कीमच्या गोलंदाजांवर बॅटने तुटून पडला. तर अंगक्रिषने सातत्याने एकेरी धावा घेत रोहितला स्ट्राईक दिली. रोहितने अवघ्या 28 चेंडूत अर्धशतक पूर्ण केलं.
हिटमॅन रोहितचा शतकी तडाखा
रोहितने अर्धशतकानंतर अशीच फटकेबाजी सुरु ठेवली. रोहित आणि अंगक्रिषने सलामी शतकी भागीदारी केली. रोहित शतकाच्या उंबरठ्यावर असतानाच अंगक्रिष आऊट झाला. या दोघांनी 118 बॉलमध्ये 141 रन्सची पार्टनरशीप केली. अंगक्रिषने 58 बॉलमध्ये 38 रन्स केल्या.
अंगक्रिषनंतर डेब्यूटंट मुशीर खान मैदानात आला. त्यानंतर रोहितने शतक पूर्ण केलं. रोहितने शतकापर्यंत पोहचण्यासाठी 62 चेंडुंचा सामना केला. रोहितने या खेळीत 8 षटकार आणि 8 चौकार लगावले. रोहितने 162 च्या स्ट्राईक रेटने हे शतक पूर्ण केलं. रोहितच्या लिस्ट ए क्रिकेटमधील 37 वं शतक ठरलं.
रोहितची चाबूक खेळी
🚨 HUNDRED BY ROHIT SHARMA. 🚨
– A 62 ball century by the Hitman in the Vijay Hazare Trophy with 8 fours and 8 sixes.
THE NO.1 RANKED ODI BATTER AT THE AGE OF 38 IS SIMPLY DOMINATING…!!! 🇮🇳 pic.twitter.com/o6Jm1skEGI
— Mufaddal Vohra (@mufaddal_vohra) December 24, 2025
रोहितमुळे न्यूझीलंडला टेन्शन
दरम्यान रोहितच्या या शतकी तडाख्यामुळे न्यूझीलंडचं टेन्शन वाढलं आहे. टीम इंडिया नववर्षात आणि मायदेशात न्यूझीलंड विरुद्ध 11 जानेवारीपासून 3 सामन्यांची एकदिवसीय मालिका खेळणार आहे. रोहितची कामगिरी पाहता चाहत्यांना न्यूझीलंड विरुद्धही त्याच्याकडून अशाच कामगिरीची आशा असणार आहे. त्यामुळे रोहित शर्मा याने न्यूझीलंड विरुद्धही याच खेळीचा एक्शन रिप्ले दाखवावा, अशी आशा चाहत्यांना आहे.
