India vs Afghanistan 2nd T20 : मोठी खुशखबर! भारत-अफगाणिस्तानचा दुसरा टी-20 पाहण्यासाठी FanCodeचं सबस्क्रिप्शन नको; ‘इथे’ पाहा फुकटात

भारत आणि अफगाणिस्तान यांच्यात 3 सामन्यांची टी-20 मालिका सुरू आहे. मालिकेतील पहिल्या सामन्यात भारतीय संघाने अफगाणिस्तानचा 7 विकेट्सनी पराभव करत मालिकेत 1-0 अशी आघाडी घेतली. आता दोन्ही संघ दुसऱ्या टी-20 सामन्यासाठी सज्ज झाले आहेत. भारत आणि अफगाणिस्तान यांच्यातील दुसरा टी-20 सामना 15 सप्टेंबर रोजी दिल्लीतील अरुण जेटली स्टेडियमवर खेळवला जाणार आहे. सामन्याला संध्याकाळी 7.30 वाजता सुरुवात होईल, तर नाणेफेक 7 वाजता होणार आहे.

भारत-अफगाणिस्तान दुसरा टी-20 कुठे पाहता येणार?

दुसऱ्या टी-20 सामन्याचे थेट प्रक्षेपण सोनी स्पोर्ट्स नेटवर्कवर केले जाणार आहे. सोनी स्पोर्ट्स 3 वर हिंदीमध्ये, तर सोनी स्पोर्ट्स 1 वर इंग्रजीमध्ये सामना पाहता येईल. मात्र, टीव्हीवर सामना पाहण्यासाठी संबंधित चॅनेलचे सब्सक्रिप्शन आवश्यक असेल. ऑनलाइन सामन्याचे लाइव्ह स्ट्रीमिंग फॅनकोडवर केले जाणार आहे. त्यामुळे मोबाइल किंवा इतर डिव्हाइसवरून सामना पाहण्यासाठी चाहत्यांना पैसे मोजावे लागू शकतात.

फ्रीमध्ये सामना कुठे पाहता येणार?

फॅनकोडचे सब्सक्रिप्शन घ्यायचे नसेल, तर चाहत्यांसाठी पर्याय उपलब्ध आहे. भारत-अफगाणिस्तान दुसरा टी-20 सामना डीडी स्पोर्ट्सवर मोफत पाहता येणार आहे. फ्री डिशच्या माध्यमातून कोणतेही अतिरिक्त सब्सक्रिप्शन न घेता चाहत्यांना सामन्याचा आनंद घेता येईल. मालिकेतील पहिला सामना डीडी भारतीवर दाखवण्यात आला होता. याआधी महिला आशिया कप 2026च्या अंतिम सामन्याचे प्रक्षेपणही डीडी स्पोर्ट्सवर करण्यात आले होते.

टीम इंडिया संघ

श्रेयस अय्यर (कर्णधार), तिलक वर्मा, वैभव सूर्यवंशी, अभिषेक शर्मा, शिवम दुबे, नितीश कुमार रेड्डी, वॉशिंग्टन सुंदर, अक्षर पटेल, संजू सॅमसन (यष्टीरक्षक), इशान किशन (यष्टीरक्षक), वरुण चक्रवर्ती, रवी बिश्नोई, अर्शदीप सिंग, जसप्रीत बुमराह, यश ठाकूर.

अफगाणिस्तान संघ

इब्राहिम झद्रान (कर्णधार), रहमानउल्ला गुरबाज (यष्टीरक्षक), नूर रहमान (यष्टीरक्षक), सेदीकुल्ला अटल, दरविश रसूली, अजमतुल्ला उमरझाई, गुलबदिन नायब, मोहम्मद नबी, रशीद खान, नांग्याल खरोती, नूर अहमद, मुजीब उर रहमान, फजलहक फारुकी, अब्दुल्ला अहमदझाई, नवीन उल हक.