Ind vs Pak, Asian Games 2026 Final Live: भारताने जिंकलं गोल्ड मेडल, पोरांनी पाकिस्तानला दिला पराभवाचा झटका

भारतीय संघाने आशियाई क्रीडा स्पर्धेत पाकिस्तानला फायनल सामन्यात पराभवाताचा झटका दिला. यासोबत भारताने सुवर्णपदक जिंकले.

पाकिस्तानला चौथा झटका भारतीय संघाने दिला आहे. साईम आयुब २९ धावा करुन बाद झाला. शिवम दुबेने त्याला बाद केले तर वॉशिंग्टन सुंदरने त्याचा कॅच पकडला.

हसन नवाझने रवी बिश्नोईच्या गोलंदाजीवर १३ व्या षटकाच्या दुसऱ्या चेंडूवर षटकार मारून पाकिस्तानला १०० धावांच्या पुढे नेले. १३ षटकांनंतर पाकिस्तानची धावसंख्या ११७/३ असून, विजयासाठी त्यांना ४२ चेंडूंमध्ये ९५ धावांची गरज आहे. बिश्नोईच्या १३ व्या षटकात एकूण २० धावा निघाल्या.

पाकिस्तानने ५० धावांचा टप्पा पूर्ण केला आहे. तीन विकेट गमावून पाकिस्तानने ५० धावांचा टप्पा ओलांडला आहे. एक विकेट तर त्यात कर्णधाराचीच आहे.

पाकिस्तानला अक्षर पटेलने तिसरा धक्का दिला. माझ सदाकतला २३ धावांवर बाद केले. वॉशिंग्टन सुंदरने एक अप्रतिम कॅच पकडला.

भारतीय संघाने पाकिस्तानला दुसरा झटका दिला आहे. उस्मान खानला फक्त तीन धावा करता आल्या. शिवम दुबेने त्याला बाद केले.

पाकिस्तानच्या संघाला मोठा धक्का भारतीय संघाने दिला आहे. १० धावा करुन कर्णधार फरहान बाद झाला. अक्षर पटेलने त्याला बाद केले.

दोन षटकांच्या अखेरीस पाकिस्तानची धावसंख्या २१/० आहे. जसप्रीत बुमराहने पहिल्या षटकात ११ धावा दिल्या, तर अक्षर पटेलने दुसऱ्या षटकात १० धावा दिल्या.

पाकिस्तानचा संघ आता फलंदाजीसाठी मैदानात उतरला आहे. तर भारताकडून पहिली ओव्हर ही जसप्रीत बुमराहने टाकली आहे.

भारतीय संघाने आता २११ धावांचा डोंगर उभारला आहे. आता पाकिस्तानाला सुवर्णपदक जिंकायचे असेल तर २१२ धावा कराव्या लागतील. सहा विकेट गमावून भारतीय संघाने २० ओव्हरमध्ये २११ धावा केल्या.

भारतीय संघाच्या १५० धावा पूर्ण झाल्या आहेत. भारतीय संघाने पाच विकेट गमावून १५० धावा पूर्ण केल्या आहेत. आता केवळ तीन ओव्हर उरल्या आहेत.

अब्रार अहमदने श्रेयस अय्यरला बाद केले. पाकिस्तानच्या कर्णधाराने ‘एक्स्ट्रा कव्हर’वर एक उत्कृष्ट झेल टिपला! अय्यरने फटका मारण्यासाठी थोडी मोकळी जागा निर्माण केली आणि चेंडू क्षेत्ररक्षकाच्या डोक्यावरून खेळण्याचा प्रयत्न केला, पण चेंडूला पुरेशी उंची मिळाली नाही. फरहानने हा झेल अतिशय सहजतेने घेतल्याचे दिसले असले तरी, तो एक उत्तम झेल होता.

भारतीय संघाला सर्वात मोठा धक्का बसला आहे. कर्णधार श्रेयस अय्यर बाद झाला आहे. श्रेयसला फक्त २१ धावा करता आल्या.

अराफत मिन्हासच्या चेंडूवर ईशान किशन बाद झाला. मोकीमने त्याला क्लीन बोल्ड केले! चेंडूने थोडा वळण (टर्न) घेत आतल्या दिशेने वेगाने येऊन ‘ऑफ स्टंप’चा वरचा भाग उडवला. किशनने ‘ऑन-साइड’ला चेंडू ढकलण्याचा प्रयत्न केला, पण शेवटी तो बाद झाला.

भारतीय संघाने आपली चौथी विकेट गमावली आहे. इशान किशन केवळ २० धावा करुन बाद झाला. भारतीय संघ लवकरच १५० धावांचा टप्पा पूर्ण करेल.

भारतीय संघाने तीन विकेट गमावून १०० धावांचा टप्पा ओलांडला आहे. यात एकट्या अभिषेक शर्मानेच ६१ धावा केल्या होत्या.

अराफत मिन्हासने टाकलेल्या चेंडूवर अभिषेक पुन्हा एकदा पुढे सरसावला, पण यावेळी चेंडू थोडा खाली राहिला आणि त्याच्या बॅटच्या खालून निसटला. मोठा फटका मारण्याच्या तयारीत असल्याने त्याला सावरण्यासाठी अजिबात वेळ मिळाला नाही. चेंडूची हा कमी उसळी घेणारा टप्पा उस्मानलाही चकवणार होता, पण त्याने ताब्यात घेतला आणि स्टम्पिंग पूर्ण केले.

भारतीय संघाने तिसरी विकेट गमावली आहे. अभिषेक शर्मान आपले अर्धशतक पूर्ण केले आणि नंतर बाद झाला. तो ६१ धावांवर बाद झाला.

अभिषेक शर्माच्या ५० धावा पूर्ण झाल्या आहेत.अभिषेकने अवघ्या २० चेंडूंमध्ये अर्धशतक पूर्ण केले आहे. भारताने आतापर्यंत दोन विकेट गमावल्या आहेत.

अहमद दानियालच्या षटकात ‘हार्ड लेंथ’चा चेंडू थोडा आखूड टप्प्यावर (शॉर्टर लेंथवर) पडला आणि ‘पुल’ शॉट खेळताना सॅमसनला अडचणीत आला. चेंडू बॅटच्या वरच्या भागाला लागून हवेत उडाला आणि थेट ‘मिड-ऑन’च्या हातात गेला.

भारतीय संघाला दुसरा मोठा धक्का बसला आहे. संजू सॅमसन अवघ्या दोन धावांवर बाद झाला. भारतीय संघाने ५० धावांचा टप्पा ओलांडला आहे.

सैम अयूबच्या पहिल्याच षटकाच्या पहिल्याच चेंडूवर वैभवने ‘रिव्हर्स स्वीप’चा प्रयत्न केला पण हा फटका तो फारसा खेळत नाही. चेंडूचा टप्पाही योग्य होता, ऑफ-स्टंपच्या बाहेर पम चेंडूला थोडा अतिरिक्त उसळी मिळाली आणि तो बॅटऐवजी ग्लोव्हजला लागून यष्टिरक्षकाच्या हातात गेला; त्यामुळे त्याला आता माघारी परतावे लागत आहे.

भारताने आपली पहिली विकेट गमावली आहे, वैभव सूर्यवंशीच्या रुपाने भारताला सर्वात मोठा धक्का बसला आहे. वैभव सूर्यवंशी फक्त १५ धावा करुन बाद झाला.

फायनलच्या थरारला सुरुवात झाली आहे. वैभव सूर्यवंशी आणि अभिषेक शर्मा सलामीसाठी मैदानात उतरले आहेत. हे दोन्ही फलंदाज डावखुरे आहेत, त्यामुळे पाकिस्तानला सुरुवातीलाच साईम अयूबच्या ऑफ-स्पिन गोलंदाजीचा वापर करण्याची संधी मिळाली आहे.

आता राष्ट्रगीत सुरु असून दोन्ही संघ राष्ट्रगीतासाठी थांबले आहेत, त्यानंतर सामन्याला सुरुवात होईल. दोन्ही संघ सुवर्णपदकासाठी खेळत आहेत.

उपांत्य फेरीत श्रीलंकेचा धुव्वा उडवणाऱ्या भारतीय संघात कोणताही बदल न करताच भारत हा सामना खेळणार आहे. पाकिस्तानच्या संघात मात्र एक बदल करण्यात आला असून, मोहम्मद वसीम ज्युनियरच्या जागी साद मसूदचा समावेश करण्यात आला आहे.

पाकिस्तानचा संघ : साहिबजादा फरहान (कर्णधार), माझ सदाकत, उस्मान खान (विकेटकीपर), सैम अयुब, हसन नवाज, अब्दुल समद, अराफत मिन्हास, अहमद दानियाल, मोहम्मद वसीम जूनियर, अबरार अहमद, सुफियान मोकीम

भारताने नाणेफेक जिंकून अंतिम सामन्यात प्रथम फलंदाजी करण्याचा निर्णय घेतला. कर्णधार श्रेयस अय्यर आणि साहिबजादा फरहानने हस्तांदोलन केले नाही. भारताने आपल्या अंतिम ११ खेळाडूंमध्ये कोणतेही मोठे बदल केले नाहीत.

सेमीफायनलमध्ये भारताची श्रीलंकेविरुद्ध जशी प्लेइंग इलेव्हन होती तशीच प्लेइंग इलेव्हनही पाकिस्तानच्या संघाविरुद्ध आहे. एकही बदल झालेला नाही.

पाकिस्तानविरुद्ध भारताचा संघ: वैभव सूर्यवंशी, अभिषेक शर्मा, संजू सॅमसन (विकेटकीपर), श्रेयस अय्यर (कर्णधार), इशान किशन, तिलक वर्मा, शिवम दुबे, अक्षर पटेल, वॉशिंग्टन सुंदर, रवी बिश्नोई, जसप्रीत बुमराह

भारत पाकिस्तान सामन्याचे नाणेफेक पार पडले असून हे नाणेफेक हे भारतीय संघाने जिंकले आहे, आणि प्रथम बॅटिंग करण्याचा निर्णय घेतला आहे.

हा सामना भारताचे हंगामी मुख्य प्रशिक्षक व्हीव्हीएस लक्ष्मण आणि कर्णधार श्रेयस अय्यर यांच्यासाठी आव्हानात्मक असेल. पाकिस्तानचे नेतृत्व साहिबजादा फरहान करत असून, त्यांच्या संघात पीएसएलमध्ये चांगली कामगिरी केलेले अनेक खेळाडू आहेत. भारतीय संघाप्रमाणे पाकिस्तानकडे आंतरराष्ट्रीय स्टार खेळाडूंनी भरलेला मजबूत संघ नाही. भारताने या स्पर्धेत आपला मुख्य संघ पाठवला असून, जसप्रीत बुमराहसारखे अनुभवी वेगवान गोलंदाजही संघात आहेत. त्यामुळे, भारतीय संघाच्या सुवर्णपदक जिंकण्याची शक्यता जास्त आहे. लक्ष्मण आणि अय्यर यांना माहित आहे की, या सामन्यात सुवर्णपदक जिंकले तरी त्यांना फारशी प्रशंसा मिळणार नाही, पण एका तरुण पाकिस्तानी संघाविरुद्ध रौप्यपदकावर समाधान मानणे त्यांना मान्य होणार नाही.

गेल्या वर्षीपासून, ‘ऑपरेशन सिंदूर’नंतर, भारतीय खेळाडूंनी आशिया कप आणि आयसीसी स्पर्धांमध्ये पाकिस्तानी खेळाडूंशी हस्तांदोलन करणे टाळले आहे. आशियाई खेळांच्या अंतिम सामन्यांपूर्वी किंवा नंतर खेळाडू हस्तांदोलन करतील याची शक्यता खूपच कमी आहे. तथापि, सध्याच्या आशियाई खेळांमध्ये, व्हॉलीबॉल, टेबल टेनिस आणि हॉकीमधील सामन्यांनंतर भारतीय आणि पाकिस्तानी खेळाडू हस्तांदोलन करताना आणि एकमेकांना मिठी मारताना दिसले आहेत.

फायनल सामन्यात आता प्लेइंग इलेव्हनमध्ये कोणाला संधी मिळेल याकडे सर्वांचे लक्ष लागून आहे. वैभव सूर्यवंशीला संधी मिळते की नाही यावर विशेष लक्ष असणार आहे.

भारत आणि पाकिस्तान यांच्यात फायनल सामना लवकरच सुरु होणार आहे. या सामन्याचे नाणेफेक हे 9:30 वाजता होणार आहे.