IND vs PAK: भारत आणि पाक आमने सामने, महामुकाबला कधी, कुठे आणि किती वाजता रंगणार?
भारत आणि पाकिस्तान यांच्यात सामना रंगणार आहे. भारत आणि पाकिस्तान सामन्याची भलतीच चर्चा असते. आता दोन कट्टर शत्रू एकमेकांसमोर येणार म्हणजे चाहत्यांसाठी पर्वणी ठरणार आहे.
भारत आणि पाकिस्तान यांच्यातील सामना म्हटलं की चाहत्यांची पर्वणीच असते. आता भारत आणि पाकिस्तान यांच्यात सामना रंगणार आहे. भारत पाकिस्तान सामन्याचा एक कट्टर चाहतावर्ग आहे, भारत पाकिस्तान सामन्याची फक्त भारत आणि पाकिस्तान यांच्यात चर्चा नसतात तर जगभरात चर्चा असतात. जागतिक हॉकीच्या सर्वात मोठ्या आणि रोमांचक मंचावर भारत पाक पुन्हा एकदा आमनेसामने येणार आहेत. 19 ऑगस्ट ही क्रीडा चाहत्यांसाठी एक खास तारीख असेल, कारण हे दोन कट्टर प्रतिस्पर्धी एफआयएच पुरुष हॉकी विश्वचषक 2026 मध्ये आमनेसामने येणार आहेत. या महासंग्रामाच्या अपेक्षेच्या पार्श्वभूमीवर, पाकिस्तान हॉकी फेडरेशनने 5 ऑगस्ट रोजी अधिकृतपणे आपला 20 सदस्यीय संघ आणि उच्च-स्तरीय आंतरराष्ट्रीय व्यवस्थापन स्टाफची घोषणा केली.
भारत आणि पाकिस्तान यांच्यातील या विश्वचषक सामन्याने जगभरातील हॉकी चाहत्यांमध्ये प्रचंड उत्साह निर्माण केला आहे. हा सामना रात्री 10.00 वाजता पाहता येईल. जिओ हॉस्टस्टार आणि स्टार स्पोटर्स नेटवर्कवर पाहता येणार, आंतरराष्ट्रीय हॉकीमधील भारत आणि पाकिस्तानचा इतिहास नेहमीच थरार आणि उच्च-व्होल्टेज नाट्यमयतेने भरलेला राहिला आहे. यावेळी, नेदरलँड्स आणि बेल्जियम यांच्या संयुक्त विद्यमाने 15 ते 30 ऑगस्ट दरम्यान आयोजित या प्रतिष्ठित स्पर्धेत, पाकिस्तान भारताला कडवी झुंज देण्याचा प्रयत्न करेल. या मोठ्या स्पर्धेसाठी पात्र ठरल्यामुळे, पाकिस्तान पुन्हा एकदा आपला सुवर्ण वारसा पुनरुज्जीवित करण्यावर लक्ष केंद्रित करत आहे.
आंतरराष्ट्रीय हॉकी महासंघाने या विश्वचषकासाठी भारत आणि पाकिस्तानला ‘पूल डी’ या एकाच गटात ठेवले आहे. हा गट स्पर्धेतील सर्वात कठीण आणि स्पर्धात्मक मानला जातो. भारत आणि पाकिस्तान व्यतिरिक्त, पूल डी मध्ये इंग्लंड आणि वेल्स या दोन युरोपीय बलाढ्य संघांचाही समावेश आहे. परिणामी, उपांत्य फेरी आणि बाद फेरीमध्ये स्थान मिळवण्यासाठी प्रत्येक सामना महत्त्वाचा ठरेल. पाकिस्तान हॉकी संघ आपल्या विश्वचषक मोहिमेची सुरुवात 15 ऑगस्ट रोजी नेदरलँड्समधील सुंदर शहर अॅमस्टेलवीन येथे इंग्लंडविरुद्ध करेल. इंग्लंडच्या मजबूत बचावाविरुद्धचा पहिला सामना पाकिस्तानच्या मोहिमेची दिशा ठरवेल. अवघ्या दोन दिवसांनंतर, 17 ऑगस्ट रोजी, पाकिस्तानचा सामना वेल्सशी होईल, जिथे संघ विजय मिळवून आपला दावा अधिक मजबूत करण्याचा प्रयत्न करेल. त्यानंतर, 19 ऑगस्ट रोजी भारताविरुद्ध खेळणार आहे.
