LS Election 2024 Phase 2 Voting : लोकसभा निवडणुकीसंदर्भात सुनील गावस्करांच भाष्य, म्हणाले…VIDEO व्हायरल
LS Election 2024 Phase 2 Voting : SRH vs RCB मॅच दरम्यान दिग्गज क्रिकेटपटू सुनील गावस्कर यांनी लोकसभा निवडणुकीसंदर्भात भाष्य केलं. निवडणूक आयोगाने लगेच त्यांच्या वक्तव्याची दखल घेतली. निवडणूक आयोगानेच स्वत: हा VIDEO शेअर केलाय.
IPL 2024, Lok Sabha Election 2024 Phase 2 Voting : देशात एकाबाजूला इंडियन प्रीमियर लीगचे सामने सुरु आहेत, तर दुसऱ्याबाजूला लोकसभा निवडणुका सुरु आहेत. आज 26 एप्रिलला दुसऱ्या टप्प्यासाठी मतदान सुरु आहे. या निवडणुकीच्या रणधुमाळीत रॉयल चॅलेंजर्स बंगळुरु आणि सनरायजर्स हैदराबादमध्ये सामना झाला. RCB आणि SRH मध्ये हैदराबादला हा सामना खेळला गेला. RCB ने 35 धावांनी ही मॅच जिंकली. 1983 च्या वर्ल्ड कप विजेत्या संघातील दिग्गज खेळाडू सुनील गावस्कर यांनी नागरिकांना मतदान करण्याच आवाहन केलं आहे. सुनील गावस्कर यांचा हा व्हिडिओ निवडणूक आयोगाने X वर शेअर केला आहे. ज्यात, गावस्कर RCB विरुद्ध SRH मॅचमध्ये कॉमेंट्री करताना नागरिकांना मतदानाच आवाहन करतात. लोकांनी या व्हिडिओवर आपल्या प्रतिक्रिया सुद्धा दिल्या आहेत.
“निवडणुका या लोकशाहीमधला मोठा उत्सव असून भारताचे लोक आपल्या लोकशाही अधिकाराच्या वापरासाठी तयार आहेत” असं सुनील गावस्कर यांनी म्हटलं आहे. भारतात आज 13 राज्य आणि केंद्र शासित प्रदेश मिळून 88 लोकसभा मतदारसंघात मतदान होत आहे. आसाम, बिहार, छत्तीसगड, महाराष्ट्र, जम्मू-काश्मीर, कर्नाटक, केरळ, मणिपूर, मध्य प्रदेश, राजस्थान, त्रिपुरा, उत्तर प्रदेश, पश्चिम बंगाल या भागात मतदानाला सुरुवात झाली आहे.
दुसऱ्या टप्प्यात एकूण किती कोटी मतदार?
या टप्प्यात राहुल गांधी आणि हेमा मालिनी यांच्यासह अनेक दिग्गज राजकीय नेत्यांची प्रतिष्ठा पणाला लागली आहे. एकूण 16 कोटी मतदारांसाठी 1 लाख 67 हजार मतदान केंद्र बनवली आहेत. पहिल्या टप्प्यात 102 जागांसाठी 19 एप्रिलला मतदान झालं होतं. सातव्या आणि अंतिम टप्पा 1 जूनला पार पडेल. 4 जूनला मतमोजणी आणि निकाल येईल.
Exercise your right and cast your vote ! Tune in to Sunil Gavaskar’s voting appeal during #IPL match.#ChunavKaParv #DeshKaGarv #GeneralElections2024 pic.twitter.com/HWVyOG8fLI
— Election Commission of India (@ECISVEEP) April 25, 2024
देशात आज कुठे मतदान होतय?
आज केरळमधील सर्व 20 जागा कर्नाटकमध्ये 14, राजस्थानमध्ये 13, उत्तर प्रदेश आणि महाराष्ट्रात प्रत्येकी 8-8, मध्य प्रदेशात 6, आसाम आणि बिहारमध्ये 5-5, पश्चिम बंगाल आणि छत्तीसगढमध्ये 3-3, त्रिपुरात 1 आणि जम्मू-कश्मीरमध्ये लोकसभेच्या दोन जागांसाठी मतदान होत आहे.