FIFA 2026: फक्त 10 खेळाडूंसह अमेरिकेने मिळवला विजय, गोल करणाऱ्या खेळाडूवर एका सामन्याची बंदी
फिफा वर्ल्डकप 2026 स्पर्धेत अमेरिकेने जबरदस्त कामगिरी केली आहे. या स्पर्थेत राउंड ऑफ 32 मध्ये बोस्निया हर्जेगोविनाला 2-0 ने मात दिली. तसेच राउंड ऑफ 16 चं तिकीट पक्कं केलं. मात्र या सामन्यानंतर अमेरिकन संघाला मोठा धक्का बसला आहे.
USA vs Bosnia and Herzegovina, FIFA World Cup: फिफा वर्ल्डकप स्पर्धेच्या यजमान देशांमध्ये अमेरिकाही आहे. असं असताना अमेरिकन संघाने या स्पर्धेत आपली चमकही दाखवली आहे. राउंड ऑफ 32 या बाद फेरीच्या सामन्यात अमेरिकेवर प्रचंड दबाव होता. मात्र त्या दबावाला झुगारून बोस्निया-ह्रर्जेगोविना संघाला 2-0 ने मात दिली. 2 जुलैला कॅलिफॉर्नियाच्या लेव्हिस स्टेडियममध्ये रंगलेल्या या सामन्यात अमेरिकन संघाने शेवटची 26 मिनिटे 10 खेळाडूंसह खेळले. असं असूनही विजय मिळवला. फिफा वर्ल्डकप स्पर्धेच्या इतिहासात अमेरिकेने दुसऱ्यांचा बाद फेरीचा सामना जिंकला आहे. या विजयात मोलाचा हातभार लागला तो फोलारिन बालोगुन आणि मलिक टिलमॅन याचा… या दोघांच्या गोलमुळे अमेरिकेने राउंड ऑफ 16 मध्ये तिकीट मिळवलं आहे. अमेरिकेचा पुढचा सामना बेल्जियमशी होणार आहे. पण या सामन्यात गोल करणारा खेळाडू खेळू शकणार नाही.
अमेरिकेकडून दणादण दोन गोल
फिफा स्पर्धेत अमेरिकेचा फॉरवर्ड फोलारिन बालोगुन पहिल्या हाफमध्ये दमदार खेळला. या सामन्याच्या 31 व्या मिनिटाला त्याने गोल मारला आणि आघाडी मिळवून दिली. पण रेफरीने ऑफसाइड दिला आणि गोलचं स्वप्न भंगलं. पण ही निराशा फार काळ टिकली नाही. या सामन्याच्या 45व्या मिनिटाला त्याने पुन्हा गोल मारला. पहिल्या हाफमध्ये 1 गोलची आघाडी घेतली. मात्र दुसऱ्या हाफमध्ये अमेरिकेला धक्का बसला. बोस्नियाचा फुटबॉलपटू मुहारेमोविक यांच्या पायावर पाय दिल्याने रेफरीने बालोगुनला रेड कार्ड दाखवलं. त्यामुळे शेवटची 26 मिनिटे अमेरिका 10 खेळाडूंसह खेळली.
अमेरिका दहा खेळाडूंसह शेवटच्या टप्प्यात खेळत होती. मात्र या बोस्नियाला काही बरोबरी साधता आली नाही. या सामन्याच्या 82व्या मिनिटला फ्रि किक मिळाली. यानंतर मलिक टिलमॅनने गोल मारला. यासह अमेरिकेला 2-0 ने आघाडी मिळाली. सामना संपेपर्यंत ही आघाडी कायम राहिली. शेवटची शिटी वाजली आणि अमेरिकेने विजयी जल्लोष केला.
रेड कार्ड मिळाल्याने बालोगुनला बेल्जियमविरुद्धच्या सामन्यात खेळता येणार नाही. यासह वर्ल्डकप इतिहासात रेड कार्ड मिळवणारा अमेरिकेचा पाचवा खेळाडू ठरला. एरिक वायनाल्डा (1990), फर्नांडो क्लाविजो (1994), पाब्लो मास्ट्रोनी (2006) आणि एडी पोप (2006) असे रेडकार्ड मिळाले आहेत.
