Tokyo Olympics साठी मेरी कोमने कसली कंबर, भारतात नाही तर ‘या’ देशात करणार सराव, वाचा कारण काय?
भारताची बॉक्सिंग चॅम्पियन मेरी कोम टोक्यो ऑलम्पिकसाठी सज्ज झाली असून तिने कसून सराव करण्यास सुरुवात केली आहे. पण सरावासाछी तिने भारत नाही तर वेगळा देश निवडला आहे त्याचं कारणही वेगळं आहे.
नवी दिल्ली : टोक्यो ऑलम्पिक 2021 (Tokyo Olympics 2021) अवघ्या काही दिवसांवर येऊन ठेपली आहे. सर्व देशांतील खेळाडू या महत्त्वाच्या स्पर्धेसाठी तयारी करत आहेत. विविध देशांमध्ये ऑलिम्पिकसाठी पात्रता फेऱ्याही सुरु आहेत. भारतातही ऑलिम्पिकमध्ये खेळण्यासाठी खेळाडू कसून सराव करत आहेत. दरम्यान भारताला पदक मिळवून देण्याची सर्वांत जास्त आशा असणाऱ्या बॉक्सिंग चॅम्पियन एमसी मेरी कोमने (MC Marykom) देखील तयारीला सुरुवात केली आहे. (For Tokyo Olympics 2021 MC Mary Kom Will Practice in Italy Instead of India)
लंडन ऑलिम्पिकमध्ये कांस्य पदक विजेता मेरी कोम सध्यातरी पुण्याच्या सेना खेल संस्थानात सराव करत आहे. मागील वर्षी कोरोनामुळे स्थगित करण्यात आलेली टोक्यो ऑलिम्पिक यंदा पार पडणार असल्याने मेरीने या स्पर्धेसाठी संपूर्ण तयारी केली असून लवकरच ती सरावासाठी इटलीला रवाना होणार आहे.
कार्यक्रमात बदल
मेरी कोमने पीटीआयला दिलेल्या माहितीत सांगितले की, ‘‘मी ऑलिम्पिकला रवाना होण्याच्या कार्यक्रमात काहीसा बदल केला आहे. मी भारतातून थेट टोक्योला जाणार नसून आधी इटलीला रवाना होऊन तेथे सराव केल्यानंतर ऑलिम्पिकसाठी रवाना होणार आहे. भारतातून गेल्यानंतर विलगीकरणात राहावे लागते ज्यामुळे सरावाची लय तुटेल आणि तोटा होईल या कारणाने मी आधी इटलीला सराव करणार आहे. ’’
सोबत असणार प्रशिक्षक आणि फिजियो
मेरी कोमसोबत तिचे खाजगी प्रशिक्षक छोटे लाल यादव आणि फिजियो देखील असणार आहेत. दरम्यान जपान सरकारने भारतीय खेळाडू आणि अधिकारी जे ऑलिम्पिकसाठी टोक्योला येणार आहेत, त्यांना एकआठवड्याभरापासून दररोज कोविड-19 टेस्ट करण्याची सूचना दिली आहे. तसेच टोक्योत आगमनानंतरही विलगीकरणात राहण्याचे संदेश दिले आहेत. भारतासह अन्य 10 देशांसाठी असे कडक नियम लागू करण्यात आले आहे.
हे ही वाचा :
Tokyo Olympics पूर्वी भारताला झटका, सर्वोत्कृष्ट धावपटूला दुखापत
Photo : टोक्यो ऑलिम्पिक 2021 मधून ‘या’ दिग्गज टेनिसपटूंची माघार, प्रत्येकाची कारण वेगवेगळी
(For Tokyo Olympics 2021 MC Mary Kom Will Practice in Italy Instead of India)
