AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

अखेर पैलवान आखाड्यात चितपट, बृजभूषण सिंह यांच्यावर मोठी कारवाई; 7 तासाच्या बैठकीत काय घडलं?

गेल्या तीन दिवसांपासून खेळाडू धरणे आंदोलन करत होते. दिल्लीच्या जंतरमंतरवर ही धरणे आंदोलने सुरू होती. बुधवारी कुस्तीपटू विनेश फोगाट, बजरंग पुनिया, साक्षी मलिकसहीत 30 कुस्तीपटू धरणे आंदोलनाला बसले होते.

अखेर पैलवान आखाड्यात चितपट, बृजभूषण सिंह यांच्यावर मोठी कारवाई; 7 तासाच्या बैठकीत काय घडलं?
Brij Bhushan Sharan SinghImage Credit source: ani
| Updated on: Jan 21, 2023 | 7:22 AM
Share

नवी दिल्ली: लैंगिक शोषणाच्या आरोपामुळे अडचणीत आलेल्या खासदार आणि भारतीय कुस्ती महासंघाचे अध्यक्ष बृजभूषण शरण सिंह यांना मोठा दणका बसला आहे. तब्बल सात तासाच्या बैठकीनंतर अखेर बृजभूषण शरण सिंह यांना भारतीय कुस्ती महासंघाच्या अध्यक्षपदावरून हटवण्याचा निर्णय घेण्यात आला आहे. चौकशीपूर्ण होईपर्यंत बृजभूषण सिंह यांना अध्यक्षपदावरून दूर ठेवण्यात येणार आहे. केंद्रीय क्रीडा मंत्री अनुराग ठाकूर यांनी पत्रकार परिषद घेऊन हा मोठा निर्णय जाहीर केला. त्यामुळे बृजभूषण सिंह यांना मोठा झटका मानला जात आहे. क्रीडा मंत्रालयाच्या या निर्णयानंतर कुस्तीपटूंनी आपलं धरणं आंदोलनही मागे घेतलं आहे.

भारतीय कुस्ती महासंघाचे अध्यक्ष बृजभूषण सिंह यांच्या विरोधात कुस्तीपटूंनी जंतरमंतरवर धरणे आंदोलन सुरू केलं होतं. काल या कुस्तीपटूंनी पुन्हा क्रीडा मंत्री अनुराग ठाकूर यांची भेट घेतली. तब्बल सात तास ही बैठक चालली. त्यानंतर रात्री उशिरा क्रीडा मंत्री अनुराग ठाकूर यांनी कुस्तीपटूंसोबत एक पत्रकार परिषद घेऊन मोठा निर्णय जाहीर केला.

चौकशी समिती स्थापन

बृजभूषण सिंह यांची चौकशी करण्यासाठी एक चौकशी समिती स्थापन केली जाईल. या समितीतील सदस्यांची नावे सकाळी घोषित केली जातील. ही समिती चार आठवड्यात आपली चौकशी पूर्ण करेल. डब्ल्यूएफआय आणि त्याच्या प्रमुखाच्या विरोधातील सर्व आरोपांची सखोल चौकशी केली जाईल.

तोपर्यंत बृजभूषण सिंह यांना अध्यक्षपदावरून दूर केले जात आहे. चौकशी होईपर्यंत सिंह हे अध्यक्षपदाच्या दैनिक कार्यापासून दूर राहतील आणि चौकशीला सहकार्य करतील, असं अनुराग ठाकूर यांनी सांगितलं.

72 तासात उत्तर मागितले

आम्ही तब्बल सात तास चर्चा केली. यावेळी कुस्तीपटूंनी कुस्ती संघावरील आरोपांची माहिती दिली. त्यांच्या सर्व मागण्या ऐकण्यात आल्या आहेत. खेळाडूंच्या आरोपानंतर आम्ही डब्ल्यूएफआयला नोटीस बजावली होती. 72 तासात नोटिशीला उत्तर देण्यास सांगितलं होतं, असंही त्यांनी सांगितलं.

तसेच चौकशी पूर्ण होईपर्यंत कुस्ती संघाचे अध्यक्ष हे अध्यक्षपदाच्या दैनिक कार्यापासून दूर राहतील आणि चौकशीला सहकार्य करतील, अशी माहिती त्यांनी दिली.

आंदोलन मागे घेत आहोत

यावेळी कुस्तीपटू बजरंग पुनिया यांनीही मीडियाशी संवाद साधला. चौकशी निष्पक्ष होईल अशी आम्हाला आशा आहे. केंद्रीय क्रीडा मंत्र्याने आमच्या मागण्या ऐकल्या आणि योग्य ते आश्वासन दिलं आहे. आम्ही त्यांचे आभार मानतो. त्यामुळेच आम्ही आमचं आंदोलन मागे घेत आहोत, असंही त्यांनी सांगितलं.

तीन दिवस आंदोलन

दरम्यान, गेल्या तीन दिवसांपासून खेळाडू धरणे आंदोलन करत होते. दिल्लीच्या जंतरमंतरवर ही धरणे आंदोलने सुरू होती. बुधवारी कुस्तीपटू विनेश फोगाट, बजरंग पुनिया, साक्षी मलिकसहीत 30 कुस्तीपटू धरणे आंदोलनाला बसले होते. बृजभूषण सिंह यांनी महिला कुस्तीपटूंचं लैंगिक शोषण केल्याचा आरोप या कुस्तीपटूंनी केला होता. त्यामुळे एकच खळबळ उडाली होती.

Follow Us
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई गँगशी कनेक्शन उघड
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह...
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह अनेक नेत्यांची उपस्थिती!
जिल्हा बँक निवडणुकीच्या 15 पैकी 4 जागांचा निकाल जाहीर
Latur Bank Election : जिल्हा बँक निवडणुकीच्या 15 पैकी 4 जागांचा निकाल जाहीर
डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध
मोठी बातमी! डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध...
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट