IND vs SL: चक्क क्रिकेटरनं कोचला संपवलं; टीम इंडियाच्या कसोटी सामन्याआधी श्रीलंकेत खळबळ
श्रीलंकेतून एक अत्यंत दुःखद बातमी समोर समोर येत आहे. आता भारत आणि श्रीलंका यांच्यात कसोटी सामन्यांची मालिका सुरु होणार आहे. या मालिकेसाठी भारतीय संघ जोरदार सराव करत आहे. आता या कसोटी मालिकेपूर्वी श्रीलंकेच्या संघाबद्दल एक मोठी बाब समोर आली आहे. श्रीलंकेतील कोचचा मृत्यू झाला आहे.
श्रीलंकेतून एक अत्यंत दुःखद बातमी समोर समोर येत आहे. आता भारत आणि श्रीलंका यांच्यात कसोटी सामन्यांची मालिका सुरु होणार आहे. या मालिकेसाठी भारतीय संघ जोरदार सराव करत आहे. आता या कसोटी मालिकेपूर्वी श्रीलंकेच्या संघाबद्दल एक मोठी बाब समोर आली आहे. श्रीलंकेतील कोचचा मृत्यू झाला आहे. क्रिकेटच्या मैदानावर झालेल्या वादानंतर एका 62 वर्षीय प्रशिक्षकाचा मृत्यू झाला आहे. ही घटना कोलंबोमध्ये घडली, जिथे क्रिकेट सामन्यादरम्यान वाद झाला, त्यानंतर प्रशिक्षक सुमित फर्नांडो यांना रुग्णालयात नेण्यात आले, परंतु तिथे त्यांचा मृत्यू झाला.
या घटनेप्रकरणी एका 17 वर्षीय शालेय स्तरावरील क्रिकेटपटूला अटक करण्यात आली आहे. पोलिसांनी सांगितले की, त्याला मारहाणीच्या संशयावरून अटक करण्यात आली आणि मंगळवारी कोलंबो न्यायालयासमोर हजर करण्यात आले. न्यायालयाने त्याला 17 ऑगस्टपर्यंत बाल सुरक्षा परिवीक्षा कोठडीत ठेवण्याचे आदेश दिले आहेत.
पाण्याच्या पाण्यावरून झालेला वाद
ही घटना कोलंबोतील ब्लूमफील्ड क्रिकेट अँड ॲथलेटिक क्लबमध्ये घडली. 8 ऑगस्ट 2026 रोजी, दोन खेळाडूंमध्ये पाण्याच्या पाण्यावरून वाद झाला. पोलिसांच्या म्हणण्यानुसार, खेळाडू पाणी पिण्यासाठी नळाजवळ गेले, परंतु पाणी येत नव्हते. त्यानंतर परिस्थिती चिघळली आणि प्रशिक्षक व खेळाडूंमध्ये वाद सुरू झाला.
दरम्यान, दोघांमध्ये हाणामारी झाली आणि कथित 17 वर्षीय मुलाने प्रशिक्षक फर्नांडो यांच्यावर हल्ला केला. त्यानंतर फर्नांडो यांना कोलंबो येथील रुग्णालयात दाखल करण्यात आले, जिथे त्यांनी अखेरचा श्वास घेतला. त्यांच्या मृत्यूचे नेमके कारण उघड करण्यात आलेले नाही, परंतु तपासात असे समोर आले आहे की प्रशिक्षक फर्नांडो यांना काही काळापासून हृदयाचा त्रास होता.
कुसल मेंडिसचे माजी प्रशिक्षक
सुमित फर्नांडो हे श्रीलंकेचा यष्टीरक्षक-फलंदाज कुसल मेंडिसचे प्रशिक्षक होते. श्रीलंकेच्या शालेय आणि क्लब क्रिकेटमध्ये फर्नांडो यांचे नाव खूप आदराने घेतले जाते. त्यांनी यापूर्वी प्रिन्स ऑफ वेल्स कॉलेजमध्ये काम केले होते, जिथे त्यांनी कुसल मेंडिससह अनेक तरुण क्रिकेटपटूंना प्रशिक्षण दिले. मेंडिस सध्या श्रीलंकेच्या एकदिवसीय आणि टी-20 संघांचा कर्णधार आहे. ते ब्लूमफील्ड क्रिकेट अँड ॲथलेटिक क्लबशी केवळ प्रशिक्षक म्हणूनच नव्हे, तर नंतर क्लबचे क्युरेटर म्हणूनही संबंधित होते. ते मोराटुवाचे रहिवासी होते. दुसरीकडे, कुसल मेंडिस त्यांचा वारसा पुढे नेत आहे.
