Mumbai Indians : मुंबई इंडियन्सचा एक मोठा निर्णय, कॅमेंट्री बॉक्समध्ये बसणार खेळणार टीमकडून
मुंबई इंडियन्स संघाच्या या कामगिरीनंतर एक मोठा निर्णय घेतलाय. त्यांनी धवल कुलकर्णीला मुंबई इंडियन्सच्या स्क्वाडमध्ये दाखल केलंय.
मुंबई: इंडियन प्रीमियर लीगचा (IPL) यंदाचा 15 वा सीजन आहे. या मोसमात मुंबई इंडियन्सचा (Mumbai Indians) संघ खूपच खराब फॉर्ममध्ये आहे. पाच वेळचा चॅम्पियन संघ अजूनपर्यंत एकही मॅच जिंकू शकलेला नाही. सलग 8 सामन्यात पराभव झाला आहे. मुंबई इंडियन्स संघाच्या या कामगिरीनंतर एक मोठा निर्णय घेतलाय. यातच आता धवल कुलकर्णी (Dhawal Kulkarni) हा मुंबई इंडियन्सच्या स्क्वाडमध्ये दाखल झाला आहे. धवल कुलकर्णी मागचे दोन सीजन मुंबई इंडियन्सचा भाग होता. पण यंदाच्या सीजनसाठी त्याला मुंबई इंडियन्सने विकत घेतलं नव्हतं. धवलवर मुंबईच नाही, कुठल्याही संघाने बोली लावली नाही. मात्र, आता तो मुंबई इंडियन्सच्या स्क्वाडमध्ये दाखल झालाय. धवल कुलकर्णीकडे आयपीएलचा मोठा अनुभव आहे. त्याने 92 सामन्यात 86 विकेट घेतलेत. तो राजस्थान रॉयल्स, मुंबई इंडियन्स आणि गुजरात लायन्स या संघांकडून खेळला आहे. मागच्या दोन वर्षात त्याला फक्त दोन सामने खेळण्याची संधी मिळाली आहे. या सीजनमध्ये त्याच्यावर कोणी बोली लावली नाही.
कॅमेंट्री बॉक्समध्ये बसणार खेळणार टीमकडून
View this post on Instagram
कशी गोलंदाजी करायची हे त्याला ठाऊक आहे
धवल कुलकर्णी आयपीएल 2022 मध्ये खेळताना दिसणार आहे. मुंबईचा कॅप्टन रोहित शर्मा धवलला संघात घेण्याबद्दल गंभीर होता. रोहितला धवल कुलकर्णी टीममध्ये हवा होता. टाइम्स ऑफ इंडियाने हे वृत्त दिलं होतं की धवलला संघात घ्यावं, अशी रोहितची इच्छा आहे. यामुळे मुंबईच्या गोलंदाजीला बळकटी येईल. धवल मूळचा मुंबईचा आहे. इथे आणि पुण्यात कशी गोलंदाजी करायची? हे त्याला चांगलं ठाऊक आहे.
मुंबईच्या गोलंदाजांचा इकॉनमी रेट जाणून घ्या
मुंबईने आतापर्यंत आठ सामने गमावलेत. त्याचं मुख्य कारण आहे, गोलंदाजी. इतर संघांच्या तुलनेत मुंबईची गोलंदाजी खूपच कमकुवत आहे. जसप्रीत बुमराह सोडल्यास मुंबईचा दुसरा एकही गोलंदाज चांगली कामगिरी करु शकलेला नाही. बासिल थंपीचा प्रति षटक इकॉनमी रेट 9.50 आहे. टायमल मिल्स 11.17 च्या इकॉनमी रेटने धावा लुटवतोय. डॅनियल सॅम्सचा प्रति षटक इकॉनमी रेट 13 आहे. एकवेळ मुंबईची गोलंदाजी मजबूत मानली जायची. पण आता तेच गोलंदाज संघर्ष करत आहेत.
धवल आयपीएलमध्ये किती सामने खेळलाय?
धवल कुलकर्णीकडे आयपीएलचा मोठा अनुभव आहे. त्याने 92 सामन्यात 86 विकेट घेतलेत. तो राजस्थान रॉयल्स, मुंबई इंडियन्स आणि गुजरात लायन्स या संघांकडून खेळला आहे. मागच्या दोन वर्षात त्याला फक्त दोन सामने खेळण्याची संधी मिळाली आहे. या सीजनमध्ये त्याच्यावर कोणी बोली लावली नाही. म्हणून त्याने कॉमेंट्रीमध्ये नवी इनिंग सुरु केली. पण आता धवल कुलकर्णी मैदानावर खेळणार आहे. धवल दोन्ही बाजूला चेंडू स्विंग करु शकतो.
