Vaibhav Sooryavanshi: वैभवला मिळाली सर्वात मोठी गुड न्यूज, वाचून तुम्हालाही वाटेल अभिमान

भारत आणि श्रीलंका असा सेमीफायनल सामना आशियाई क्रीडा स्पर्धेत रंगला. जो भारतीय संघाने एकतर्फी जिंकला. या सेमीफायनल सामन्यात भारतीय संघाने १२४ धावांनी विजय मिळवला. श्रीलंका संघाविरुद्ध वैभव सूर्यवंशीला संधी मिळाली पण त्याला विशेष काही करता आले नाही. या सेमीफायन सामन्यात वैभव सूर्यवंशी जरी फ्लॉप ठरला असला तरीही त्याला एक मोठी आनंदाची बातमी मिळाली आहे.

श्रीलंकाविरुद्ध सेमीफायनल सामन्यात वैभवने केवळ ३८ धावा केल्या. त्याला अर्धशतकही झळकावता आले नाही. तो पूर्णपणे फ्लॉप ठरला. पण इशान किशनने मात्र मैदान मारलं आणि त्याने ८० धावा केल्या. याचा परिणाम श्रीलंका संघाने सामना गमावला. श्रीलंका संघ ४५ धावांवरच संपूर्ण बाद झाला. भारतीय संघाने हा सामना १२४ धावांनी जिंकला. आता वैभव जरी मैदानात फ्लॉप ठरला असला तरीही त्याच्यासाठी एक अशी बातमी आली. ज्यामुळे केवळ त्याला आणि त्यांच्या घरच्यांना अभिमान वाटणार नाही तर संपूर्ण देशाला अभिमान वाटेल.

प्रतिष्ठित अमेरिकन मासिक ‘टाईम’ने आपली वार्षिक ‘टाईम १०० नेक्स्ट’ यादी प्रसिद्ध केली आहे, जी जगभरातील उदयोन्मुख स्टार लोकांना ओळख देते. या प्रतिष्ठित यादीत स्थान मिळवणारा वैभव सूर्यवंशी हा एकमेव भारतीय खेळाडू आहे. पंधरा वर्षीय वैभव सूर्यवंशी या यादीतील सर्वात तरुण व्यक्ती असून, जगभरातून निवडलेल्या केवळ सात खेळाडूंपैकी तो एक आहे.

वैभव सूर्यवंशी २०२४ पासून प्रसिद्धीझोतात, जेव्हा त्याने वयाच्या १२ व्या वर्षी रणजी ट्रॉफीमध्ये वरिष्ठ व्यावसायिक पदार्पण केले. आयपीएल २०२५ हंगामापूर्वी राजस्थान रॉयल्सने त्याला तब्बल ₹१ कोटीमध्ये करारबद्ध केले. जगातील सर्वात लोकप्रिय टी२० फ्रँचायझी लीगमधील आपल्या पहिल्याच हंगामात वैभवने मैदानात धुमाकूळ घातला. त्याने सात डावांमध्ये एकूण २५२ धावा केल्या, ज्यात गुजरात टायटन्सविरुद्ध ३५ चेंडूंतील धमाकेदार शतकाचा समावेश होता. त्यावेळी आयपीएलमधील कोणत्याही भारतीयाने केलेले हे सर्वात जलद शतक होते.

वैभवची कामगिरी इतकी प्रभावी होती की अगदी १५ व्या वर्षीच त्याला भारतीय संघात पदार्पण मिळाले. वैभवकडे या वयात इतकी प्रतिभा आहे तर पुढे तो आणखी खूप विक्रम मोडू शकतो असे अनेक दिग्गजांनी दावाही केला आहे.